ਟੋਹਾਣਾ ਵਿੱਚ ਗਊਸ਼ਾਲਾ ਚਾਰਾ ਗ੍ਰਾਂਟ ਵੰਡ ਸਮਾਰੋਹ, 10 ਗਊਸ਼ਾਲਾਵਾਂ ਨੂੰ 1.35 ਕਰੋੜ ਰੁਪਏ ਦੀ ਸਹਾਇਤਾ <br/>

ਅ

ਅਜੀਤ ਡੈਸਕ 27-04-2026

ਟੋਹਾਣਾ, 26 ਅਪ੍ਰੈਲ (ਮਨਜੀਤ ਸਿੰਘ) - ਜਯੋਤੀਪੁੰਜ ਗਊਸ਼ਾਲਾ ਵਿਖੇ ਆਯੋਜਿਤ ਗਊਸ਼ਾਲਾ ਚਾਰਾ ਗ੍ਰਾਂਟ ਵੰਡ ਸਮਾਰੋਹ ਦੌਰਾਨ ਹਰਿਆਣਾ ਦੇ ਲੋਕ ਨਿਰਮਾਣ ਅਤੇ ਜਨ ਸਿਹਤ ਇੰਜੀਨੀਅਰਿੰਗ ਮੰਤਰੀ ਨੇ ਟੋਹਾਣਾ ਖੇਤਰ ਦੀਆਂ 10 ਗਊਸ਼ਾਲਾਵਾਂ ਨੂੰ ਕੁੱਲ 1.35 ਕਰੋੜ ਰੁਪਏ ਦੇ ਗ੍ਰਾਂਟ ਚੈੱਕ ਵੰਡੇ | ਇਸ ਸਮਾਗਮ ਵਿੱਚ ਅਤੇ ਸਾਬਕਾ ਕੈਬਨਿਟ ਮੰਤਰੀ ਵਿਸ਼ੇਸ਼ ਮਹਿਮਾਨ ਵਜੋਂ ਮੌਜੂਦ ਰਹੇ | ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਮੰਤਰੀ ਰਣਬੀਰ ਗੰਗਵਾ ਨੇ ਕਿਹਾ ਕਿ ਗਊ ਰੱਖਿਆ ਸਰਕਾਰ ਅਤੇ ਸਮਾਜ ਦੀ ਸਾਂਝੀ ਜ਼ਿੰਮੇਵਾਰੀ ਹੈ | ਉਨ੍ਹਾਂ ਦੱਸਿਆ ਕਿ ਰਾਜ ਸਰਕਾਰ ਵੱਲੋਂ ਗਊ ਸੇਵਾ ਕਮਿਸ਼ਨ ਰਾਹੀਂ ਗਊ ਆਸ਼ਰਮਾਂ ਅਤੇ ਬਲਦ ਆਸ਼ਰਮਾਂ ਨੂੰ ਨਿਰੰਤਰ ਵਿੱਤੀ ਸਹਾਇਤਾ ਦਿੱਤੀ ਜਾ ਰਹੀ ਹੈ ਅਤੇ ਇਸ ਦੇ ਬਜਟ ਵਿੱਚ ਵੀ ਵਾਧਾ ਕੀਤਾ ਗਿਆ ਹੈ | ਉਨ੍ਹਾਂ ਕਿਹਾ ਕਿ ਗਊਸ਼ਾਲਾਵਾਂ ਵਿੱਚ ਆਧੁਨਿਕ ਸਹੂਲਤਾਂ, ਚਾਰੇ ਦੀ ਗੁਣਵੱਤਾ ਅਤੇ ਪਸ਼ੂ ਸੇਵਾਵਾਂ ਨੂੰ ਮਜ਼ਬੂਤ ਕਰਨ ਲਈ ਵੀ ਕੰਮ ਜਾਰੀ ਹੈ | ਰਾਜ ਸਭਾ ਮੈਂਬਰ ਸੁਭਾਸ਼ ਬਰਾਲਾ ਨੇ ਕਿਹਾ ਕਿ ਹਰਿਆਣਾ ਵਿੱਚ ਗਊ ਰੱਖਿਆ ਲਈ ਸਖ਼ਤ ਕਾਨੂੰਨ ਲਾਗੂ ਕਰਕੇ ਗਊ ਹੱਤਿਆ ਅਤੇ ਗੈਰ-ਕਾਨੂੰਨੀ ਤਸਕਰੀ 'ਤੇ ਕਾਬੂ ਪਾਇਆ ਗਿਆ ਹੈ | ਉਨ੍ਹਾਂ ਨੇ ਗਊ ਰੱਖਿਅਕਾਂ ਦੀ ਭੂਮਿਕਾ ਦੀ ਸਰਾਹਨਾ ਕਰਦਿਆਂ ਸਮਾਜ ਨੂੰ ਗਊ ਪਾਲਣ ਅਤੇ ਸੰਭਾਲ ਵਿੱਚ ਵਧ-ਚੜ੍ਹ ਕੇ ਹਿੱਸਾ ਲੈਣ ਦੀ ਅਪੀਲ ਕੀਤੀ | ਸਾਬਕਾ ਕੈਬਨਿਟ ਮੰਤਰੀ ਦੇਵੇਂਦਰ ਸਿੰਘ ਬਬਲੀ ਨੇ ਕਿਹਾ ਕਿ ਗਊ ਸੇਵਾ ਭਾਰਤੀ ਪਰੰਪਰਾਵਾਂ ਦਾ ਅਹਿਮ ਹਿੱਸਾ ਹੈ ਅਤੇ ਇਸ ਖੇਤਰ ਵਿੱਚ ਹੋਰ ਯਤਨਾਂ ਦੀ ਲੋੜ ਹੈ | ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਵੱਲੋਂ ਵਧਾਇਆ ਗਿਆ ਬਜਟ ਇਸ ਦਿਸ਼ਾ ਵਿੱਚ ਮਜ਼ਬੂਤ ਨੀਂਹ ਸਾਬਤ ਹੋਵੇਗਾ | ਜ਼ਿਲ੍ਹਾ ਪ੍ਰਧਾਨ ਪ੍ਰਵੀਨ ਜੌੜਾ ਨੇ ਮਹਿਮਾਨਾਂ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਗਾਂ ਦਾ ਦੁੱਧ ਪੋਸ਼ਣ ਅਤੇ ਅÏਸ਼ਧੀ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ, ਜਿਸ ਕਾਰਨ ਇਸਦੀ ਮਹੱਤਤਾ ਵਿਸ਼ਵ ਪੱਧਰ 'ਤੇ ਵਧ ਰਹੀ ਹੈ | ਇਸ ਮੌਕੇ ਵਧੀਕ ਡਿਪਟੀ ਕਮਿਸ਼ਨਰ ਅਨੁਰਾਗ ਢਾਲੀਆ, ਨਗਰ ਕੌਂਸਲ ਪ੍ਰਧਾਨ ਨਰੇਸ਼ ਬਾਂਸਲ, ਸੰਤ ਮੁਨੀ ਮਹਾਰਾਜ, ਰਮਨ ਮੜੀਆ, ਰਵਿੰਦਰ ਮਹਿਤਾ, ਵਿਕਾਸ ਲਲੌਦਾ, ਕਵਲ ਚੌਧਰੀ, ਜ਼ਿਲ੍ਹਾ ਸਿੰਘ ਬਰਾਲਾ, ਸੰਜੀਵ ਸਿੰਗਲਾ, ਜੈਦੀਪ ਬਰਾਲਾ, ਬਲਦੇਵ ਸੈਣੀ, ਨਰਿੰਦਰ ਗਰਗ, ਪ੍ਰਵੀਨ ਗਿੱਲ, ਵਿਨੋਦ ਸ਼ਰਮਾ, ਕਿਰਨਿਤ ਸ਼ਰਮਾ ਸਮੇਤ ਵੱਖ-ਵੱਖ ਵਿਭਾਗਾਂ ਦੇ ਅਧਿਕਾਰੀ ਹਾਜ਼ਰ ਸਨ |

