ਕੈਲਗਰੀ ਵਿਖੇ ਵੱਖ-ਵੱਖ ਥਾਵਾਂ ’ਤੇ ‘ਰਿਮੈਂਬਰੈਂਸ ਡੇਅ’ ਮਨਾਇਆ

ਕੈਲਗਰੀ 12 ਨਵੰਬਰ (ਜਸਜੀਤ ਸਿੰਘ ਧਾਮੀ)-ਕੈਲਗਰੀ ਸ਼ਹਿਰ ਵਿਖੇ ਵੱਖ-ਵੱਖ ਥਾਵਾਂ ’ਤੇ ਰਿਮੈਂਬਰੈਂਸ ਡੇਅ ਮਨਾਉਦੇ ਹੋਏ ਸ਼ਹੀਦਾਂ ਵਲੋਂ ਦਿੱਤੀ ਸ਼ਹਾਦਤ ਨੂੰ ਯਾਦ ਕੀਤਾ ਗਿਆ| ਇਸ ਸਮੇਂ ਸੰਸਾਰ ਜੰਗਾਂ ਅਤੇ ਦੇਸ਼ ਦੇ ਫੌਜੀ ਮਿਸ਼ਨਾਂ ’ਚ ਸ਼ਹੀਦ ਹੋਏ ਫੌਜੀਆਂ ਨੂੰ ਸ਼ਰਧਾਂਜਲੀ ਦਿੱਤੀ| ਇਸ ਸਮੇਂ ਕਰਵਾਏ ਆਰਟ ਹੰਗਰ ਮਿਊਜ਼ੀਅਮ ਵਿਖੇ ਵਿਸ਼ੇਸ਼ ਪ੍ਰੋਗਰਾਮ ’ਚ ਸੰਸਦ ਮੈਂਬਰ ਦਲਵਿੰਦਰ ਸਿੰਘ ਗਿੱਲ ਤੇ ਕੌਂਸਲਰ ਰਾਜ ਧਾਲੀਵਾਲ ਨੇ ਕਿਹਾ ਸ਼ਹੀਦਾਂ ਦੀਆਂ ਕੁਰਬਾਨੀਆਂ ਤੇ ਦੇਸ਼ ਵਾਸਤੇ ਉਨਾਂ ਦੇ ਯੋਗਦਾਨ ਅੱਗੇ ਸੀਸ ਝੁਕਦਾ ਹੈ| ਉਨਾਂ ਕਿਹਾ ਕਿ 11 ਨਵੰਬਰ ਨੂੰ, ਕੈਨੇਡੀਅਨ ਉਨ੍ਹਾਂ ਬਹਾਦਰ ਜਵਾਨਾਂ ਦੀਆਂ ਕੁਰਬਾਨੀਆਂ ਦਾ ਸਨਮਾਨ ਕਰਨ ਲਈ ਇਕੱਠੇ ਹੁੰਦੇ ਹਨ, ਜਿਨ੍ਹਾਂ ਨੇ ਯੁੱਧ, ਟਕਰਾਅ ਤੇ ਸ਼ਾਂਤੀ ਦੇ ਸਮੇਂ ਸਾਡੇ ਦੇਸ਼ ਦੀ ਸੇਵਾ ਕੀਤੀ ਹੈ। ਇਹ ਸ਼ੁਕਰਗੁਜ਼ਾਰੀ ਤੇ ਯਾਦ ਦਾ ਇਕ ਗੰਭੀਰ ਦਿਨ ਹੈ।