ਬੇਸਹਾਰਾ ਪਸ਼ੂਆਂ ਕਾਰਨ ਲੋਕ ਹੋ ਰਹੇ ਨੇ ਪ੍ਰੇਸ਼ਾਨ
ਨਵੀਂ ਦਿੱਲੀ, 6 ਸਤੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੀ ਸ਼ਕੂਰ ਬਸਤੀ ਦੇ ਇਲਾਕੇ ਰਿਸ਼ੀ ਨਗਰ ਵਿਚ ਬੇਸਹਾਰਾ ਗਊਆਂ ਦੀ ਇੰਨੀ ਭਰਮਾਰ ਹੈ ਕਿ ਸੜਕਾਂ ’ਤੇ ਘੁੰਮਣ ਦੇ ਕਾਰਨ ਟ੍ਰੈਫਿਕ ਵਿਚ ਕਾਫੀ ਵਿਘਨ ਪੈ ਰਿਹਾ ਹੈ।
ਰ
ਰਿਸ਼ੀ ਨਗਰ ਦੇ ਗੋਲ ਚੱਕਰ ਵਾਲੀ ਸੜਕ ’ਤੇ ਖੜੀਆਂ ਬੇਸਹਾਰਾ ਗਊਆਂ। ਤਸਵੀਰ-ਸ਼ਿਆਮ ਸੁੰਦਰ
07-09-2026
ਨਵੀਂ ਦਿੱਲੀ, 6 ਸਤੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੀ ਸ਼ਕੂਰ ਬਸਤੀ ਦੇ ਇਲਾਕੇ ਰਿਸ਼ੀ ਨਗਰ ਵਿਚ ਬੇਸਹਾਰਾ ਗਊਆਂ ਦੀ ਇੰਨੀ ਭਰਮਾਰ ਹੈ ਕਿ ਸੜਕਾਂ ’ਤੇ ਘੁੰਮਣ ਦੇ ਕਾਰਨ ਟ੍ਰੈਫਿਕ ਵਿਚ ਕਾਫੀ ਵਿਘਨ ਪੈ ਰਿਹਾ ਹੈ। ਇੱਥੋਂ ਦੀ ਸੰਤ ਨਗਰ ਰੋਡ, ਰਿਸ਼ੀ ਨਗਰ, ਮਹਿੰਦਰਾ ਪਾਰਕ, ਸੰਤ ਨਗਰ ਗੋਲ ਚੱਕਰ ’ਤੇ ਗਊਆਂ ਦਾ ਝੁੰਡ ਹਰ ਸਮੇਂ ਵਿਖਾਈ ਦਿੰਦਾ ਹੈ। ਆਸ-ਪਾਸ ਦੀਆਂ ਕਾਲੋਨੀਆਂ ਦੇ ਲੋਕ ਇਨ੍ਹਾਂ ਗਊਆਂ ਨੂੰ ਥੈਲੀਆਂ ਵਿਚ ਪਾ ਕੇ ਕੋਈ ਨਾ ਕੋਈ ਖਾਣ ਵਾਲਾ ਸਾਮਾਨ ਸੜਕ ’ਤੇ ਰੱਖ ਦਿੰਦੇ ਹਨ ਅਤੇ ਥੈਲੀਆਂ ਵੀ ਉੱਥੇ ਸੁੱਟ ਦਿੰਦੇ ਹਨ, ਜਿਸ ਨਾਲ ਸੜਕਾਂ ’ਤੇ ਗੰਦੀਆਂ ਥੈਲੀਆਂ ਪਈਆਂ ਹਰ ਸਮੇਂ ਵਿਖਾਈ ਦਿੰਦੀਆਂ ਹਨ। ਕਈ ਵਾਰ ਇਨ੍ਹਾਂ ਗਾਵਾਂ ਕਾਰਨ ਹਾਦਸੇ ਵੀ ਹੋਏ ਹਨ। ਇਹ ਗਊਆਂ ਗਲੀ ਮੁਹੱਲਿਆਂ ਵਿਚ ਵੀ ਅਕਸਰ ਘੁੰਮਦੀਆਂ ਰਹਿੰਦੀਆਂ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ ਜੇਕਰ ਉਹ ਨਗਰ ਨਿਗਮ ਕੋਲ ਸ਼ਿਕਾਇਤ ਕਰਦੇ ਹਨ ਤਾਂ ਉਹ ਆਪਣੀ ਬੇਵਸੀ ਜ਼ਾਹਰ ਕਰਦੇ ਹਨ। ਲੋਕਾਂ ਦਾ ਇਹ ਵੀ ਕਹਿਣਾ ਹੈ ਕਿ ਸਮੱਸਿਆ ਕਿਵੇਂ ਅਤੇ ਕਦੋਂ ਹੱਲ ਹੋਵੇਗੀ ? ਸਮਾਜ ਸੇਵੀ ਸੰਸਥਾਵਾਂ ਵੀ ਇਸ ਪਾਸੇ ਕੋਈ ਧਿਆਨ ਨਹੀਂ ਦੇ ਰਹੀਆਂ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
