ਨਿਊਯਾਰਕ, 5 ਜਨਵਰੀ (ਏਜੰਸੀ)-ਵੈਨੇਜ਼ੁਏਲਾ ਦੇ ਰਾਸ਼ਟਰਪਤੀ ਨਿਕੋਲਸ ਮਾਦੁਰੋ ਸੋਮਵਾਰ ਨੂੰ ਪਹਿਲੀ ਵਾਰ ਨਸ਼ੀਲੇ ਪਦਾਰਥਾਂ ਨਾਲ ਸੰਬੰਧਿਤ ਅੱਤਵਾਦ ਦੇ ਦੋਸ਼ਾਂ 'ਚ ਇਕ ਅਮਰੀਕੀ ਅਦਾਲਤ 'ਚ ਪੇਸ਼ ਹੋਏ | ਇਨ੍ਹਾਂ ਦੋਸ਼ਾਂ ਦੀ ਵਰਤੋ ਟਰੰਪ ਪ੍ਰਸ਼ਾਸਨ ਨੇ ਉਸਦੀ ਗਿ੍ਫਤਾਰੀ ਤੇ ਨਿਊਯਾਰਕ ਹਵਾਲਗੀ ਨੂੰ ਜਾਇਜ਼ ਠਹਿਰਾਉਣ ਲਈ ਕੀਤੀ | ਰਿਪੋਰਟ ਦੇ ਅਨੁਸਾਰ, ਮਾਦੁਰੋ ਨੇ ਅਮਰੀਕੀ ਅਦਾਲਤ 'ਚ ਦੋਸ਼ੀ ਨਾ ਹੋਣ ਦੀ ਦਲੀਲ ਦਿੱਤੀ ਅਤੇ ਜੱਜ ਨੂੰ ਕਿਹਾ ਕਿ ਮੈਂ ਇਕ ਚੰਗਾ ਵਿਅਕਤੀ ਹਾਂ, ਮੇਰੇ ਦੇਸ਼ ਦਾ ਰਾਸ਼ਟਰਪਤੀ | ਮਾਦੁਰੋ ਦੁਪਹਿਰ ਦੇ ਕਰੀਬ ਇਕ ਸੰਖੇਪ ਪਰ ਜ਼ਰੂਰੀ ਕਾਨੂੰਨੀ ਕਾਰਵਾਈ ਲਈ ਇਕ ਜੱਜ ਦੇ ਸਾਹਮਣੇ ਪੇਸ਼ ਹੋਇਆ, ਜਿਸ ਨਾਲ ਸੰਭਾਵਤ ਤÏਰ 'ਤੇ ਇਕ ਲੰਬੀ ਕਾਨੂੰਨੀ ਲੜਾਈ ਸ਼ੁਰੂ ਹੋ ਗਈ ਕਿ ਕੀ ਉਸ 'ਤੇ ਅਮਰੀਕਾ 'ਚ ਮੁਕੱਦਮਾ ਚਲਾਇਆ ਜਾ ਸਕਦਾ ਹੈ | ਮਾਦੁਰੋ ਤੇ ਉਸਦੀ ਪਤਨੀ ਨੂੰ ਸੋਮਵਾਰ ਸਵੇਰੇ ਹਥਿਆਰਬੰਦ ਪਹਿਰੇ ਹੇਠ ਬਰੁਕਲਿਨ ਜੇਲ੍ਹ ਤੋਂ, ਜਿੱਥੇ ਉਸਨੂੰ ਰੱਖਿਆ ਜਾ ਰਿਹਾ ਹੈ, ਇਕ ਮੈਨਹਟਨ ਅਦਾਲਤ 'ਚ ਲਿਜਾਇਆ ਗਿਆ | ਮਾਦੁਰੋ ਨੂੰ ਲੈ ਕੇ ਜਾਣ ਵਾਲਾ ਕਾਫਲਾ ਸਵੇਰੇ 7:15 ਵਜੇ ਦੇ ਕਰੀਬ ਜੇਲ੍ਹ ਤੋਂ ਨਿਕਲਿਆ ਤੇ ਨੇੜਲੇ ਖੇਡ ਮੈਦਾਨ ਵੱਲ ਵਧਿਆ, ਜਿੱਥੇ ਮਾਦੁਰੋ ਹÏਲੀ-ਹÏਲੀ ਇਕ ਹੈਲੀਕਾਪਟਰ ਵੱਲ ਤੁਰਿਆ ਜੋ ਉਸਦੀ ਉਡੀਕ ਕਰ ਰਿਹਾ ਸੀ | ਹੈਲੀਕਾਪਟਰ ਨਿਊਯਾਰਕ ਹਾਰਬਰ ਦੇ ਉੱਪਰੋਂ ਉੱਡਿਆ ਤੇ ਮੈਨਹਟਨ ਹੈਲੀਪੋਰਟ 'ਤੇ ਉਤਰਿਆ, ਜਿੱਥੇ ਲੰਗੜਾ ਰਹੇ ਮਾਦੁਰੋ ਨੂੰ ਇਕ ਬਖਤਰਬੰਦ ਵਾਹਨ 'ਚ ਲਜਾਇਆ ਗਿਆ | ਕੁਝ ਮਿੰਟਾਂ ਬਾਅਦ, ਕਾਨੂੰਨ ਲਾਗੂ ਕਰਨ ਵਾਲੇ ਅਧਿਕਾਰੀਆਂ ਦਾ ਕਾਫਲਾ ਅਦਾਲਤ ਦੇ ਇਕ ਗੈਰਾਜ ਦੇ ਅੰਦਰ ਸੀ |