ਟੋਹਾਣਾ, 4 ਅਪ੍ਰੈਲ (ਮਨਜੀਤ ਸਿੰਘ)-ਅਗਰਵਾਲ ਸਭਾ ਟੋਹਾਣਾ ਵੱਲੋਂ 5 ਅਪ੍ਰੈਲ 2026 (ਐਤਵਾਰ) ਨੂੰ ਇੱਕ ਮੁਫ਼ਤ ਸਿਹਤ ਜਾਂਚ ਕੈਂਪ ਲਗਾਇਆ ਜਾ ਰਿਹਾ ਹੈ | ਇਹ ਕੈਂਪ ਰੇਲਵੇ ਰੋਡ ਟੋਹਾਣਾ 'ਤੇ ਯੋਗ ਆਸ਼ਰਮ ਦੇ ਸਾਹਮਣੇ (ਦੋ ਨਹਿਰਾਂ ਦੇ ਵਿਚਕਾਰ) ਲਗਾਇਆ ਜਾਵੇਗਾ | ਕੈਂਪ ਦਾ ਸਮਾਂ ਸਵੇਰੇ 6:00 ਵਜੇ ਤੋਂ 7:30 ਵਜੇ ਤੱਕ ਰਹੇਗਾ | ਇਸ ਦੌਰਾਨ ਲੋਕ ਆਪਣਾ ਬਲੱਡ ਪ੍ਰੈਸ਼ਰ (ਬੀ.ਪੀ.), ਆਕਸੀਜਨ ਲੈਵਲ, ਬੁਖ਼ਾਰ, ਸ਼ੂਗਰ ਅਤੇ ਯੂਰਿਕ ਐਸਿਡ ਆਦਿ ਦੀ ਜਾਂਚ ਮੁਫ਼ਤ ਕਰਵਾ ਸਕਣਗੇ | ਇਸ ਸਿਹਤ ਕੈਂਪ ਵਿੱਚ ਟੋਹਾਣਾ ਦੇ ਪ੍ਰਸਿੱਧ ਸਮਾਜ ਸੇਵੀ ਡਾਕਟਰ ਸ਼ਿਵ ਸਚਦੇਵਾ ਆਪਣੀ ਟੀਮ ਸਮੇਤ ਸੇਵਾਵਾਂ ਪ੍ਰਦਾਨ ਕਰਨਗੇ | ਕੈਂਪ ਦਾ ਆਯੋਜਨ ਸ਼੍ਰੀ ਅਰੁਣ ਸਿੰਗਲਾ (ਰਿਟਾਇਰਡ ਅਕਾਊਾਟੈਂਟ, ਨਗਰ ਪਰਿਸ਼ਦ ਟੋਹਾਣਾ) ਵੱਲੋਂ ਕੀਤਾ ਜਾ ਰਿਹਾ ਹੈ | ਅਗਰਵਾਲ ਸਭਾ ਟੋਹਾਣਾ ਵੱਲੋਂ ਨਗਰ ਵਾਸੀਆਂ ਨੂੰ ਵੱਧ ਤੋਂ ਵੱਧ ਗਿਣਤੀ ਵਿੱਚ ਪਹੁੰਚ ਕੇ ਇਸ ਮੌਕੇ ਦਾ ਲਾਭ ਲੈਣ ਦੀ ਅਪੀਲ ਕੀਤੀ ਗਈ ਹੈ |
