ਟੋਰਾਂਟੋ ਵਿਖੇ ਹਰ ਵਰਗ ਦੇ ਲੋਕਾਂ ਨੇ ਮਨਾਇਆ ਹੈਲੋਵੀਨ ਦਾ ਤਿਉਹਾਰ

ਟੋਰਾਂਟੋ, 1 ਨਵੰਬਰ (ਹਰਜੀਤ ਸਿੰਘ ਬਾਜਵਾ)-ਹੈਲੋਵੀਨ ਦਾ ਤਿਉਹਾਰ ਇੱਥੇ ਹਰ ਇਕ ਭਾਈਚਾਰੇ ਦੇ ਲੋਕਾਂ ਵੱਲੋਂ ਬੜੇ ਉਤਸ਼ਾਹ ਨਾਲ ਮਨਾਇਆ ਗਿਆ, ਸਦੀਆਂ ਪਹਿਲਾਂ ਇੰਗਲੈਂਡ, ਆਇਰਲੈਂਡ ਤੇ ਹੋਰ ਯੁਰਪੀਅਨ ਦੇਸ਼ਾਂ ਤੋਂ ਸ਼ੁਰੂ ਹੋਇਆ ਇਹ ਤਿਉਹਾਰ ਅੱਜ ਲਗਭਗ ਪੂਰੀ ਦੁਨੀਆ ਵਿਚ ਹੀ ਮਨਾਇਆ ਜਾਣ ਲੱਗਾ ਹੈ, ਦੁਨੀਆ ਦੇ ਵੱਖ-ਵੱਖ ਭਾਈਚਾਰਿਆਂ, ਵੱਖ-ਵੱਖ ਦੇਸ਼ਾਂ-ਮਜ਼੍ਹਬਾਂ ਅਤੇ ਵੱਖ-ਵੱਖ ਕਬੀਲਿਆਂ ਵਲੋਂ ਮਨਾਏ ਜਾਣ ਵਾਲੇ ਤਿਉਹਾਰਾਂ ਬਾਰੇ ਖੋਜ਼ ਪੜਤਾਲ ਕਰਨ ਵਾਲੀ ਇਕ ਬੀਬੀ ਦਾ ਕਹਿਣਾ ਹੈ ਕਿ ਇੰਟਰਨੈੱਟ ਤੇ ਹੋਰ ਸੁਵਿਧਾਵਾਂ ਕਾਰਨ ਅੱਜ ਪੂਰਾ ਸੰਸਾਰ ਸੁੰਗੜ ਗਿਆ ਹੈ, ਕਿੱਥੇ ਕੀ ਹੋ ਰਿਹਾ ਹੈ ਉਸ ਬਾਰੇ ਦੁਨੀਆਂ ਦੇ ਕਿਸੇ ਵੀ ਕੋਨੇ ਵਿਚ ਬੈਠੇ ਲੋਕਾਂ ਨੂੰ ਝੱਟ ਪਤਾ ਲੱਗ ਜਾਂਦਾ ਹੈ ਤੇ ਇਸ ਤਰ੍ਹਾਂ ਤਿਉਹਾਰ ਭਾਂਵੇਂ ਕਿਸੇ ਵੀ ਦੇਸ਼ ਜਾਂ ਮਜ੍ਹਬ ਦੇ ਕਬੀਲੇ ਦਾ ਹੋਵੇ ਹੁਣ ਸਾਰਿਆਂ ਦੇ ਸਾਂਝੇ ਬਣ ਗਏ ਹਨ। ਭੂਤਾਂ ਪ੍ਰੇਤਾਂ ,ਜਿੰਨ ਤੇ ਹੋਰ ਓਪਰੀਆਂ ਸ਼ੈਵਾਂ ਦੀ ਹੌਂਦ ਨੂੰ ਦੁਨੀਆਂ ’ਤੇ ਦਰਸਾਉਂਦਾ ਇਹ ਤਿਉਹਾਰ ਭਾਂਵੇਂ ਵਹਿਮ ਭਰਮ ਵੀ ਪੈਦਾ ਕਰਦਾ ਹੈ ਪਰ ਦੂਜੇ ਪਾਸੇ ਬੱਚਿਆਂ ਦਾ ਹਰਮਨ ਪਿਆਰਾ ਇਹ ਤਿਉਹਾਰ ਹਰ ਕੋਈ ਰਲ ਮਿਲ ਕੇ ਮਨਾਉਂਦਾ ਹੈ।