ਸਾਨ ਫਰਾਂਸਿਸਕੋ, 21 ਜੁਲਾਈ (ਐੱਸ.ਅਸ਼ੋਕ ਭੌਰਾ)-ਪੰਜਾਬੀ ਭਾਈਚਾਰੇ ਦੀ ਨਾਮੀ ਸਖਸ਼ੀਅਤ ਤੇ ਸਾਬਕਾ ਪਹਿਲਵਾਨ ਚਰਨਜੀਤ ਸੈਪਲਾ ਸਵਾਸਾਂ ਦੀ ਪੂੰਜੀ ਪੂਰੀ ਕਰਦਿਆਂ ਇਸ ਫਾਨੀ ਸੰਸਾਰ ਨੂੰ ਸਦੀਵੀ ਅਲਵਿਦਾ ਆਖ ਗਏ ਹਨ। ਗਾਖਲ ਗਰੁੱਪ ਯੂ.ਐੱਸ.ਏ. ਦੇ ਚੇਅਰਮੈਨ ਅਮੋਲਕ ਸਿੰਘ ਗਾਖਲ ਨੇ ਇਹ ਦੁੱਖਦਾਈ ਖਬਰ ਸਾਂਝੀ ਕਰਦਿਆਂ ਦੱਸਿਆ ਕਿ ਉਹ ਮੇਰਾ ਬਚਪਨ ਦਾ ਦੋਸਤ ਸੀ ਤੇ ਯੂਨੀਅਨ ਸਿਟੀ (ਕੈਲੀਫੋਰਨੀਆਂ, ਅਮਰੀਕਾ) ਵਸਦੇ ਚਰਨਜੀਤ ਦਾ ਪਿਛਲਾ ਪਿੰਡ ਪਰਾਗਪੁਰ (ਜਲੰਧਰ) ਸੀ। ਅਮਰੀਕਾ ਆ ਕੇ ਉਹ ਸਥਾਨਕ ਕੰਟੈਂਪੋ ਪਾਰਕ ’ਚ ਵੀ ਬੱਚਿਆਂ ਨੂੰ ਪਹਿਲਵਾਨੀ ਤੇ ਕਬੱਡੀ ਨਾਲ ਜੋੜ ਕੇ ਉਤਸ਼ਾਹਿਤ ਕਰਦਿਆਂ ਮੁਫਤ ਕੋਚਿੰਗ ਦਿੱਤੀ। ਉਹ ਖਾਲਸਾ ਕਾਲਜ ਜਲੰਧਰ ਨਾਲ ਵੀ ਜੁੜਿਆ ਰਿਹਾ। ਚਰਨਜੀਤ ਸੈਪਲਾ ਦਾ ਅੰਤਿਮ ਸੰਸਕਾਰ 26 ਜੁਲਾਈ, ਦਿਨ ਐਤਵਾਰ ਨੂੰ ਹੇਅਵਰਡ, ਕੈਲੀਫੋਰਨੀਆ ਵਿਖੇ ਹੋਵੇਗਾ।
