ਵੈਸਟ ਇੰਡੀਜ਼ ਨੇ ਜ਼ਿੰਬਾਬਵੇ 'ਤੇ ਦਰਜ ਕੀਤੀ ਵੱਡੀ ਜਿੱਤ <br/>

ਮੁੰਬਈ, 23 ਫਰਵਰੀ (ਪੀ.ਟੀ.ਆਈ.)-ਟੀ-20 ਵਿਸ਼ਵ ਕੱਪ ਦੇ ਚੌਥੇ ਸੁਪਰ 8 ਮੈਚ 'ਚ ਵੈਸਟ ਇੰਡੀਜ਼ ਨੇ ਜ਼ਿੰਬਾਬਵੇ ਨੂੰ 107 ਦੌੜਾਂ ਨਾਲ ਹਰਾਇਆ | ਵਾਨਖੇੜੇ ਸਟੇਡੀਅਮ 'ਚ ਖੇਡੇ ਗਏ ਅੱਜ ਦੇ ਮੈਚ 'ਚ ਜ਼ਿੰਬਾਬਵੇ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ | ਵੈਸਟ ਇੰਡੀਜ਼ ਨੇ 20 ਓਵਰਾਂ 'ਚ 6 ਵਿਕਟਾਂ 'ਤੇ 254 ਦÏੜਾਂ ਬਣਾਈਆਂ, ਜੋ ਕਿ ਟੀ-20 ਵਿਸ਼ਵ ਕੱਪ ਇਤਿਹਾਸ ਦਾ ਦੂਜਾ ਸਭ ਤੋਂ ਵੱਡਾ ਸਕੋਰ ਹੈ | ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਵੈਸਟਇੰਡੀਜ਼ ਦੀ ਸ਼ੁਰੂਆਤ ਚੰਗੀ ਨਹੀਂ ਸੀ | ਬ੍ਰੈਂਡਨ ਕਿੰਗ ਨੇ ਤੀਜੇ ਓਵਰ 'ਚ ਆਪਣੀ ਵਿਕਟ ਗੁਆ ਦਿੱਤੀ, ਸਿਰਫ਼ 9 ਦÏੜਾਂ ਬਣਾ ਕੇ ਆਉਟ ਹੋਏ | ਹੇਟਮਾਇਰ ਨੇ ਇਸ ਤੋਂ ਬਾਅਦ ਚੰਗੀ ਬੱਲੇਬਾਜ਼ੀ ਕੀਤੀ | ਹਾਲਾਂਕਿ, ਛੇਵੇਂ ਓਵਰ 'ਚ ਵੈਸਟਇੰਡੀਜ਼ ਨੂੰ ਇਕ ਹੋਰ ਝਟਕਾ ਲੱਗਾ ਜਦੋਂ ਸ਼ਾਈ ਹੋਪ 14 ਦÏੜਾਂ ਬਣਾ ਕੇ ਆਊਟ ਹੋ ਗਿਆ | ਜਦਕਿ ਹੇਟਮਾਇਰ ਨੇ ਸਿਰਫ਼ 19 ਗੇਂਦਾਂ 'ਚ ਅਰਧ ਸੈਂਕੜਾ ਲਗਾਇਆ | 9ਵੇਂ ਓਵਰ 'ਚ ਵੈਸਟਇੰਡੀਜ਼ ਦਾ ਸਕੋਰ 100 ਤੋਂ ਪਾਰ ਹੋ ਗਿਆ | ਇਸ ਤੋਂ ਬਾਅਦ ਪਾਵੇਲ ਨੇ 29 ਗੇਂਦਾਂ 'ਚ ਅਰਧ ਸੈਂਕੜਾ ਲਗਾਇਆ | ਜਿਸ ਦੇ ਸਦਕੇ ਇਕ ਵੱਡਾ ਸਕੋਰ ਜੁੜ ਸਕਿਆ | ਇਸਦੇ ਜਵਾਬ 'ਚ 255 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਾ ਹੋਏ ਜ਼ਿੰਬਾਬਵੇ ਦੀ ਬੱਲੇਬਾਜ਼ੀ ਬਰਾਬਰੀ ਕਰਨ 'ਚ ਅਸਫਲ ਰਹੀ | ਟੀਮ ਨੇ 17.4 ਓਵਰਾਂ 'ਚ ਕੁੱਲ 147 ਦੌੜਾਂ ਬਣਾਈਆਂ ਤੇ 107 ਦੌੜਾਂ ਨਾਲ ਹਾਰ ਗਏ |