ਡੱਬਵਾਲੀ, 7 ਮਾਰਚ (ਇਕਬਾਲ ਸਿੰਘ ਸ਼ਾਂਤ)-ਡੋਡਾ ਚੂਰਾ ਪੋਸਤ ਤਸਕਰੀ ਦੇ ਦੋ ਮਾਮਲਿਆਂ ਵਿੱਚ ਫਾਸਟ ਟਰੈਕ ਸਪੈਸ਼ਲ ਅਦਾਲਤ ਸਿਰਸਾ ਦੀ ਅਡੀਸ਼ਨਲ ਸੈਸ਼ਨ ਜੱਜ ਸੀਮਾ ਸਿੰਘਲ ਨੇ ਜਸਪਾਲ ਸਿੰਘ ਵਾਸੀ ਅÏਲਖ (ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ) ਅਤੇ ਅਮਰੀਕ ਸਿੰਘ ਵਾਸੀ ਫੁੱਲੋ (ਜ਼ਿਲ੍ਹਾ ਸਿਰਸਾ) ਨੂੰ ਦੋਸ਼ੀ ਕਰਾਰ ਦਿੱਤਾ ਹੈ | ਅਦਾਲਤ ਨੇ ਜਸਪਾਲ ਸਿੰਘ 'ਤੇ ਸੱਤ ਹਜ਼ਾਰ ਰੁਪਏ ਅਤੇ ਅਮਰੀਕ ਸਿੰਘ 'ਤੇ ਪੰਜ ਹਜ਼ਾਰ ਰੁਪਏ ਜੁਰਮਾਨਾ ਲਗਾਇਆ | ਦੋਵਾਂ ਵੱਲੋਂ ਨਿਆਂਇਕ ਹਿਰਾਸਤ ਵਿੱਚ ਬਿਤਾਈ ਮਿਆਦ ਨੂੰ ਹੀ ਸਜ਼ਾ ਮੰਨਿਆ ਗਿਆ | ਜੁਰਮਾਨਾ ਅਦਾ ਨਾ ਕਰਨ 'ਤੇ ਇੱਕ ਮਹੀਨੇ ਦੀ ਸਧਾਰਨ ਕੈਦ ਹੋਵੇਗੀ | ਥਾਣਾ ਸਦਰ ਦੇ ਮੁਖੀ ਸ਼ੈਲੇਂਦਰ ਕੁਮਾਰ ਨੇ ਦੱਸਿਆ ਕਿ 4 ਅਪ੍ਰੈਲ 2022 ਨੂੰ ਏਐਨਸੀ ਸਟਾਫ ਨੇ ਪਿੰਡ ਚੌਟਾਲਾ ਖੇਤਰ 'ਚ ਜਸਪਾਲ ਸਿੰਘ ਉਰਫ ਜੱਸਾ ਨੂੰ ਸਾਢੇ ਪੰਜ ਕਿੱਲੋ ਡੋਡਾ ਚੂਰਾ ਪੋਸਤ ਬਰਾਮਦ ਹੋਇਆ | ਅਦਾਲਤ ਨੇ ਉਸ ਵੱਲੋਂ ਜੇਲ੍ਹ ਵਿੱਚ ਬਿਤਾਏ 49 ਦਿਨਾਂ ਨੂੰ ਸਜ਼ਾ ਮੰਨਦਿਆਂ ਸੱਤ ਹਜ਼ਾਰ ਜੁਰਮਾਨਾ ਲਗਾਇਆ | ਦੂਜੇ ਮਾਮਲੇ ਵਿੱਚ 4 ਸਤੰਬਰ 2024 ਨੂੰ ਏਐਨਸੀ ਸਟਾਫ ਨੇ ਅਮਰੀਕ ਸਿੰਘ ਨੂੰ ਮੋਟਰਸਾਈਕਲ ਸਮੇਤ 2 ਕਿਲੋ 320 ਗ੍ਰਾਮ ਡੋਡਾ ਚੂਰਾ ਪੋਸਤ ਨਾਲ ਕਾਬੂ ਕੀਤਾ | ਦੋਸ਼ੀ ਨੇ ਅਦਾਲਤ ਵਿੱਚ ਆਪਣਾ ਦੋਸ਼ ਕਬੂਲ ਕਰ ਲਿਆ | ਅਦਾਲਤ ਨੇ ਉਸ ਵੱਲੋਂ ਜੇਲ੍ਹ ਵਿੱਚ ਬਿਤਾਏ 28 ਦਿਨਾਂ ਨੂੰ ਸਜ਼ਾ ਮੰਨਦਿਆਂ ਪੰਜ ਹਜ਼ਾਰ ਰੁਪਏ ਜੁਰਮਾਨਾ ਲਗਾਇਆ |
