ਵੈਭਵ ਨੂੰ ਬਿਹਾਰ ਦੇ ਮੁੱਖ ਮੰਤਰੀ ਨੇ ਦਿੱਤਾ 50 ਲੱਖ ਦਾ ਇਨਾਮ <br/>

ਪਟਨਾ, 22 ਫਰਵਰੀ (ਏਜੰਸੀ)-ਬਿਹਾਰ ਦੇ ਮੁੱਖ ਮੰਤਰੀ ਨਿਤਿਸ਼ ਕੁਮਾਰ ਵਲੋਂ ਇਕ ਰਾਜ ਪੱਧਰੀ ਸਮਾਗਮ ਮੌਕੇ ਅੰਡਰ-19 ਕ੍ਰਿਕਟ ਵਿਸ਼ਵ ਕੱਪ 2026 ਜੇਤੂ ਭਾਰਤੀ ਟੀਮ 'ਚ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਬਿਹਾਰ ਦਾ ਮਾਣ ਵਧਾਉਣ ਵਾਲੇ ਵੈਭਵ ਸੂਰਿਆਵੰਸ਼ੀ ਨੂੰ 50 ਲੱਖ ਰੁਪਏ ਦਾ ਚੈੱਕ ਇਨਾਮ ਵਜੋਂ ਦਿੱਤਾ ਤੇ ਸ਼ਾਲ ਨਾਲ ਸਨਮਾਨਿਤ ਕੀਤਾ ਗਿਆ | ਇਸ ਮÏਕੇ 'ਤੇ ਮੁੱਖ ਮੰਤਰੀ ਨੇ ਕਿਹਾ ਕਿ ਵੈਭਵ ਸੂਰਿਆਵੰਸ਼ੀ ਆਪਣੀ ਸਖ਼ਤ ਮਿਹਨਤ ਤੇ ਪ੍ਰਤਿਭਾ ਰਾਹੀਂ, ਉਹ ਭਾਰਤੀ ਕ੍ਰਿਕਟ ਲਈ ਇਕ ਨਵੀਂ ਉਮੀਦ ਬਣ ਗਏ ਹਨ | ਉਨ੍ਹਾਂ ਕਾਮਨਾ ਕੀਤੀ ਕਿ ਵੈਭਵ ਭਵਿੱਖ ਵਿਚ ਭਾਰਤੀ ਟੀਮ ਲਈ ਨਵੇਂ ਰਿਕਾਰਡ ਕਾਇਮ ਕਰਨ ਤੇ ਦੇਸ਼ ਦਾ ਹੋਰ ਮਾਣ ਵਧਾਉਣ | ਟਾਟਾ ਵੱਲੋਂ ਦਿੱਤੀ ਗਈ ਮਹਿੰਗੀ ਕਾਰ ਦੂਜੇ ਪਾਸੇ, ਕ੍ਰਿਕਟਰ ਵੈਭਵ ਸੂਰਿਆਵੰਸ਼ੀ ਨੂੰ ਇੱਕ ਮਹਿੰਗੀ ਕਾਰ ਮਿਲੀ ਹੈ | ਟਾਟਾ ਵੱਲੋਂ ਇਹ ਕਾਰ ਤੋਹਫ਼ੇ ਵਜੋਂ ਦਿੱਤੀ ਗਈ | ਵੈਭਵ ਨੂੰ ਟਾਟਾ ਆਈ. ਪੀ. ਐਲ. ਵਿਚ ਸੀਰੀਜ਼ ਦੇ ਸਰਵੋਤਮ ਸਟ੍ਰਾਈਕਰ ਦਾ ਪੁਰਸਕਾਰ ਦਿੱਤਾ ਗਿਆ | ਪਟਨਾ 'ਚ ਟਾਟਾ ਦੇ ਇਕ ਸ਼ੋਅਰੂਮ ਦੇ ਮਾਲਕ ਨੇ ਕਿਹਾ ਕਿ ਕਾਰ ਅੱਜ ਡਿਲੀਵਰ ਕੀਤੀ ਗਈ | ਵੈਭਵ ਤੇ ਉਸਦੇ ਪਿਤਾ ਖ਼ੁਦ ਕਾਰ ਲੈਣ ਪਹੁੰਚੇ |