ਨਵੀਂ ਦਿੱਲੀ, 7 ਮਾਰਚ (ਜਗਤਾਰ ਸਿੰਘ)- ਦਿੱਲੀ ਸਰਕਾਰ ਨੇ ਦਵਾਈਆਂ ਦੀ ਗੁਣਵੱਤਾ ਤੇ ਸਟੋਰੇਜ ਪ੍ਰਬੰਧ ਨੂੰ ਲੈ ਕੇ ਸਖ਼ਤ ਰੁਖ਼ ਅਪਣਾਇਆ ਹੈ ¢ ਸਿਹਤ ਮੰਤਰੀ ਡਾ. ਪੰਕਜ ਕੁਮਾਰ ਸਿੰਘ ਦੇ ਨਿਰਦੇਸ਼ਾਂ 'ਤੇ ਡਰੱਗਜ਼ ਕੰਟਰੋਲ ਵਿਭਾਗ ਨੇ ਰਾਜਧਾਨੀ ਦੇ ਥੋਕ ਦਵਾਈ ਬਾਜ਼ਾਰਾਂ ਵਿਚ ਛਾਪੇਮਾਰੀ ਤੇ ਨਿਰੀਖਣ ਕੀਤੇ ¢ ਛਾਪਿਆਂ ਦੌਰਾਨ ਛੇ ਥੋਕ ਦਵਾਈ ਫ਼ਰਮਾਂ ਦਾ ਨਿਰੀਖਣ ਕੀਤਾ ਗਿਆ ¢ ਅਧਿਕਾਰੀਆਂ ਨੇ ਸਟੋਰੇਜ ਪ੍ਰਬੰਧਾਂ, ਡਰੱਗ ਰਿਕਾਰਡਾਂ ਤੇ ਖ਼ਰੀਦਦਾਰੀ ਤੇ ਵਿੱਕਰੀ ਨਾਲ ਸਬੰਧਿਤ ਦਸਤਾਵੇਜ਼ਾਂ ਦੀ ਜਾਂਚ ਕੀਤੀ ¢ ਨਿਰੀਖਣ ਦੌਰਾਨ, ਇਹ ਪਾਇਆ ਗਿਆ ਕਿ ਛੇ ਵਿੱਚੋਂ ਚਾਰ ਫ਼ਰਮਾਂ ਡਰੱਗ ਸਟੋਰੇਜ ਤੇ ਰਿਕਾਰਡ-ਰੱਖਣ ਸੰਬੰਧੀ ਨਿਯਮਾਂ ਦੀ ਪਾਲਣਾ ਨਹੀਂ ਕਰ ਰਹੀਆਂ ਸਨ ¢ ਬਹੁਤ ਸਾਰੇ ਮਾਮਲਿਆਂ ਵਿਚ ਦਵਾਈਆਂ ਦੀ ਖ਼ਰੀਦ ਨਾਲ ਸਬੰਧਿਤ ਸਹੀ ਦਸਤਾਵੇਜ਼ ਗ਼ਾਇਬ ਸਨ¢ ਇਸ ਤੋਂ ਇਲਾਵਾ, ਕੁਝ ਪੈਕੇਜ 'ਸੰਸਥਾਗਤ ਸਪਲਾਈ' ਦੇ ਨਿਸ਼ਾਨ ਨਾਲ ਮਿਲੇ ਸਨ ¢ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਅਜਿਹੇ ਮਾਮਲੇ ਡਰੱਗ ਸਪਲਾਈ ਤੇ ਵਿੱਕਰੀ ਦੀ ਪਾਰਦਰਸ਼ਤਾ 'ਤੇ ਸਵਾਲ ਉਠਾਉਂਦੇ ਹਨ | ਸਿਹਤ ਮੰਤਰੀ ਡਾ. ਪੰਕਜ ਕੁਮਾਰ ਸਿੰਘ ਨੇ ਕਿਹਾ ਕਿ ਦਿੱਲੀ ਦੇ ਲੋਕਾਂ ਨੂੰ ਸੁਰੱਖਿਅਤ ਤੇ ਚੰਗੀ ਗੁਣਵੱਤਾ ਵਾਲੀਆਂ ਦਵਾਈਆਂ ਪ੍ਰਦਾਨ ਕਰਨਾ ਸਰਕਾਰ ਦੀ ਤਰਜੀਹ ਹੈ | ਉਨ੍ਹਾਂ ਕਿਹਾ ਕਿ ਜੀਵਨ ਰੱਖਿਅਕ ਦਵਾਈਆਂ ਸੰਬੰਧੀ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਸਖ਼ਤ ਕਾਨੂੰਨੀ ਕਾਰਵਾਈ ਦਾ ਸਾਹਮਣਾ ਕਰਨਾ ਪਵੇਗਾ ¢ ਨਿਰੀਖਣ ਦੌਰਾਨ ਅਧਿਕਾਰੀਆਂ ਨੂੰ ਵੱਡੀ ਮਾਤਰਾ ਵਿਚ ਇਨਸੁਲਿਨ ਦਵਾਈਆਂ ਵੀ ਮਿਲੀਆਂ ¢ ਜਾਂਚ ਦੌਰਾਨ, ਕੁੱਲ 2,104 ਯੂਨਿਟ ਇਨਸੁਲਿਨ ਜ਼ਬਤ ਕੀਤੇ ਗਏ, ਜਿਨ੍ਹਾਂ ਦੀ ਅੰਦਾਜ਼ਨ ਕੀਮਤ ਲਗਭਗ ਵੀਹ ਲੱਖ ਰੁਪਏ ਹੈ ¢ ਸਭ ਤੋਂ ਗੰਭੀਰ ਮੁੱਦਾ ਜੋ ਸਾਹਮਣੇ ਆਇਆ ਉਹ ਇਹ ਸੀ ਕਿ ਦੋ ਫ਼ਰਮਾਂ ਇਨਸੁਲਿਨ ਵਰਗੀਆਂ ਸੰਵੇਦਨਸ਼ੀਲ ਦਵਾਈਆਂ ਨੂੰ ਆਮ ਕਮਰੇ ਦੇ ਤਾਪਮਾਨ 'ਤੇ ਸਟੋਰ ਕੀਤਾ ਹੋਇਆ ਸੀ ¢ ਹਾਲਾਂਕਿ, ਸੁਰੱਖਿਅਤ ਸਟੋਰੇਜ ਲਈ ਇਨਸੁਲਿਨ ਨੂੰ ਕੋਲਡ ਚੇਨ ਵਿਚ ਸਟੋਰ ਕਰਨ ਦੀ ਜ਼ਰੂਰਤ ਹੈ¢ ਸਹੀ ਤਾਪਮਾਨ ਬਣਾਈ ਰੱਖਣ ਵਿਚ ਅਸਫਲਤਾ ਦਵਾਈ ਦੀ ਪ੍ਰਭਾਵਸ਼ੀਲਤਾ ਨੂੰ ਘਟਾ ਸਕਦੀ ਹੈ ਤੇ ਮਰੀਜ਼ਾਂ ਦੀ ਸਿਹਤ 'ਤੇ ਗੰਭੀਰ ਪ੍ਰਭਾਵ ਪਾ ਸਕਦੀ ਹੈ ¢
