ਮੈਲਬÏਰਨ, 2 ਫਰਵਰੀ (ਪਰਮਵੀਰ ਸਿੰਘ ਆਹਲੂਵਾਲੀਆ)-ਆਸਟ੍ਰੇਲੀਆ ਦੇ ਸ਼ਹਿਰ ਮੈਲਬÏਰਨ ਦੇ ਰੋਵਿਲ ਇਲਾਕੇ 'ਚ ਸਥਿਤ 'ਆਸਟ੍ਰੇਲੀਅਨ ਇੰਡੀਅਨ ਕਮਿਊਨਿਟੀ ਸੈਂਟਰ' ਤੋਂ ਮਹਾਤਮਾ ਗਾਂਧੀ ਦਾ ਕਾਂਸੀ ਦਾ ਬੁੱਤ ਅਣਪਛਾਤੇ ਵਿਅਕਤੀਆਂ ਵੱਲੋਂ ਚੋਰੀ ਕਰ ਲਿਆ ਗਿਆ ਹੈ | ਇਸ ਘਟਨਾ ਤੋਂ ਬਾਅਦ ਸਥਾਨਕ ਭਾਰਤੀ ਭਾਈਚਾਰੇ 'ਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ, ਜਦਕਿ ਪੁਲਿਸ ਨੇ ਮਾਮਲੇ ਦੀ ਜਾਂਚ ਤੇਜ਼ ਕਰ ਦਿੱਤੀ ਹੈ | ਵਿਕਟੋਰੀਆ ਪੁਲਿਸ ਅਨੁਸਾਰ ਇਹ ਵਾਰਦਾਤ ਸੋਮਵਾਰ, 12 ਜਨਵਰੀ ਦੀ ਰਾਤ ਸਮੇਂ ਵਾਪਰੀ | ਜਾਣਕਾਰੀ ਅਨੁਸਾਰ 3 ਅਣਪਛਾਤੇ ਵਿਅਕਤੀ 'ਕਿੰਗਸਲੇ ਕਲੋਜ਼' ਸਥਿਤ ਕਮਿਊਨਿਟੀ ਸੈਂਟਰ 'ਚ ਦਾਖਲ ਹੋਏ ਤੇ ਐਂਗਲ ਗ੍ਰਾਈਾਡਰ ਦੀ ਮਦਦ ਨਾਲ ਬੁੱਤ ਨੂੰ ਕੱਟ ਕੇ ਚੋਰੀ ਕਰ ਲਿਆ | ਜ਼ਿਕਰਯੋਗ ਹੈ ਕਿ ਇਹ ਬੁੱਤ ਭਾਰਤ ਸਰਕਾਰ ਵੱਲੋਂ ਆਸਟ੍ਰੇਲੀਆ 'ਚ ਰਹਿੰਦੇ ਭਾਰਤੀ ਭਾਈਚਾਰੇ ਨੂੰ ਤੋਹਫ਼ੇ ਵਜੋਂ ਦਿੱਤਾ ਗਿਆ ਸੀ |
