17-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 05-01-2026

ਲੰਡਨ 'ਚ ਕਤਲ ਕੀਤੇ ਭਾਰਤੀ ਦੇ ਸੰਬੰਧ 'ਚ ਇਕ ਗਿ੍ਫ਼ਤਾਰ <br/>

Ad Position 21
No active advertisement
ਅਜੀਤ ਡੈਸਕ 05-01-2026
ਲੰਡਨ, 4 ਜਨਵਰੀ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਨਵੇਂ ਸਾਲ ਦੇ ਦਿਨ ਦੱਖਣੀ ਲੰਡਨ ਦੇ ਘਰ 'ਚ ਮਿ੍ਤਕ ਪਾਏ ਗਏ ਵਿਅਕਤੀ ਦੀ ਪਹਿਚਾਣ 41 ਸਾਲਾ ਕਲੀਮ ਸ਼ੇਖ ਵਜੋਂ ਹੋਈ ਹੈ | ਜੋ ਇਕ ਭਾਰਤੀ ਨਾਗਰਿਕ ਹੈ | ਮੈਟਰੋਪੁਲੀਟਨ ਪੁਲਿਸ ਨੇ ਕਿਹਾ ਕਿ ਨਵੇਂ ਸਾਲ ਦੇ ਦਿਨ ਪੁਲਿਸ ਰਾਤ 8 ਵਜੇ ਲੈਂਬਥ ਦੇ ਬੌਂਡਵੇਅ ਸਥਿਤ ਇਕ ਘਰ 'ਚ ਦਾਖਿਲ ਹੋਈ ਸੀ | ਜਿੱਥੋਂ 41 ਸਾਲਾ ਕਲੀਮ ਸ਼ੇਖ ਦੀ ਲਾਸ਼ ਮਿਲੀ ਤੇ ਉਕਤ ਮਾਮਲੇ 'ਚ ਉਸੇ ਸੜਕ ਦੇ ਰਹਿਣ ਵਾਲੇ ਡੈਨੀਅਲ ਲੇਵੀ ਨੂੰ ਗਿ੍ਫਤਾਰ ਕੀਤਾ ਗਿਆ ਹੈ | ਬੀਤੇ ਕੱਲ 48 ਸਾਲਾ ਡੈਨੀਅਲ ਲੇਵੀ 'ਤੇ ਕਤਲ ਦਾ ਦੋਸ਼ ਲਗਾਇਆ ਗਿਆ ਤੇ ਉਸਨੂੰ ਵੈਸਟਮਿੰਸਟਰ ਮੈਜਿਸਟ੍ਰੇਟ ਦੀ ਅਦਾਲਤ 'ਚ ਪੇਸ਼ ਕਰਕੇ ਰਿਮਾਂਡ ਲਿਆ ਗਿਆ ਹੈ | ਪੁਲਿਸ ਮੁਤਾਬਕ ਡੈਨੀਅਲ 5 ਜਨਵਰੀ ਨੂੰ ਓਲਡ ਬੇਲੀ ਅਦਾਲਤ 'ਚ ਪੇਸ਼ ਕੀਤਾ ਜਾਵੇਗਾ | ਮੈਟਰੋਪੋਲੀਟਨ ਪੁਲਿਸ ਨੇ ਦੁੱਖ ਪ੍ਰਗਟ ਕਰਦਿਆਂ ਕਿਹਾ ਕਿ ਕਲੀਮ ਸ਼ੇਖ ਇਕ ਭਾਰਤੀ ਨਾਗਰਿਕ ਸੀ | ਉਸਦੇ ਭਾਰਤ 'ਚ ਰਹਿੰਦੇ ਪਰਿਵਾਰ ਨੂੰ ਸੂਚਿਤ ਕਰ ਦਿੱਤਾ ਹੈ ਤੇ ਮਾਹਰ ਅਧਿਕਾਰੀਆਂ ਵਲੋਂ ਸਹਾਇਤਾ ਕੀਤੀ ਜਾ ਰਹੀ ਹੈ | ਜਾਂਚ ਅਧਿਕਾਰੀ ਡਿਟੈਕਟਿਵ ਚੀਫ਼ ਇੰਸਪੈਕਟਰ ਫਿਲ ਕਲਾਰਕ ਨੇ ਕਿਹਾ 'ਇਸ ਔਖੇ ਸਮੇਂ 'ਚ ਸਾਡੀਆਂ ਭਾਵਨਾਵਾਂ ਕਲੀਮ ਦੇ ਪਰਿਵਾਰ ਨਾਲ ਹਨ | ਘਟਨਾ ਦੇ ਸੰਬੰਧ 'ਚ ਇਸ ਵੇਲੇ ਕਿਸੇ ਹੋਰ ਸ਼ੱਕੀ ਦੀ ਭਾਲ ਨਹੀਂ ਕੀਤੀ ਜਾ ਰਹੀ | ਹੱਤਿਆ ਦੇ ਕਾਰਨਾਂ ਦੀ ਪੜਤਾਲ ਕੀਤੀ ਜਾ ਰਹੀ ਹੈ |

Ad Position 22
No active advertisement
ਪਿਛਲੀ ਖ਼ਬਰ ਥਿੰਪੂ 'ਚ ਭੂਟਾਨ ਦੇ ਰਾਜਾ ਜਿਗਮੇ ਖੇਸਰ ਨਾਮਗਯੇਲ ਵਾਂਗਚੁਕ ਨਾਲ ਮੁਲਾਕਾਤ ਦੌਰਾਨ ਅਡਾਨੀ ਗਰੁੱਪ ਦੇ ਚੇਅਰਮੈਨ ਗੌਤਮ ਅਡਾਨ... ਅਗਲੀ ਖ਼ਬਰ ਗਾਖਲ ਭਰਾਵਾਂ ਦਾ ਧਾਰਮਿਕ ਸੇਵਾਵਾਂ ਤੇ ਗੁਰੂ ਕੇ ਲੰਗਰਾਂ ਦੀ ਸੇਵਾ ਲਈ ਸਨਮਾਨ <br/>
Ad Position 24