ਟੋਹਾਣਾ, 28 ਮਈ (ਮਨਜੀਤ ਸਿੰਘ) - ਅਨੁਭਵੀ ਸਵਾਸਥ ਮਿੱਤਰ ਚੈਰੀਟੇਬਲ ਟਰੱਸਟ ਹਰਿਆਣਾ ਬਲਾਕ ਨਰਵਾਣਾ ਦੀ ਮਾਸਿਕ ਮੀਟਿੰਗ ਟਰੱਸਟ ਦੇ ਪ੍ਰਦੇਸ਼ ਪ੍ਰਧਾਨ ਡਾ: ਅਜਾਇਬ ਸਿੰਘ ਫਤਹਿਪੁਰੀ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ 'ਕਾਟੇਜ ਰੈਸਟੋਰੈਂਟ' ਨਰਵਾਣਾ ਵਿਖ ਜ਼ਿਲ੍ਹਾ ਜੀਂਦ ਪ੍ਰਧਾਨ ਡਾ. ਸੁਰੇਸ਼ ਮਲਿਕ ਦੀ ਅਗਵਾਈ ਹੇਠ ਅਤੇ ਨਰਵਾਣਾ ਬਲਾਕ ਪ੍ਰਧਾਨ ਡਾ. ਮੇਜਰ ਸਿੰਘ ਵਿਰਕ ਦੀ ਦੇਖ-ਰੇਖ ਹੇਠ ਆਯੋਜਿਤ ਕੀਤੀ ਗਈ | ਇਸ ਮੀਟਿੰਗ ਵਿੱਚ 'ਮਾਹਿਰਾਂ ਅਲਟਰਾਸਾਊਾਡ ਸੈਂਟਰ ਨਰਵਾਣਾ' ਦੇ ਪ੍ਰਤੀਨਿਧੀਆਂ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ | ਮੀਟਿੰਗ ਦੌਰਾਨ ਅਨੁਭਵੀ ਸਵਾਸਥ ਮਿੱਤਰ ਚੈਰੀਟੇਬਲ ਟਰੱਸਟ ਹਰਿਆਣਾ ਦੇ ਬਲਾਕ ਨਰਵਾਣਾ ਅਤੇ ਜ਼ਿਲ੍ਹਾ ਜੀਂਦ ਯੂਨਿਟ ਨੂੰ ਹੋਰ ਮਜ਼ਬੂਤ ਕਰਨ ਲਈ ਵਿਚਾਰ-ਵਟਾਂਦਰਾ ਕੀਤਾ ਗਿਆ | ਇਸ ਤੋਂ ਇਲਾਵਾ ਟਰੱਸਟ ਦੇ ਕੰਮਕਾਜ ਨੂੰ ਪਾਰਦਰਸ਼ੀ, ਸਾਫ਼-ਸੁਥਰਾ ਅਤੇ ਸਮਾਜ ਸੇਵਾ ਨਾਲ ਜੋੜਨ 'ਤੇ ਵਿਸ਼ੇਸ਼ ਜ਼ੋਰ ਦਿੱਤਾ ਗਿਆ | ਮੈਂਬਰਾਂ ਨੂੰ ਸਮਾਜਿਕ ਕਾਰਜਾਂ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਲੈਣ ਲਈ ਪ੍ਰੇਰਿਤ ਕੀਤਾ ਗਿਆ | ਇਸ ਮੌਕੇ ਜ਼ਿਲ੍ਹਾ ਜੀਂਦ ਪ੍ਰਧਾਨ ਡਾ. ਸੁਰੇਸ਼ ਮਲਿਕ, ਡਾ. ਮੇਜਰ ਸਿੰਘ ਵਿਰਕ, ਡਾ. ਦਿਲਬਾਗ ਮੋਰ, ਡਾ. ਕਿ੍ਸ਼ਨ ਕਾਲਵਨ, ਡਾ. ਮਹਾਂਵੀਰ ਸ਼ਰਮਾ ਕਲੋਦਾ, ਡਾ. ਸੰਦੀਪ ਖਰਕੀਆ (ਪ੍ਰਧਾਨ ਬਲਾਕ ਉਚਾਣਾ), ਡਾ. ਸਤੀਸ਼ ਡੁਹਾਣਾ ਖੇੜਾ, ਡਾ. ਵਿਨੋਦ ਬੂਰਾ ਗੋਗੜੀਆ, ਡਾ. ਰਾਜ ਮਹਿਰਾ, ਡਾ. ਰਸ਼ਪਾਲ ਰਸੀਦਾਂ, ਡਾ. ਰਣਧੀਰ ਦਨੋਦਾ, ਡਾ. ਕਿ੍ਸ਼ਨ ਬੇਲਰਖਾਂ ਅਤੇ ਡਾ. ਅਮਿਤ ਦਨੋਦਾ ਸਮੇਤ ਟਰੱਸਟ ਦੇ ਸੈਂਕੜੇ ਮੈਂਬਰ ਹਾਜ਼ਰ ਰਹੇ |
