16-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 17-11-2026

ਵੀਜ਼ਾ ਸਖ਼ਤੀ ਵਿਚਾਲੇ ਵਿਦੇਸ਼ੀ ਵਿਦਿਆਰਥੀ ਘਟੇ, ਅਮਰੀਕੀ ਯੂਨੀਵਰਸਿਟੀਆਂ ਚਿੰਤਤ

ਨਿਊਯਾਰਕ, 16 ਨਵੰਬਰ (ਰਾਜੂ ਸ਼ਹਿਬਾਜ਼ਪੁਰਾ)-ਅਮਰੀਕਾ ਦੀਆਂ ਕਈ ਯੂਨੀਵਰਸਿਟੀਆਂ ’ਚ ਵਿਦੇਸ਼ੀ ਵਿਦਿਆਰਥੀਆਂ ਦੀ ਗਿਣਤੀ ਘਟਣ ਨਾਲ ਸਿੱਖਿਆ ਖੇਤਰ ’ਚ ਚਿੰਤਾ ਵਧ ਰਹੀ ਹੈ। ਕੌਮਾਂਤਰੀ ਸਿੱਖਿਆ ਨਾਲ ਜੁੜੀ ਸੰਸਥਾ ਨਾਫ਼ਸਾ ਮੁਤਾਬਕ ਵੀਜ਼ਾ ਇੰਟਰਵਿਊ ਲਈ ਸਮਾਂ ਮਿਲਣ ’ਚ ਅੜਿੱਕੇ, ਅਰਜ਼ੀਆਂ ਦੀ ਘਟਦੀ ਗਿਣਤੀ ਤੇ ਸਖ਼ਤ ਪਰਵਾਸ ਨੀਤੀਆਂ ਇਸ ਰੁਝਾਨ ਦੇ ਅਹਿਮ ਕਾਰਨ ਹਨ।

Ad Position 21
No active advertisement
ਅਜੀਤ ਡੈਸਕ 17-11-2026
ਨਿਊਯਾਰਕ, 16 ਨਵੰਬਰ (ਰਾਜੂ ਸ਼ਹਿਬਾਜ਼ਪੁਰਾ)-ਅਮਰੀਕਾ ਦੀਆਂ ਕਈ ਯੂਨੀਵਰਸਿਟੀਆਂ ’ਚ ਵਿਦੇਸ਼ੀ ਵਿਦਿਆਰਥੀਆਂ ਦੀ ਗਿਣਤੀ ਘਟਣ ਨਾਲ ਸਿੱਖਿਆ ਖੇਤਰ ’ਚ ਚਿੰਤਾ ਵਧ ਰਹੀ ਹੈ। ਕੌਮਾਂਤਰੀ ਸਿੱਖਿਆ ਨਾਲ ਜੁੜੀ ਸੰਸਥਾ ਨਾਫ਼ਸਾ ਮੁਤਾਬਕ ਵੀਜ਼ਾ ਇੰਟਰਵਿਊ ਲਈ ਸਮਾਂ ਮਿਲਣ ’ਚ ਅੜਿੱਕੇ, ਅਰਜ਼ੀਆਂ ਦੀ ਘਟਦੀ ਗਿਣਤੀ ਤੇ ਸਖ਼ਤ ਪਰਵਾਸ ਨੀਤੀਆਂ ਇਸ ਰੁਝਾਨ ਦੇ ਅਹਿਮ ਕਾਰਨ ਹਨ। ਹਾਲਾਂਕਿ ਦੇਸ਼ ਪੱਧਰ ਦੀ ਗਿਰਾਵਟ ਬਾਰੇ ਉਸ ਦੇ ਅੰਕੜੇ ਅਜੇ ਅੰਦਾਜ਼ੇ ਹਨ, ਅੰਤਿਮ ਗਿਣਤੀ ਨਹੀਂ। ਓਹਾਇਓ ਸਟੇਟ ਯੂਨੀਵਰਸਿਟੀ ’ਚ ਵਿਦੇਸ਼ੀ ਵਿਦਿਆਰਥੀਆਂ ਦੀ ਗਿਣਤੀ ਪਿਛਲੇ ਸਾਲ ਨਾਲੋਂ 762 ਘਟ ਕੇ 5,234 ਰਹਿ ਗਈ ਹੈ। ਇਹ 12.7 ਫ਼ੀਸਦੀ ਦੀ ਕਮੀ ਹੈ। ਇਸ ਦੇ ਉਲਟ ਯੂਨੀਵਰਸਿਟੀ ਦੇ ਕੁੱਲ ਦਾਖ਼ਲਿਆਂ ਵਿਚ ਵਾਧਾ ਹੋਇਆ ਹੈ। ਇਸ ਤੋਂ ਸਪੱਸ਼ਟ ਹੈ ਕਿ ਵਿਦੇਸ਼ੀ ਵਿਦਿਆਰਥੀਆਂ ਦੀ ਘਾਟ ਨੂੰ ਸਮੁੱਚੇ ਦਾਖ਼ਲਿਆਂ ਦੀ ਗਿਰਾਵਟ ਨਾਲ ਨਹੀਂ ਜੋੜਿਆ ਜਾ ਸਕਦਾ। ਯੂਨੀਵਰਸਿਟੀ ਆਫ਼ ਵਾਸ਼ਿੰਗਟਨ ਦੇ ਅਧਿਕਾਰਤ ਅੰਕੜਿਆਂ ਅਨੁਸਾਰ ਉਸ ਦੇ ਤਿੰਨਾਂ ਕੈਂਪਸਾਂ ਵਿਚ ਕੁੱਲ 7,333 ਵਿਦੇਸ਼ੀ ਵਿਦਿਆਰਥੀ ਪੜ੍ਹ ਰਹੇ ਹਨ, ਜੋ ਪਿਛਲੇ ਸਾਲ ਨਾਲੋਂ ਕਰੀਬ ਸੱਤ ਫ਼ੀਸਦੀ ਘੱਟ ਹਨ। ਪਰ ਇੱਥੇ ਨਵੇਂ ਦਾਖ਼ਲ ਹੋਏ ਤੇ ਹੋਰ ਸੰਸਥਾਵਾਂ ਤੋਂ ਤਬਦੀਲ ਹੋ ਕੇ ਆਏ ਵਿਦੇਸ਼ੀ ਵਿਦਿਆਰਥੀਆਂ ਦੀ ਗਿਣਤੀ 99 ਵਧੀ ਹੈ। ਇਸ ਲਈ ਹਰ ਸੰਸਥਾ ਵਿਚ ਨਵੇਂ ਦਾਖ਼ਲੇ ਤੇ ਕੁੱਲ ਵਿਦਿਆਰਥੀਆਂ ਦੀ ਗਿਣਤੀ ਦਾ ਰੁਝਾਨ ਇਕੋ ਜਿਹਾ ਨਹੀਂ ਹੈ। ਵਿਦੇਸ਼ੀ ਵਿਦਿਆਰਥੀਆਂ ਲਈ ਇਕ ਹੋਰ ਵੱਡੀ ਚਿੰਤਾ ਓਪਸ਼ਨਲ ਪ੍ਰੈਕਟੀਕਲ ਟ੍ਰੇਨਿੰਗ, ਯਾਨੀ ਓ.ਪੀ.ਟੀ. ਨਾਲ ਜੁੜੀ ਭਾਰੀ ਫ਼ੀਸ ਦੀ ਤਜਵੀਜ਼ ਹੈ। ਸਰਕਾਰੀ ਦਸਤਾਵੇਜ਼ ਮੁਤਾਬਕ ਪਹਿਲੀ ਵਾਰ ਓਪੀਟੀ ਦੀ ਸਿਫ਼ਾਰਸ਼ ਲਈ ਪ੍ਰਤੀ ਵਿਦਿਆਰਥੀ 70 ਹਜ਼ਾਰ ਡਾਲਰ ਤੇ ਬਾਅਦ ਦੀ ਸਿਫ਼ਾਰਸ਼ ਲਈ 30 ਹਜ਼ਾਰ ਡਾਲਰ ਫ਼ੀਸ ਰੱਖਣ ਦਾ ਪ੍ਰਸਤਾਵ ਹੈ। ਇਹ ਆਮ ਵਿਦਿਆਰਥੀ ਵੀਜ਼ੇ ਦੀ ਫ਼ੀਸ ਨਹੀਂ, ਸਗੋਂ ਪੜ੍ਹਾਈ ਦੇ ਵਿਸ਼ੇ ਨਾਲ ਸੰਬੰਧਿਤ ਆਰਜ਼ੀ ਕੰਮ ਦੀ ਸਿਖਲਾਈ ਵਾਲੇ ਪ੍ਰੋਗਰਾਮ ਦੀ ਵੱਖਰੀ ਤਜਵੀਜ਼ ਹੈ। ਇਸ ਨੂੰ ਅਜੇ ਲਾਗੂ ਹੋ ਚੁੱਕੀ ਫ਼ੀਸ ਨਹੀਂ ਮੰਨਿਆ ਜਾਣਾ ਚਾਹੀਦਾ। ਤਜਵੀਜ਼ ਅਨੁਸਾਰ ਇਹ ਰਕਮ ਸਿੱਖਿਆ ਸੰਸਥਾ ਨੇ ਜਮ੍ਹਾਂ ਕਰਵਾਉਣੀ ਹੋਵੇਗੀ। ਨਾਫ਼ਸਾ ਨੇ ਇਸ ਦਾ ਵਿਰੋਧ ਕਰਦਿਆਂ ਕਿਹਾ ਹੈ ਕਿ ਇਸ ਨਾਲ ਵਿਦਿਆਰਥੀਆਂ ਦੀ ਅਨਿਸ਼ਚਿਤਤਾ ਵਧੇਗੀ ਤੇ ਅਮਰੀਕਾ ਦੀ ਖੋਜ, ਅਰਥਚਾਰੇ ਤੇ ਹੁਨਰਮੰਦ ਕਾਮਿਆਂ ਦੀ ਲੋੜ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ। ਯੂਨੀਵਰਸਿਟੀ ਆਫ਼ ਵਾਸ਼ਿੰਗਟਨ ਨੇ ਵੀ ਤਜਵੀਜ਼ ਵਾਪਸ ਲੈਣ ਦੀ ਮੰਗ ਕੀਤੀ ਹੈ। ਦੂਜੇ ਪਾਸੇ ਗ੍ਰਹਿ ਸੁਰੱਖਿਆ ਵਿਭਾਗ ਨੇ ਪ੍ਰਸਤਾਵ ਵਿਚ ਕਿਹਾ ਹੈ ਕਿ ਨਵੀਆਂ ਫ਼ੀਸਾਂ ਦਾ ਮਕਸਦ ਧੋਖਾਧੜੀ ਰੋਕਣਾ, ਪਰਵਾਸ ਪ੍ਰਬੰਧ ਮਜ਼ਬੂਤ ਕਰਨਾ ਅਤੇ ਅਮਰੀਕੀ ਕਾਮਿਆਂ ਦੇ ਹਿੱਤਾਂ ਦੀ ਰਾਖੀ ਕਰਨਾ ਹੈ। ਇਸ ਤਰ੍ਹਾਂ ਵਿਵਾਦ ਹੁਣ ਵਿਦੇਸ਼ੀ ਵਿਦਿਆਰਥੀਆਂ ਦੀ ਆਮਦ ਦੇ ਨਾਲ ਉਨ੍ਹਾਂ ਨੂੰ ਪੜ੍ਹਾਈ ਦੌਰਾਨ ਅਤੇ ਬਾਅਦ ਵਿਚ ਮਿਲਣ ਵਾਲੇ ਕੰਮ ਦੇ ਮੌਕਿਆਂ ਉੱਤੇ ਵੀ ਕੇਂਦਰਿਤ ਹੋ ਗਿਆ ਹੈ। Student Visa
Ad Position 22
No active advertisement
ਪਿਛਲੀ ਖ਼ਬਰ ਪ੍ਰਿੰਸ ਵਿਲੀਅਮ ਤੇ ਕੈਥਰੀਨ ਨੇ ਮੁੰਬਈ ’ਚ ਖੇਡੀ ਗਲੀ ਕ੍ਰਿਕਟ ਅਗਲੀ ਖ਼ਬਰ ਪੰਜਾਬ ਕਰੇਗਾ ਕੌਮੀ ਫੁੱਟਬਾਲ ਚੈਂਪੀਅਨਸ਼ਿਪ ਦੀ ਮੇਜ਼ਬਾਨੀ-ਮੁੱਖ ਮੰਤਰੀ
Ad Position 24