ਭਾਰਤ ਦੇ ਇਕ ਰੋਜ਼ਾ ਕਪਤਾਨ ਸ਼ੁਭਮਨ ਗਿੱਲ ਦੁਨੀਆ ਦੇ ਪਹਿਲੇ ਨੰਬਰ ਦੇ ਬੱਲੇਬਾਜ਼ ਬਣ ਗਏ ਹਨ। ਤਿੰਨ ਭਾਰਤੀ ਇਕ ਰੋਜ਼ਾ ਮੈਚਾਂ ’ਚ ਪਹਿਲੇ ਚਾਰ ਵਿਚ ਹਨ। ਵਿਰਾਟ ਕੋਹਲੀ ਦੂਜੇ ਤੇ ਰੋਹਿਤ ਸ਼ਰਮਾ ਚੌਥੇ ਸਥਾਨ ’ਤੇ ਹਨ। ਜਦਕਿ ਜਸਪ੍ਰੀਤ ਬੁਮਰਾਹ ਨੰਬਰ 1 ਟੈਸਟ ਗੇਂਦਬਾਜ਼ ਬਣਿਆ ਹੋਇਆ ਹੈ। ਆਈ.ਸੀ.ਸੀ. ਨੇ ਬੁੱਧਵਾਰ ਨੂੰ ਪੁਰਸ਼ ਖਿਡਾਰੀਆਂ ਲਈ ਆਪਣੀ ਤਾਜ਼ਾ ਦਰਜਾਬੰਦੀ ਜਾਰੀ ਕੀਤੀ, ਜਿਸ ’ਚ ਕਾਫ਼ੀ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲਿਆ। ਸ਼ੁਭਮਨ ਗਿੱਲ ਇਕ ਵਾਰ ਫਿਰ ਨੰਬਰ 1 ਇਕ ਰੋਜ਼ਾ ਬੱਲੇਬਾਜ਼ ਬਣ ਗਏ। ਉਨ੍ਹਾਂ ਦੇ ਇਸ ਸਮੇਂ 801 ਰੇਟਿੰਗ ਅੰਕ ਹਨ। ਭਾਰਤੀ ਕਪਤਾਨ ਗਿੱਲ ਨੇ ਨਿਊਜ਼ੀਲੈਂਡ ਦੇ ਡੈਰਿਲ ਮਿਸ਼ੇਲ (794) ਤੋਂ ਇਹ ਸਥਾਨ ਖੋਹ ਲਿਆ, ਜੋ ਇਸ ਸਾਲ ਜਨਵਰੀ ਤੋਂ ਸਿਖਰ ’ਤੇ ਸਨ। ਤਜਰਬੇਕਾਰ ਭਾਰਤੀ ਬੱਲੇਬਾਜ਼ ਵਿਰਾਟ ਕੋਹਲੀ (767) ਤੀਜੇ ਸਥਾਨ ’ਤੇ ਹਨ ਅਤੇ ਰੋਹਿਤ ਸ਼ਰਮਾ (758) ਚੌਥੇ ਸਥਾਨ ’ਤੇ ਹਨ।
