ਨਵੀਂ ਦਿੱਲੀ,19 ਅਪ੍ਰੈਲ (ਜਗਤਾਰ ਸਿੰਘ)- ਦਿੱਲੀ ਪੁਲਿਸ ਦੀ ਕ੍ਰਾਈਮ ਬ੍ਰਾਂਚ ਨੇ ਰੋਹਿਣੀ ਇਲਾਕੇ ਵਿਚ ਰਸੋਈ ਗੈਸ ਸਿਲੰਡਰਾਂ ਦੀ ਜਮ੍ਹਾਖ਼ੋਰੀ ਤੇ ਕਾਲਾਬਾਜ਼ਾਰੀ ਦੇ ਵੱਡੇ ਰੈਕਟ ਦਾ ਪਰਦਾਫਾਸ਼ ਕਰਦੇ ਹੋਏ ਇੱਕ ਮੁਲਜ਼ਮ ਨੂੰ ਗਿ੍ਫ਼ਤਾਰ ਕੀਤਾ ਹੈ ¢ ਕਾਰਵਾਈ ਦੇ ਦੌਰਾਨ ਪੁਲਿਸ ਨੇ 57 ਗੈਸ ਸਿਲੰਡਰ,ਇੱਕ ਟਾਟਾ ਪਿਕਅਪ ਵਾਹਨ ,ਭਾਰ ਤੋਲਣ ਦੀ ਮਸ਼ੀਨ ਅਤੇ ਗੈਸ ਟਰਾਂਸਫ਼ਰ ਕਰਨ ਦੇ ਉਪਕਰਨ ਬਰਾਮਦ ਕੀਤੇ ਹਨ ¢ ਇਹ ਪੂਰਾ ਨੈੱਟਵਰਕ ਘਰੇਲੂ ਗੈਸ ਦੀ ਸਪਲਾਈ ਪ੍ਰਣਾਲੀ ਦੀ ਦੁਰਵਰਤੋਂ ਨਾਲ ਜੁੜਿਆ ਹੋਇਆ ਹੈ ¢ ਡੀਸੀਪੀ ਪੰਕਜ ਕੁਮਾਰ ਨੇ ਦੱਸਿਆ ਕਿ ਸੂਚਨਾ ਮਿਲੀ ਸੀ ਕਿ ਰੋਹਿਣੀ ਰਾਮ ਵਿਹਾਰ ਇਲਾਕੇ ਵਿਚ ਗੈਰ ਕਾਨੂੰਨੀ ਰੂਪ ਨਾਲ ਐੱਲ.ਪੀ.ਜੀ. ਸਿਲੰਡਰਾਂ ਦੀ ਜਮ੍ਹਾਖ਼ੋਰੀ ਅਤੇ ਰਿਫਿਲਿੰਗ ਕੀਤੀ ਜਾ ਰਹੀ ਹੈ ¢ ਇਸ ਤੋਂ ਬਾਅਦ ਕ੍ਰਾਈਮ ਬ੍ਰਾਂਚ ਦੀ ਟੀਮ ਨੇ ਸੈਕਟਰ-22 ਸਥਿਤ ਸੁਰਸੁਮਨ ਗੈਸ ਏਜੰਸੀ ਦੇ ਕੋਲ ਛਾਪਾ ਮਾਰਿਆ,ਜਿੱਥੇ ਮੁਲਜ਼ਮ ਲੋਕਪਾਲ ਨੂੰ ਮੌਕੇ 'ਤੇ ਗਿ੍ਫ਼ਤਾਰ ਕੀਤਾ ਗਿਆ ¢ ਜਾਂਚ ਵਿਚ ਸਾਹਮਣੇ ਆਇਆ ਹੈ ਕਿ ਮੁਲਜ਼ਮ ਲੋਕਪਾਲ ਇੱਕ ਅਧਿਕਾਰਤ ਗੈਸ ਏਜੰਸੀ ਨਾਲ ਜੁੜਿਆ ਡਿਲਿਵਰੀ ਮੈਨ ਹੈ ਜੋ ਘਰੇਲੂ ਉਪਭੋਗਤਾਵਾਂ ਦੇ ਲਈ ਨਿਰਧਾਰਿਤ ਸਿਲੰਡਰਾਂ ਨੂੰ ਗਾਹਕਾਂ ਤਕ ਪਹੁੰਚਾਉਣ ਦੀ ਬਜਾਏ ਗੈਰ ਕਾਨੂੰਨੀ ਤੌਰ 'ਤੇ ਆਪਣੇ ਕੋਲ ਜਮ੍ਹਾਂ ਕਰ ਲੈਂਦਾ ਸੀ ¢ ਇਸ ਤੋਂ ਬਾਅਦ ਉਹ ਇਨ੍ਹਾਂ ਸਿਲੰਡਰਾਂ ਵਿਚੋਂ ਗੈਸ ਕੱਢ ਕੇ ਖ਼ਾਲੀ ਸਿਲੰਡਰਾਂ ਵਿਚ ਭਰਦਾ ਅਤੇ ਖੁੱਲ੍ਹੇ ਬਾਜ਼ਾਰ ਵਿਚ ਮਹਿੰਗੀ ਕੀਮਤ 'ਤੇ ਵੇਚਦਾ¢ ਬਰਾਮਦ 57 ਸਿਲੰਡਰਾਂ ਵਿਚੋਂ 50 ਭਰੇ ਹੋਏ , 2 ਖ਼ਾਲੀ ਅਤੇ 5 ਅੰਸ਼ਿਕ ਰੂਪ ਨਾਲ ਭਰੇ ਹੋਏ ਸੀ ¢ ਫ਼ਿਲਹਾਲ ਮੁਲਜ਼ਮ ਦੇ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅੱਗੇ ਦੀ ਜਾਂਚ ਜਾਰੀ ਹੈ ¢
