20-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 12-03-2026

ਆਈ.ਪੀ.ਐਲ. 2026 ਦੇ ਪਹਿਲੇ ਪੜਾਅ ਦੀ ਸਮਾਂ-ਸਾਰਣੀ ਜਾਰੀ <br/>

Ad Position 21
No active advertisement
ਅਜੀਤ ਡੈਸਕ 12-03-2026

ਨਵੀਂ ਦਿੱਲੀ, 11 ਮਾਰਚ (ਪੀ. ਟੀ. ਆਈ.)-ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਵਲੋਂ ਪੱਛਮੀ ਏਸ਼ੀਆ ਵਿਚ ਚੱਲ ਰਹੇ ਟਕਰਾਅ ਦਰਮਿਆਨ ਖਿਡਾਰੀਆਂ ਦੇ ਯਾਤਰਾ ਪ੍ਰਬੰਧਾਂ ਬਾਰੇ ਚਿੰਤਾਵਾਂ ਦੇ ਵਿਚਕਾਰ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐਲ.) 2026 ਦੇ ਪਹਿਲੇ ਪੜਾਅ ਦੀ ਸਮਾਂ-ਸਾਰਣੀ ਦਾ ਐਲਾਨ ਕਰ ਦਿੱਤਾ ਗਿਆ ਹੈ, ਜਿਸ ਅਨੁਸਾਰ ਮੌਜੂਦਾ ਚੈਂਪੀਅਨ ਰਾਇਲ ਚੈਲੰਜਰਜ਼ ਬੈਂਗਲੁਰੂ 28 ਮਾਰਚ ਨੂੰ ਬੈਂਗਲੁਰੂ ਵਿਖੇ ਆਈ.ਪੀ.ਐਲ. 2026 ਦੇ ਸ਼ੁਰੂਆਤੀ ਮੈਚ ਵਿਚ ਸਨਰਾਈਜ਼ਰਜ਼ ਹੈਦਰਾਬਾਦ ਨਾਲ ਭਿੜੇਗਾ | ਬੀ.ਸੀ.ਸੀ.ਆਈ. ਵਲੋਂ ਪਹਿਲੇ 20 ਮੈਚਾਂ ਦੀ ਸਮਾਂ-ਸਾਰਣੀ ਦਾ ਐਲਾਨ ਕੀਤਾ ਗਿਆ ਹੈ, ਜਦੋਂਕਿ ਤਾਮਿਲਨਾਡੂ, ਅਸਾਮ ਅਤੇ ਪੱਛਮੀ ਬੰਗਾਲ ਵਿਚ ਚੋਣਾਂ ਦੀਆਂ ਤਰੀਕਾਂ ਦਾ ਐਲਾਨ ਹੋਣ ਤੋਂ ਬਾਅਦ ਪੂਰਾ ਸ਼ਡਿਊਲ ਜਾਰੀ ਕੀਤਾ ਜਾਵੇਗਾ | ਸ਼ੁਰੂਆਤੀ ਦੂਜੇ ਮੈਚ 'ਚ ਮੁੰਬਈ ਇੰਡੀਅਨਜ਼ ਵਾਨਖੇੜੇ ਸਟੇਡੀਅਮ 'ਚ ਕੋਲਕਾਤਾ ਨਾਈਟ ਰਾਈਡਰਜ਼ ਦੀ ਮੇਜ਼ਬਾਨੀ ਕਰੇਗਾ ਅਤੇ ਸ਼ੁਰੂਆਤੀ ਹਫ਼ਤੇ 'ਚ ਕੋਈ ਡਬਲ-ਹੈਡਰ ਨਹੀਂ ਹੋਵੇਗਾ | ਬੀ.ਸੀ.ਸੀ.ਆਈ. ਨੇ ਕਿਹਾ ਕਿ ਸੀਜ਼ਨ ਦੌਰਾਨ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ, ਬੈਂਗਲੁਰੂ 'ਚ 5 ਘਰੇਲੂ ਮੈਚ ਅਤੇ ਰਾਏਪੁਰ 'ਚ ਦੋ ਮੈਚ ਖੇਡੇਗਾ | ਪੰਜਾਬ ਕਿੰਗਜ਼ ਚੰਡੀਗੜ੍ਹ 'ਚ ਚਾਰ ਘਰੇਲੂ ਮੈਚ ਅਤੇ ਧਰਮਸ਼ਾਲਾ 'ਚ ਤਿੰਨ, ਜਦੋਂਕਿ ਰਾਜਸਥਾਨ ਰਾਇਲਜ਼ ਗੁਹਾਟੀ 'ਚ ਤਿੰਨ ਮੈਚ ਅਤੇ ਜੈਪੁਰ 'ਚ ਚਾਰ ਘਰੇਲੂ ਮੈਚ ਖੇਡੇਗਾ | ਇਸ ਸਮੇਂ ਦੌਰਾਨ (ਪਹਿਲੇ 16 ਦਿਨ) ਟੂਰਨਾਮੈਂਟ ਵਿਚ ਚਾਰ ਡਬਲ-ਹੈਡਰ ਹੋਣਗੇ, ਦੁਪਹਿਰ ਦੇ ਮੈਚ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 03:30 ਵਜੇ ਸ਼ੁਰੂ ਹੋਣਗੇ ਅਤੇ ਸ਼ਾਮ ਦੇ ਮੈਚ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 07:30 ਵਜੇ ਸ਼ੁਰੂ ਹੋਣਗੇ |

Ad Position 22
No active advertisement
ਪਿਛਲੀ ਖ਼ਬਰ ਭਾਰਤ 'ਚ ਹੋਣ ਵਾਲੀ ਏਸ਼ਿਆਈ ਵੇਟਲਿਫਟਿੰਗ ਚੈਂਪੀਅਨਸ਼ਿਪ ਮੁਲਤਵੀ ਅਗਲੀ ਖ਼ਬਰ ਈਰਾਨੀ ਮਹਿਲਾ ਫੁੱਟਬਾਲ ਟੀਮ ਦੀਆਂ 2 ਹੋਰ ਖਿਡਾਰਨਾਂ ਨੂੰ ਆਸਟ੍ਰੇਲੀਆ 'ਚ ਸ਼ਰਨ ਮਿਲੀ
Ad Position 24