ਜਯੋਤੀਪੁੰਜ ਗਊਸ਼ਾਲਾ ਟੋਹਾਣਾ ਵਿਖੇ ਹਰਿਆਣਾ ਦੇ ਲੋਕ ਨਿਰਮਾਣ ਅਤੇ ਜਨ ਸਿਹਤ ਇੰਜੀਨੀਅਰਿੰਗ ਮੰਤਰੀ ਰਣਬੀਰ ਗੰਗਵਾ, ਰਾਜ ਸਭਾ ਮੈਂਬਰ ਸੁਭਾਸ਼ ਬਰਾਲਾ, ਸਾਬਕਾ ਕੈਬਨਿਟ ਮੰਤਰੀ ਦੇਵੇਂਦਰ ਬਬਲੀ ਟੋਹਾਣਾ ਖੇਤਰ ਦੀਆਂ 10 ਗਊਸ਼ਾਲਾਵਾਂ ਨੂੰ ਕੁੱਲ 1.35 ਕਰੋੜ ਰੁਪਏ ਗ੍ਰਾਂਟ ਦੇ ਚੈੱਕ ਵੰਡਦੇ ਹੋਏ | ਤਸਵੀਰ : ਮਨਜੀਤ ਸਿੰਘ ਟੋਹਾਣਾ

ਪਿਛਲੀ ਖ਼ਬਰ ਅਗਰਵਾਲ ਸਭਾ ਵਲੋਂ ਲਗਾਏ ਮੁਫ਼ਤ ਮੈਡੀਕਲ ਚੈੱਕਅਪ ਕੈਂਪ ਵਿੱਚ 133 ਲੋਕਾਂ ਦੀ ਜਾਂਚ <br/> ਅਗਲੀ ਖ਼ਬਰ ਰਾਮਪੁਰਾ ਫੂਲ ਪੁਲਿਸ ਨੂੰ ਵੱਡੀ ਕਾਮਯਾਬੀ : 4 ਨਾਜਾਇਜ਼ ਅਸਲਿ੍ਹਆਂ ਅਤੇ 8 ਰੌਂਦਾਂ ਸਮੇਤ 2 ਵਿਅਕਤੀ ਕਾਬੂ ਪੁਰਾਣੀ...

ਟੋਹਾਣਾ ਵਿੱਚ ਗਊਸ਼ਾਲਾ ਚਾਰਾ ਗ੍ਰਾਂਟ ਵੰਡ ਸਮਾਰੋਹ, 10 ਗਊਸ਼ਾਲਾਵਾਂ ਨੂੰ 1.35 ਕਰੋੜ ਰੁਪਏ ਦੀ ਸਹਾਇਤਾ <br/>

ਸੰਬੰਧਿਤ ਖ਼ਬਰਾਂ