ਵੈਨਿਸ, 22 ਜੁਲਾਈ (ਹਰਦੀਪ ਸਿੰਘ ਕੰਗ)-ਇਟਲੀ ਦੇ ਬ੍ਰਦਰਜ਼ ਕ੍ਰਿਕਟ ਕਲੱਬ ਲੋਨੀਗੋ ਦੁਆਰਾ ਸਾਲਾਨਾ ਕ੍ਰਿਕਟ ਟੂਰਨਾਮੈਂਟ ਧੂਮ-ਧੜੱਕੇ ਨਾਲ਼ ਕਰਵਾਇਆ ਗਿਆ।ਇਸ ਖੇਡ ਮੇਲੇ ਵਿੱਚ ਪੂਰੇ ਇਟਲੀ ਭਰ ਚੋ ਚੋਟੀ ਦੀਆਂ 21 ਟੀਮਾਂ ਨੇ ਭਾਗ ਲਿਆ।ਸਾਰੇ ਹੀ ਮੁਕਾਬਲੇ ਬਹੁਤ ਹੀ ਫਸਵੇਂ ਅਤੇ ਗਹਿਗੱਚ ਸਨ।ਅਖੀਰ ਫਾਈਨਲ ਮੈਚ ਵਿੱਚ ਬੋਲਗਰੇ ਬੈਰਗਾਮੋ ਦੀ ਟੀਮ ਨੇ ਪਾਲਾਜ਼ੋਲੋ(ਬ੍ਰੇਸ਼ੀਆ) ਨੂੰ ਹਰਾ ਕੇ ਇਸ ਖੇਡ ਮੇਲੇ ਦੀ ਚੈਂਪੀਅਨ ਟੀਮ ਬਣਨ ਦਾ ਮਾਣ ਹਾਸਿਲ ਕੀਤਾ।ਇਸੇ ਪ੍ਰਕਾਰ ਰੱਸਾਕਸੀ ਦੇ ਮੁਕਾਬਲਿਆਂ ਵਿਚ ਤਰੀਸ਼ੀਨੋ ਦੀਆਂ ਟੀਮਾਂ ਨੇ ਕ੍ਰਮਵਾਰ ਪਹਿਲਾ ਅਤੇ ਦੂਜਾ ਸਥਾਨ ਹਾਸਿਲ ਕਰਕੇ ਜਿੱਤਾਂ ਹਾਸਿਲ ਕੀਤੀਆਂ।ਇਸ ਖੇਡ ਮੇਲੇ ਨੂੰ ਦੇਖਣ ਲਈ ਵੱਡੀ ਗਿਣਤੀ ਵਿਚ ਦਰਸ਼ਕ ਪਹੁੰਚੇ ਸਨ।ਜੇਤੂ ਟੀਮਾਂ ਨੂੰ ਨਕਦ ਇਨਾਮ ਅਤੇ ਟ੍ਰਾਫੀਆਂ ਨਾਲ਼ ਸਨਮਾਨਿਤ ਕੀਤਾ ਗਿਆ।
