20-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 12-03-2026

ਅਭਿਸ਼ੇਕ ਸ਼ਰਮਾ ਨੰਬਰ 1 'ਤੇ ਬਰਕਰਾਰ, ਸਾਹਿਬਜ਼ਾਦਾ ਨੂੰ ਪਛਾੜ ਕੇ ਨੰਬਰ 2 ਬੱਲੇਬਾਜ਼ ਬਣੇ ਈਸ਼ਾਨ ਕਿਸ਼ਨ <br/>

Ad Position 21
No active advertisement
ਅਜੀਤ ਡੈਸਕ 12-03-2026

ਦੁਬਈ, 11 ਮਾਰਚ (ਪੀ. ਟੀ. ਆਈ.)-ਖੱਬੇ ਹੱਥ ਦੇ ਹਮਲਾਵਰ ਬੱਲੇਬਾਜ਼ ਅਭਿਸ਼ੇਕ ਸ਼ਰਮਾ ਟੀ-20 ਅੰਤਰਰਾਸ਼ਟਰੀ ਬੱਲੇਬਾਜ਼ਾਂ ਦੀ ਰੈਂਕਿੰਗ 'ਚ ਪਹਿਲੇ ਸਥਾਨ 'ਤੇ ਬਰਕਰਾਰ ਹਨ | ਉਨ੍ਹਾਂ ਟੀ-20 ਵਿਸ਼ਵ ਕੱਪ ਦੇ ਫਾਈਨਲ 'ਚ ਨਿਊਜ਼ੀਲੈਂਡ ਖ਼ਿਲਾਫ਼ ਤੇਜ਼ ਤਰਾਰ ਅਰਧ ਸੈਂਕੜਾ ਲਗਾ ਕੇ ਆਪਣੀ ਬਾਦਸ਼ਾਹਤ ਕਾਇਮ ਰੱਖੀ ਹੈ | ਅਭਿਸ਼ੇਕ ਸ਼ਰਮਾ ਫਾਈਨਲ 'ਚ ਭਾਰਤ ਲਈ ਬੇਹੱਦ ਅਹਿਮ ਖਿਡਾਰੀ ਸਾਬਿਤ ਹੋਏ ਸਨ ਅਤੇ ਉਨ੍ਹਾਂ ਧਮਾਕੇਦਾਰ ਬੱਲੇਬਾਜ਼ੀ ਨਾਲ ਟੀਮ ਨੂੰ ਮਜ਼ਬੂਤ ਸ਼ੁਰੂਆਤ ਦਿਵਾਈ ਸੀ | ਉਹ ਪਿਛਲੇ ਕਾਫੀ ਸਮੇਂ ਤੋਂ ਨੰਬਰ ਇਕ ਟੀ-20 ਬੱਲੇਬਾਜ਼ ਬਣੇ ਹੋਏ ਹਨ | ਟੀ-20 ਵਿਸ਼ਵ ਕੱਪ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਇਕ ਹੋਰ ਭਾਰਤੀ ਈਸ਼ਾਨ ਕਿਸ਼ਨ ਨੂੰ ਵੀ ਵੱਡਾ ਫਾਇਦਾ ਹੋਇਆ ਹੈ | ਖੱਬੇ ਹੱਥ ਦੇ ਇਸ ਵਿਕਟਕੀਪਰ ਬੱਲੇਬਾਜ਼ ਨੇ ਟੂਰਨਾਮੈਂਟ 'ਚ ਕੁੱਲ 317 ਦੌੜਾ ਬਣਾ ਕੇ ਸ਼ਾਨਦਾਰ ਛਾਪ ਛੱਡੀ ਹੈ | ਇਸ ਪ੍ਰਦਰਸ਼ਨ ਦੀ ਬਦੌਲਤ ਉਹ ਦੋ ਸਥਾਨ ਉਪਰ ਚੜ੍ਹ ਕੇ ਦੂਜੇ ਨੰਬਰ 'ਤੇ ਪਹੁੰਚ ਗਏ ਹਨ | ਈਸ਼ਾਨ ਕਿਸ਼ਨ ਨੇ ਆਪਣੇ ਕਰੀਅਰ ਦੀ ਸਰਬੋਤਮ ਰੇਟਿੰਗ ਹਾਸਲ ਕੀਤੀ ਹੈ ਅਤੇ ਉਹ ਹੁਣ ਅਭਿਸ਼ੇਕ ਸ਼ਰਮਾ ਤੋਂ ਸਿਰਫ਼ 4 ਰੇਟਿੰਗ ਅੰਕ ਪਿੱਛੇ ਹਨ | ਸਿਖਰਲੇ 10 ਬੱਲੇਬਾਜ਼ਾਂ 'ਚ ਸ਼ਾਮਿਲ ਹੋਰ ਭਾਰਤੀਆਂ 'ਚ ਤਿਲਕ ਵਰਮਾ ਅਤੇ ਸੂਰਿਆਕੁਮਾਰ ਯਾਦਵ ਵੀ ਹਨ | ਤਿਲਕ ਨੂੰ ਇਕ ਸਥਾਨ ਦਾ ਨੁਕਸਾਨ ਹੋਇਆ ਹੈ ਅਤੇ ਉਹ 7ਵੇਂ ਸਥਾਨ 'ਤੇ ਪਹੁੰਚ ਗਏ ਹਨ | ਟੀ-20 ਬੱਲੇਬਾਜ਼ਾਂ 'ਚ ਤੀਜੇ ਸਥਾਨ 'ਤੇ ਪਾਕਿਸਤਾਨ ਦੇ ਸਾਹਿਬਜ਼ਾਦਾ ਫਰਹਾਨ ਹਨ, ਜਦੋਂਕਿ ਚੌਥੇ ਸਥਾਨ 'ਤੇ ਇੰਗਲੈਂਡ ਦੇ ਫਿਲ ਸਾਲਟ ਹਨ | 5ਵੇਂ ਸਥਾਨ 'ਤੇ ਸ੍ਰੀਲੰਕਾ ਦੇ ਪûਮ ਨਿਸਾਂਕਾ ਹੈ | ਸੰਜੂ ਸੈਮਸਨ ਨੇ 18 ਸਥਾਨਾਂ ਦੀ ਛਾਲ ਮਾਰੀ ਹੈ | ਉਹ ਹੁਣ 22ਵੇਂ ਸਥਾਨ 'ਤੇ ਪਹੁੰਚ ਗਏ ਹਨ |

Ad Position 22
No active advertisement
ਪਿਛਲੀ ਖ਼ਬਰ ਆਸਟ੍ਰੇਲੀਆ ਤੋਂ ਅੰਤਰਰਾਸ਼ਟਰੀ ਵਫ਼ਦ ਦੀ ਮੁੱਖ ਮੰਤਰੀ ਮਾਨ ਨਾਲ ਅਹਿਮ ਮੀਟਿੰਗ ਅਗਲੀ ਖ਼ਬਰ ਭਾਰਤ 'ਚ ਹੋਣ ਵਾਲੀ ਏਸ਼ਿਆਈ ਵੇਟਲਿਫਟਿੰਗ ਚੈਂਪੀਅਨਸ਼ਿਪ ਮੁਲਤਵੀ
Ad Position 24