ਯਮੁਨਾਨਗਰ, 30 ਜਨਵਰੀ (ਗੁਰਦਿਆਲ ਸਿੰਘ ਨਿਮਰ)-ਸਥਾਨਕ ਡੀ. ਏ. ਵੀ. ਗਰਲਜ਼ ਕਾਲਜ ਦੇ ਸੰਗੀਤ ਵਿਭਾਗ ਤੇ ਮਹਿਲਾ ਸੈੱਲ ਦੇ ਸਾਂਝੇ ਪ੍ਰਬੰਧ ਹੇਠ ਇਕ ਰਾਜ ਪੱਧਰੀ ਆਨਲਾਈਨ ਸੋਲੋ ਗਾਇਨ ਮੁਕਾਬਲਾ ਕਰਵਾਇਆ | ਸੰਗੀਤ ਵਿਭਾਗ ਦੀ ਚੇਅਰਪਰਸਨ ਤੇ ਕਨਵੀਨਰ ਡਾ. ਨੀਤਾ ਦਿਵੇਦੀ ਤੇ ਮਹਿਲਾ ਸੈੱਲ ਕਨਵੀਨਰ ਡਾ. ਮੀਨਾਕਸ਼ੀ ਸੈਣੀ ਦੀ ਨਿਗਰਾਨੀ ਕਰਵਾਏ ਪ੍ਰੋਗਰਾਮ ਦੀ ਪ੍ਰਧਾਨਗੀ ਕਾਲਜ ਦੀ ਕਾਰਜਕਾਰੀ ਪਿ੍ੰਸੀਪਲ ਡਾ. ਸੁਰਿੰਦਰ ਕੌਰ ਨੇ ਕੀਤੀ | ਇਸ ਦੌਰਾਨ ਗਾਇਨ ਮੁਕਾਬਲੇ 'ਚ ਐਸ. ਡੀ. ਕਾਲਜ ਅੰਬਾਲਾ ਛਾਉਣੀ ਦੇ ਯੁਵਰਾਜ ਤੇ ਡੀ. ਏ. ਵੀ. ਗਰਲਜ਼ ਕਾਲਜ ਦੀ ਪੂਜਾ ਰਾਵਤ ਨੇ ਪਹਿਲਾ, ਜਦਕਿ ਸਰਕਾਰੀ ਗਰਲਜ਼ ਕਾਲਜ ਕਰਨਾਲ ਦੀ ਧਨਵਤੀ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ | ਅੰਤ 'ਚ ਸਾਰੇ ਜੇਤੂਆਂ ਨੂੰ ਸਰਟੀਫਿਕੇਟ ਅਤੇ ਇਨਾਮੀ ਰਾਸ਼ੀ ਨਾਲ ਸਨਮਾਨਿਤ ਕੀਤਾ |
