ਵੀਓਮਿੰਗ ਸੂਬੇ 'ਚ ਅੰਗਰੇਜ਼ੀ ਨਾ ਬੋਲਣ ਵਾਲੇ ਟਰੱਕ ਡਰਾਈਵਰਾਂ ਦੀ ਸ਼ਾਮਤ
ਅਜੀਤ ਡੈਸਕ
11-03-2026
ਸੈਕਰਾਮੈਂਟੋ, 10 ਮਾਰਚ (ਹੁਸਨ ਲੜੋਆ ਬੰਗਾ)-ਅਮਰੀਕੀ ਰਾਜ ਵੀਓਮਿੰਗ ਵਿਚ ਗਵਰਨਰ ਮਾਰਕ ਗੋਰਡਨ ਨੇ ਹਾਊਸ ਬਿੱਲ 32 ਉਪਰ ਦਸਤਖਤ ਕਰ ਦਿੱਤੇ ਹਨ ਜੋ ਕਾਨੂੰਨ ਅੰਗਰੇਜ਼ੀ ਨਾ ਬੋਲਣ ਵਾਲੇ ਕਮਰਸ਼ੀਅਲ ਟਰੱਕ ਡਰਾਈਵਰਾਂ ਲਈ ਸ਼ਾਮਤ ਦਾ ਕਾਰਨ ਬਣੇਗਾ | ਇਸ ਕਾਨੂੰਨ ਤਹਿਤ ਪੁਲਿਸ ਅੰਗਰੇਜ਼ੀ ਨਾ ਜਾਣਨ ਵਾਲੇ ਡਰਾਈਵਰਾਂ ਨੂੰ ਜੁਰਮਾਨਾ ਕਰ ਸਕਦੀ ਹੈ ਤੇ ਜੇਲ੍ਹ 'ਚ ਬੰਦ ਕਰ ਸਕਦੀ ਹੈ | ਵੀਓਮਿੰਗ ਵਿਚ ਕੋਈ ਵੀ ਵਿਅਕਤੀ ਜਿਸ ਨੂੰ ਅੰਗਰੇਜ਼ੀ ਨਹੀਂ ਆਉਂਦੀ ਉਹ ਟਰੱਕ ਨਹੀਂ ਚਲਾ ਸਕੇਗਾ | ਸ਼ੁਰੂ ਵਿਚ ਅਜਿਹੇ ਡਰਾਈਵਰ ਨੂੰ 1000 ਡਾਲਰ ਜੁਰਮਾਨਾ ਤੇ ਉਸ ਉਪਰ ਕਰਮਰਸ਼ੀਅਲ ਵਾਹਣ ਚਲਾਉਣ ਉਪਰ ਤੁਰੰਤ ਪਾਬੰਦੀ ਲਾਈ ਜਾਵੇਗੀ | ਇਹ ਪਾਬੰਦੀ ਓਦੋਂ ਤੱਕ ਜਾਰੀ ਰਹੇਗੀ ਜਦੋਂ ਤੱਕ ਉਹ ਅੰਗਰੇਜ਼ੀ ਬੋਲਣ ਵਿਚ ਆਪਣੀ ਮੁਹਾਰਤ ਸਿੱਧ ਨਹੀਂ ਕਰ ਦਿੰਦਾ | ਜੇਕਰ ਅਜਿਹਾ ਡਰਾਈਵਰ ਮੁੜ ਕਮਰਸ਼ੀਅਲ ਵਾਹਣ ਚਲਾਉਂਦਾ ਫੜਿਆ ਜਾਂਦਾ ਹੈ ਤਾਂ ਉਸ ਉਪਰ 1000 ਡਾਲਰ ਦਾ ਹੋਰ ਜੁਰਮਾਨਾ ਲਾਇਆ ਜਾਵੇਗਾ ਤੇ ਉਸ ਨੂੰ 90 ਦਿਨ ਜੇਲ੍ਹ ਵਿਚ ਰਖਿਆ ਜਾਵੇਗਾ¢
