ਲੰਡਨ, 20 ਅਪ੍ਰੈਲ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਲੰਡਨ ਮੈਟਰੋਪੋਲੀਟਨ ਪੁਲਿਸ ਵੱਲੋਂ ਲੰਡਨ 'ਚ ਵੱਖ-ਵੱਖ ਯਹੂਦੀ ਸਥਾਨਾਂ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਹਮਲਿਆਂ 'ਚ ਈਰਾਨੀ ਸ਼ਾਸਨ ਨਾਲ ਜੁੜੇ ਵਿਅਕਤੀਆਂ ਦੀ ਕਥਿਤ ਸ਼ਮੂਲੀਅਤ ਦੀ ਜਾਂਚ ਕੀਤੀ ਜਾ ਰਹੀ ਹੈ | ਪੁਲਿਸ ਨੇ ਦੱਸਿਆ ਕਿ ਅੱਤਵਾਦ ਵਿਰੋਧੀ ਪੁਲਿਸ (ਸੀ.ਟੀ.ਪੀ.) ਇਨ੍ਹਾਂ ਸਾਰੀਆਂ ਘਟਨਾਵਾਂ ਦੀ ਜਾਂਚ ਦੀ ਅਗਵਾਈ ਕਰ ਰਹੀ ਹੈ ਕਿਉਂਕਿ ਇਹ ਇੱਕੋ ਜਿਹੀ ਪ੍ਰਕਿਰਤੀ ਨੂੰ ਸਾਂਝਾ ਕਰਦੀਆਂ ਹਨ | ਪਿਛਲੇ ਮਹੀਨੇ ਤੋਂ ਲੰਡਨ ਵਿਚ ਇਜ਼ਰਾਈਲ ਤੇ ਯਹੂਦੀਆਂ ਨਾਲ ਜੁੜੇ ਅਹਾਤਿਆਂ 'ਤੇ ਅੱਗ ਲੱਗਣ ਦੀਆਂ ਕਈ ਘਟਨਾਵਾਂ ਵਾਪਰੀਆਂ ਹਨ | ਮੈਟਰੋਪੋਲੀਟਨ ਪੁਲਿਸ ਦੇ ਡਿਪਟੀ ਸਹਾਇਕ ਕਮਿਸ਼ਨਰ ਵਿੱਕੀ ਇਵਾਨਸ ਨੇ ਕਿਹਾ ਕਿ ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਘਟਨਾਵਾਂ ਦਾ ਦਾਅਵਾ 'ਅਸ਼ਬ ਅਲ-ਯਾਮੀਨ' ਨਾਮਕ ਇਕ ਸਮੂਹ ਵਲੋਂ ਆਨਲਾਈਨ ਕੀਤਾ ਗਿਆ ਹੈ |