ਕੈਲਗਰੀ, 21 ਅਪ੍ਰੈਲ (ਜਸਜੀਤ ਸਿੰਘ ਧਾਮੀ)-ਅਲਬਰਟਾ ਸੂਬੇ ਦੀ ਪ੍ਰੀਮੀਅਰ ਡੈਨੀਅਲ ਸਮਿੱਥ ਨੇ ਅੱਜ ਇਕ ਵੱਡਾ ਐਲਾਨ ਕਰਦਿਆਂ ਕਿਹਾ ਹੈ ਕਿ ਸੂਬਾ ਹੁਣ ਸਾਰਾ ਸਾਲ 'ਡੇ-ਲਾਈਟ ਸੇਵਿੰਗ ਟਾਈਮ' 'ਤੇ ਹੀ ਰਹੇਗਾ | ਇਸ ਦਾ ਮਤਲਬ ਹੈ ਕਿ ਹੁਣ ਅਲਬਰਟਾ ਵਾਸੀਆਂ ਨੂੰ ਸਾਲ ਵਿਚ 2 ਵਾਰ ਘੜੀਆਂ ਬਦਲਣ ਦੀ ਲੋੜ ਨਹੀਂ ਪਵੇਗੀ | ਹੁਣ ਨਵੰਬਰ 2026 'ਚ ਅਲਬਰਟਾ ਦੇ ਲੋਕ ਆਪਣੀਆਂ ਘੜੀਆਂ ਪਿੱਛੇ ਨਹੀਂ ਕਰਨਗੇ | ਜੋ ਸਮਾਂ ਹੁਣ ਚੱਲ ਰਿਹਾ ਹੈ, ਉਹੀ ਪੱਕਾ ਹੋ ਜਾਵੇਗਾ | ਇਹ ਫ਼ੈਸਲਾ ਬਿ੍ਟਿਸ਼ ਕੋਲੰਬੀਆ ਤੇ ਸਸਕੈਚਵਨ ਦੇ ਨਿਯਮਾਂ ਨਾਲ ਮੇਲ ਖਾਂਦਾ ਹੈ | ਜਿਸ ਨਾਲ ਪੱਛਮੀ ਕੈਨੇਡਾ ਵਿਚ ਕਾਰੋਬਾਰ ਤੇ ਆਵਾਜਾਈ 'ਚ ਆਸਾਨੀ ਹੋਵੇਗੀ | ਸਰਦੀਆਂ ਦੇ ਮਹੀਨਿਆਂ 'ਚ ਸਵੇਰੇ ਸੂਰਜ ਦੇਰ ਨਾਲ ਚੜੇਗਾ | ਪਰ ਸ਼ਾਮ ਨੂੰ ਰÏਸ਼ਨੀ ਜ਼ਿਆਦਾ ਸਮੇਂ ਤੱਕ ਰਹੇਗੀ | ਡੈਨੀਅਲ ਸਮਿੱਥ ਅਨੁਸਾਰ, ਘੜੀਆਂ ਬਦਲਣ ਨਾਲ ਲੋਕਾਂ ਦੀ ਨੀਂਦ ਅਤੇ ਮਾਨਸਿਕ ਸਿਹਤ 'ਤੇ ਬੁਰਾ ਅਸਰ ਪੈਂਦਾ ਸੀ ਤੇ ਸੜਕ ਹਾਦਸਿਆਂ ਦਾ ਖਤਰਾ ਵੀ ਵੱਧ ਜਾਂਦਾ ਸੀ | ਹੁਣ ਇੱਕੋ ਸਮਾਂ ਰਹਿਣ ਨਾਲ ਇਨ੍ਹਾਂ ਸਮੱਸਿਆਵਾਂ ਤੋਂ ਨਿਯਾਤ ਮਿਲੇਗੀ | ਇਸ ਤੋਂ ਬਾਅਦ, ਮਾਰਚ 2027 'ਚ ਅਸੀਂ ਘੜੀਆਂ ਅੱਗੇ ਨਹੀਂ ਕਰਾਂਗੇ | ਅਲਬਰਟਾ ਹਮੇਸ਼ਾ ਲਈ ਇਕੋ ਟਾਈਮ ਜ਼ੋਨ 'ਤੇ ਰਹੇਗਾ | ਇਥੇ ਦੱਸਣਾ ਬਣਦਾ ਹੈ ਕਿ ਅੱਗ ਸਾਲ 'ਚ 2 ਵਾਰ ਸਮਾਂ ਬਦਲਿਆ ਜਾਦਾ ਸੀ |
