ਬਰਤਾਨਵੀ ਪ੍ਰਧਾਨ ਮੰਤਰੀ ਐਂਡੀ ਬਰਨਹਮ ਦੀ ਪਤਨੀ ਨੇ ਛੱਡੀ ਮਾਰਕੀਟਿੰਗ ਦੀ ਨੌਕਰੀ

ਅ

ਅਜੀਤ ਡੈਸਕ 27-09-2026

ਲੰਡਨ, 26 ਸਤੰਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਬਰਤਾਨੀਆ ਦੇ ਪ੍ਰਧਾਨ ਮੰਤਰੀ ਐਂਡੀ ਬਰਨਹਮ ਦੀ ਪਤਨੀ ਮੈਰੀ-ਫਰਾਂਸ ਵੈਨ ਹੀਲ ਨੇ ਆਪਣੀ ਸੀਨੀਅਰ ਮਾਰਕੀਟਿੰਗ ਨੌਕਰੀ ਛੱਡਣ ਦਾ ਫ਼ੈਸਲਾ ਕੀਤਾ ਹੈ ਤਾਂ ਜੋ ਉਹ ਪ੍ਰਧਾਨ ਮੰਤਰੀ ਵਜੋਂ ਆਪਣੇ ਪਤੀ ਦੀਆਂ ਸਰਕਾਰੀ ਅਤੇ ਕੌਮਾਂਤਰੀ ਜ਼ਿੰਮੇਵਾਰੀਆਂ ਦੌਰਾਨ ਵਧੇਰੇ ਸਰਗਰਮ ਸਹਿਯੋਗ ਦੇ ਸਕੇ। ਬਰਤਾਨੀਆ ਵਿਚ ‘ਫਸਟ ਲੇਡੀ’ ਦਾ ਕੋਈ ਰਸਮੀ ਅਹੁਦਾ ਨਹੀਂ ਹੈ, ਇਸ ਲਈ ਉਨ੍ਹਾਂ ਦੀ ਇਹ ਭੂਮਿਕਾ ਗੈਰ-ਰਸਮੀ ਹੋਵੇਗੀ।56 ਸਾਲਾ ਵੈਨ ਹੀਲ ਮੈਨਚੈਸਟਰ ਸਥਿਤ ਇਲੈਕਟ੍ਰਿਕ ਵਾਹਨ ਚਾਰਜਿੰਗ ਨੈੱਟਵਰਕ ਕੰਪਨੀ ਬੀ ਈਵੀ ਵਿੱਚ ਮੁੱਖ ਗਾਹਕ ਅਧਿਕਾਰੀ ਵਜੋਂ ਕੰਮ ਕਰ ਰਹੀ ਸੀ। ਡਾਊਨਿੰਗ ਸਟ੍ਰੀਟ ਦੇ ਬੁਲਾਰੇ ਨੇ ਪੁਸ਼ਟੀ ਕੀਤੀ ਹੈ ਕਿ ਉਹ ਇਸ ਅਹੁਦੇ ਤੋਂ ਹਟ ਰਹੀ ਹੈ, ਹਾਲਾਂਕਿ ਕੰਪਨੀ ਦੇ ਬੋਰਡ ਵਿੱਚ ਸਲਾਹਕਾਰ ਭੂਮਿਕਾ ਨਿਭਾਉਂਦੀ ਰਹੇਗੀ।ਵੈਨ ਹੀਲ ਇਸੇ ਹਫ਼ਤੇ ਪ੍ਰਧਾਨ ਮੰਤਰੀ ਬਰਨਹਮ ਨਾਲ ਸੰਯੁਕਤ ਰਾਸ਼ਟਰ ਮਹਾਸਭਾ ਲਈ ਨਿਊਯਾਰਕ ਵੀ ਗਈ ਸੀ। ਉੱਥੇ ਉਸ ਨੇ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਨਸਕੀ ਦੀ ਪਤਨੀ ਓਲੇਨਾ ਜ਼ੇਲੇਨਸਕਾ ਅਤੇ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਪਤਨੀ ਡਾਇਨਾ ਫਾਕਸ ਕਾਰਨੀ ਨਾਲ ਮੁਲਾਕਾਤ ਕੀਤੀ। ਉਹ ਅਮਰੀਕੀ ਫਸਟ ਲੇਡੀ ਮੇਲਾਨੀਆ ਟਰੰਪ ਵੱਲੋਂ ਕਰਵਾਏ ਗਏ ਦੁਪਹਿਰ ਦੇ ਖਾਣੇ ਵਿਚ ਵੀ ਸ਼ਾਮਿਲ ਹੋਈ।ਰਿਪੋਰਟਾਂ ਅਨੁਸਾਰ ਵੈਨ ਹੀਲ ਦੁਨੀਆ ਦੇ ਹੋਰ ਆਗੂਆਂ ਦੇ ਜੀਵਨ ਸਾਥੀਆਂ ਨਾਲ ਸੰਪਰਕ ਮਜ਼ਬੂਤ ਕਰਨ ’ਤੇ ਵੀ ਧਿਆਨ ਦੇ ਰਹੀ ਹੈ, ਖ਼ਾਸ ਕਰਕੇ ਬਰਤਾਨੀਆ ਵੱਲੋਂ ਆਉਣ ਵਾਲੇ ਸਾਲਾਂ ਵਿਚ ਜੀ-20 ਅਤੇ ਜੀ-7 ਦੀਆਂ ਜ਼ਿੰਮੇਵਾਰੀਆਂ ਸੰਭਾਲਣ ਦੇ ਮੱਦੇਨਜ਼ਰ।ਡਾਊਨਿੰਗ ਸਟ੍ਰੀਟ ਨੇ ਇਹ ਵੀ ਕਿਹਾ ਹੈ ਕਿ ਪ੍ਰਧਾਨ ਮੰਤਰੀ ਬਰਨਹਮ ਨੇ ਇਲੈਕਟ੍ਰਿਕ ਵਾਹਨ ਚਾਰਜਿੰਗ ਨਾਲ ਸਬੰਧਤ ਸਰਕਾਰੀ ਫ਼ੈਸਲਿਆਂ ਤੋਂ ਆਪਣੇ ਆਪ ਨੂੰ ਵੱਖ ਰੱਖਿਆ ਹੋਇਆ ਹੈ।ਵੈਨ ਹੀਲ ਦਾ ਮਾਰਕੀਟਿੰਗ ਖੇਤਰ ਵਿਚ ਤਿੰਨ ਦਹਾਕਿਆਂ ਤੋਂ ਵੱਧ ਦਾ ਤਜਰਬਾ ਹੈ। ਉਸ ਨੇ ਬੀ.ਐੱਸਕਾਈ.ਬੀ. ਸਮੇਤ ਵੱਖ-ਵੱਖ ਕੰਪਨੀਆਂ ਵਿਚ ਕੰਮ ਕੀਤਾ ਅਤੇ ਆਪਣਾ ਮਾਰਕੀਟਿੰਗ ਕਾਰੋਬਾਰ ਵੀ ਚਲਾਇਆ ਹੈ।