ਨਵੀਂ ਦਿੱਲੀ, 19 ਅਪ੍ਰੈਲ (ਜਗਤਾਰ ਸਿੰਘ)-'ਸਿੱਖ ਹਿਸਟਰੀ ਐਂਡ ਗੁਰਬਾਣੀ ਫੋਰਮ' ਵੱਲੋਂ ਇਤਿਹਾਸ ਵਿਚ ਸਿੱਖ ਬੀਬੀਆਂ ਲੈਕਚਰ ਲੜੀ ਹੇਠ 30ਵਾਂ ਵਿਸ਼ੇਸ਼ ਲੈਕਚਰ ਸਿੱਖ ਪੰਥ ਦੀ ਜੁਝਾਰੂ ਯੋਧਾ ਅਤੇ ਸ਼ਹੀਦ ਬੀਬੀ ਬਘੇਲ ਕੌਰ ਦੇ ਗੌਰਵਮਈ ਜੀਵਨ ਇਤਿਹਾਸ ਸਬੰਧੀ ਕਰਵਾਇਆ ਗਿਆ ¢ ਫੋਰਮ ਦੇ ਡਾਇਰੈਕਟਰ ਡਾ. ਹਰਬੰਸ ਕੌਰ ਸਾਗੂ ਨੇ ਪ੍ਰੋਗਰਾਮ ਬਾਰੇ ਜਾਣਕਾਰੀ ਦੇਣ ਦੇ ਨਾਲ ਹੀ ਪਤਵੰਤੇ ਸੱਜਣਾ ਦਾ ਰਸਮੀ ਸੁਆਗਤ ਕੀਤਾ ¢ ਸਟੇਜ ਸਕੱਤਰ ਦੀ ਸੇਵਾ ਸਵਰਨ ਸਿੰਘ 'ਸਵਰਨ' ਨੇ ਸੁਚੱਜੇ ਤਰੀਕੇ ਨਾਲ ਨਿਭਾਈ ¢ ਮੁੱਖ ਵਕਤਾ ਡਾ. ਅਬਨਾਸ਼ ਕੌਰ ਨੇ ਬੀਬੀ ਬਘੇਲ ਕੌਰ ਦੇ ਜੀਵਨ ਇਤਿਹਾਸ ਅਤੇ ਸ਼ਹਾਦਤ ਦੀ ਗੱਲ ਕਰਦਿਆਂ ਦੱਸਿਆ ਕਿ ਉਹ, ਸਿੱਖ ਇਤਿਹਾਸ ਦੀ ਉਹ ਬਹਾਦਰ ਯੋਧਾ ਸਨ, ਜਿਨ੍ਹਾਂ ਨੇ ਮੁਗ਼ਲ ਸ਼ਾਸਕਾਂ ਦੇ ਜ਼ੁਲਮ ਦਾ ਡਟ ਕੇ ਵਿਰੋਧ ਕੀਤਾ ਅਤੇ ਅਨੇਕਾਂ ਬੇਕਸੂਰ ਲੜਕੀਆਂ ਨੂੰ ਮੁਗ਼ਲਾਂ ਦੀ ਕੈਦ 'ਚੋਂ ਮੁਕਤ ਕਰਾਇਆ ਸੀ ¢ ਸਿੱਖ ਇਤਿਹਾਸ ਵਿੱਚੋਂ ਬੀਬੀ ਬਘੇਲ ਕੌਰ ਦੇ ਸਿੱਖੀ ਪਿਆਰ ਅਤੇ ਕੁਰਬਾਨੀ ਦੀ ਅਦੁੱਤੀ ਮਿਸਾਲ ਸਾਨੂੰ ਸੂਰਬੀਰਤਾ ਅਤੇ ਨਿਸ਼ਕਾਮ ਸੇਵਾ ਦੇ ਜਜ਼ਬੇ ਨਾਲ ਜੋੜਦੀ ਹੈ ¢ ਮੁੱਖ ਮਹਿਮਾਨ ਡਾ. ਰੇਣੂਕਾ ਸਿੰਘ ਨੇ ਕਿਹਾ ਕਿ ਬੀਬੀ ਬਘੇਲ ਕੌਰ ਦਾ ਜੀਵਨ ਸਿੱਖ ਬੀਬੀਆਂ ਲਈ ਆਤਮ-ਵਿਸ਼ਵਾਸ ਅਤੇ ਸੂਰਬੀਰਤਾ ਦਾ ਇੱਕ ਅਜਿਹਾ ਮਾਰਗ-ਦਰਸ਼ਕ ਹੈ, ਜੋ ਸਾਨੂੰ ਹਰ ਮੈਦਾਨ ਵਿੱਚ ਦਿ੍ੜ੍ਹਤਾ ਨਾਲ ਜੂਝਣ ਦੀ ਪ੍ਰੇਰਨਾ ਦਿੰਦਾ ਹੈ |
