ਜਲਦੀ ਹੀ ਤਿੰਨ ਹਸਪਤਾਲਾਂ ’ਚ ਮਿਲੇਗੀ ਕੈਂਸਰ ਡੇ ਕੇਅਰ ਸੈਂਟਰ ਦੀ ਸਹੂਲਤ
ਨਵੀਂ ਦਿੱਲੀ , 16 ਅਗਸਤ ( ਡਾ . ਬਲਵਿੰਦਰ ਸਿੰਘ ਸੋਢੀ )- ਦਿੱਲੀ ਸਰਕਾਰ ਦੇ ਤਿੰਨ ਹਸਪਤਾਲਾਂ ਵਿਚ ਜਲਦੀ ਹੀ ਕੈਂਸਰ - ਡੇ - ਕੇਅਰ ਸੈਂਟਰ ਦੀ ਸਹੂਲਤ ਸ਼ੁਰੂ ਕੀਤੀ ਜਾਵੇਗੀ ।
ਨਵੀਂ ਦਿੱਲੀ , 16 ਅਗਸਤ ( ਡਾ . ਬਲਵਿੰਦਰ ਸਿੰਘ ਸੋਢੀ )- ਦਿੱਲੀ ਸਰਕਾਰ ਦੇ ਤਿੰਨ ਹਸਪਤਾਲਾਂ ਵਿਚ ਜਲਦੀ ਹੀ ਕੈਂਸਰ - ਡੇ - ਕੇਅਰ ਸੈਂਟਰ ਦੀ ਸਹੂਲਤ ਸ਼ੁਰੂ ਕੀਤੀ ਜਾਵੇਗੀ । ਜਿਸ ਵਿਚ ਪੰਡਤ ਮਦਨ ਮੋਹਨ ਮਾਲਵੀਆ ਹਸਪਤਾਲ , ਦੁਆਰਕਾ ਸਥਿਤ ਇੰਦਰਾ ਗਾਂਧੀ ਹਸਪਤਾਲ ਅਤੇ ਪੂਠ ਖੁਰਦ ਸਥਿਤ ਮਹਾਂਰਿਸ਼ੀ ਹਸਪਤਾਲ ਸ਼ਾਮਿਲ ਹਨ । ਇਨ੍ਹਾਂ ਹਸਪਤਾਲਾਂ ਵਿਚ ਕੈਂਸਰ ਦੇ ਮਰੀਜ਼ਾਂ ਦੀ ਕੀਮੋਥਰੈਪੀ ਦੀ ਸਹੂਲਤ ਮਿਲ ਸਕੇਗੀ । ਜੂਨ ਦੇ ਮਹੀਨੇ ਵਿਚ ਹਰੀ ਨਗਰ ਦਿੱਲੀ ਸਥਿਤ ਦੀਨ ਦਿਆਲ ਉਪਾਧਿਆ ਹਸਪਤਾਲ ਵਿਚ ਪਹਿਲਾ ਡੇ - ਕੇਅਰ ਸੈਂਟਰ ਸ਼ੁਰੂ ਕੀਤਾ ਗਿਆ ਸੀ । ਕੇਂਦਰ ਸਰਕਾਰ ਦੀ ਪਹਿਲ ਅਧੀਨ ਜ਼ਿਲ੍ਹਾ ਪੱਧਰ ’ ਤੇ ਕੈਂਸਰ ਦੇ ਮਰੀਜ਼ਾਂ ਨੂੰ ਇਹ ਸਹੂਲਤ ਦਿੱਤੀ ਜਾ ਰਹੀ ਹੈ । ਇਨ੍ਹਾਂ ਹਸਪਤਾਲਾਂ ਵਿਚ ਕੀਮੋਥੈਰੇਪੀ ਦੀ ਸਹੂਲਤ ਮਿਲਣ ਦੇ ਕਾਰਨ ਕੈਂਸਰ ਦੇ ਮਰੀਜ਼ਾਂ ਨੂੰ ਦੂਰ ਦੇ ਹਸਪਤਾਲਾਂ ਵਿਚ ਨਹੀਂ ਜਾਣਾ ਪਵੇਗਾ ਅਤੇ ਉਨ੍ਹਾਂ ਨੂੰ ਉਪਰੋਕਤ ਨੇੜਲੇ ਹਸਪਤਾਲਾਂ ਵਿਚ ਜਾਣਾ ਸੌਖਾ ਹੋਵੇਗਾ ।
