ਪੈਂਟਾਗਨ ’ ਚ ਵੱਡਾ ਅਸਤੀਫ਼ਾ , ਥਲ ਸੈਨਾ ਮੰਤਰੀ ਡੈਨ ਡ੍ਰਿਸਕੋਲ ਛੱਡਣਗੇ ਅਹੁਦਾ

ਅ

ਅਜੀਤ ਡੈਸਕ 02-09-2026

ਨਿਊਯਾਰਕ, 1 ਸਤੰਬਰ (ਰਾਜੂ ਸਾਹਿਬਾਜ਼ਪੁਰਾ)-ਅਮਰੀਕੀ ਥਲ ਸੈਨਾ ਮੰਤਰੀ ਡੈਨ ਡ੍ਰਿਸਕੋਲ ਨੇ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ, ਜਿਸ ਨੂੰ ਵਾਈਟ ਹਾਊਸ ਨੇ ਸਵੀਕਾਰ ਕਰ ਲਿਆ ਹੈ। ਉਹ ਆਉਣ ਵਾਲੇ ਕੁਝ ਦਿਨਾਂ ਵਿਚ ਅਹੁਦਾ ਛੱਡ ਦੇਣਗੇ।ਡ੍ਰਿਸਕੋਲ ਫਰਵਰੀ 2025 ਤੋਂ ਇਸ ਅਹੁਦੇ ’ਤੇ ਸਨ ਅਤੇ ਉਪ ਰਾਸ਼ਟਰਪਤੀ ਜੇ.ਡੀ. ਵੈਂਸ ਦੇ ਕਰੀਬੀ ਸਹਿਯੋਗੀ ਮੰਨੇ ਜਾਂਦੇ ਹਨ। ਉਨ੍ਹਾਂ ਦੇ ਅਸਤੀਫ਼ੇ ਦੀ ਚਰਚਾ ਕਈ ਮਹੀਨਿਆਂ ਤੋਂ ਚੱਲ ਰਹੀ ਸੀ।ਮਾਮਲੇ ਨਾਲ ਜਾਣੂ ਲੋਕਾਂ ਮੁਤਾਬਕ ਡ੍ਰਿਸਕੋਲ ਅਤੇ ਰੱਖਿਆ ਮੰਤਰੀ ਪੀਟ ਹੇਗਸੇਥ ਵਿਚਾਲੇ ਥਲ ਸੈਨਾ ਦੇ ਆਧੁਨਿਕੀਕਰਨ, ਫ਼ੌਜੀ ਤਿਆਰੀ ਅਤੇ ਸੀਨੀਅਰ ਅਧਿਕਾਰੀਆਂ ਨੂੰ ਹਟਾਉਣ ਦੇ ਮਾਮਲਿਆਂ ਨੂੰ ਲੈ ਕੇ ਮਤਭੇਦ ਸਨ। ਡ੍ਰਿਸਕੋਲ ਨੇ ਕਥਿਤ ਤੌਰ ’ਤੇ ਚਿੰਤਾ ਜਤਾਈ ਸੀ ਕਿ ਤਜ਼ਰਬੇਕਾਰ ਜਨਰਲਾਂ ਨੂੰ ਹਟਾਉਣ ਨਾਲ ਫ਼ੌਜ ਦੀਆਂ ਤਿਆਰੀਆਂ ਪ੍ਰਭਾਵਿਤ ਹੋ ਸਕਦੀਆਂ ਹਨ। ਵਾਈਟ ਹਾਊਸ ਨੇ ਡ੍ਰਿਸਕੋਲ ਦੀਆਂ ਸੇਵਾਵਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੇ ਫ਼ੌਜੀ ਤਿਆਰੀ ਮਜ਼ਬੂਤ ਕਰਨ, ਮਹੱਤਵਪੂਰਨ ਫ਼ੌਜੀ ਕਾਰਵਾਈਆਂ ਦੀ ਅਗਵਾਈ ਕਰਨ ਅਤੇ ਰੂਸ-ਯੂਕਰੇਨ ਗੱਲਬਾਤ ਵਿਚ ਸਹਿਯੋਗ ਦੇਣ ਵਿਚ ਅਹਿਮ ਭੂਮਿਕਾ ਨਿਭਾਈ। ਉਨ੍ਹਾਂ ਦੀ ਥਾਂ ਨਵਾਂ ਥਲ ਸੈਨਾ ਮੰਤਰੀ ਕੌਣ ਹੋਵੇਗਾ, ਇਸ ਬਾਰੇ ਅਜੇ ਕੋਈ ਐਲਾਨ ਨਹੀਂ ਕੀਤਾ ਗਿਆ।