ਜਲੰਧਰ

ਨੀਂਹ ਪੱਥਰਾਂ ਨੂੰ ਲੈ ਕੇ ਗਰਮਾਈ ਸਿਆਸਤ, ਕਿਧਰੇ ਨੀਂਹ ਪੱਥਰ ਗ਼ਾਇਬ ਤੇ ਕਿਧਰੇ ਕਾਂਗਰਸੀਆਂ ਨੇ ਪਹਿਲਾਂ ਕੀਤਾ ਉਦਘਾਟਨ <br/>

ਉਦਘਾਟਨ ਕਰਨ ਮੌਕੇ ਮਹਿੰਦਰ ਭਗਤ ਤੇ ਨਾਲ ਮੇਅਰ ਵਨੀਤ ਧੀਰ, ਸੁਭਾਸ਼ ਗੋਰੀਆ ਤੇ ਹੋਰ | (ਸੱਜੇ) ਵਾਰਡ ਨੰਬਰ-49 ਦਾ ਨੀਂਹ ਪੱਥਰ | ਤਸਵੀਰਾਂ : ਮੁਨੀਸ਼ <br/> 04-02-2026

ਜਲੰਧਰ, 3 ਫਰਵਰੀ (ਸ਼ਿਵ)-ਸ਼ਹਿਰ ਵਿਚ ਨੀਂਹ ਪੱਥਰਾਂ ਨੂੰ ਲੈ ਕੇ ਇਕ ਵਾਰ ਫਿਰ ਸਿਆਸਤ ਗਰਮਾ ਗਈ ਕਿਉਂਕਿ ਨੀਂਹ ਪੱਥਰਾਂ 'ਤੇ ਜਿੱਤੇ ਹੋਏ ਕਾਂਗਰਸੀ ਅਤੇ ਭਾਜਪਾ ਦੇ ਕੌਂਸਲਰਾਂ ਵਲੋਂ ਨਾਂਅ ਨਾ ਲਿਖਾਉਣ ਦੀਆਂ ਸ਼ਿਕਾਇਤਾਂ ਮੇਅਰ ਵਨੀਤ ਧੀਰ ਨੂੰ ਕੀਤੀਆਂ ਜਾਂਦੀਆਂ ਰਹੀਆਂ ਹਨ | ਵਾਰਡ ਨੰਬਰ-51 ਵਿਚ ਦਿਲਚਸਪ ਸਥਿਤੀ ਬਣ ਗਈ ਜਦੋਂ ਮੰਤਰੀ ਮਹਿੰਦਰ ਭਗਤ, ਮੇਅਰ ਵਨੀਤ ਧੀਰ ਨੂੰ ਬਿਨਾਂ ਨੀਂਹ ਪੱਥਰ ਦੇ ਉਦਘਾਟਨ ਕਰਨਾ ਪਿਆ | ਅਸਲ ਵਿਚ ਜਿਹੜਾ ਨੀਂਹ ਪੱਥਰ ਰੱਖਿਆ ਜਾਣਾ ਸੀ, ਉਸ ਬਾਰੇ ਇਹ ਚਰਚਾ ਗਰਮਾ ਗਈ ਕਿ ਉਕਤ ਨੀਂਹ ਪੱਥਰ ਨੂੰ ਕੌਂਸਲਰ ਪਤੀ ਲੈ ਗਏ ਹਨ | ਇਸ ਬਾਰੇ ਇਹ ਵੀ ਚਰਚਾ ਰਹੀ ਕਿ ਭਾਜਪਾ ਆਗੂ ਖ਼ਿਲਾਫ਼ ਕਾਰਵਾਈ ਹੋਵੇਗੀ ਜਦਕਿ ਦੂਜੇ ਪਾਸੇ ਦਰਸ਼ਨ ਭਗਤ ਨੇ ਮੀਡੀਆ ਕਰਮੀਆਂ ਨੂੰ ਕਿਹਾ ਕਿ ਉਨ੍ਹਾਂ ਨੇ ਨੀਂਹ ਪੱਥਰ ਚੋਰੀ ਨਹੀਂ ਕੀਤਾ ਹੈ ਸਗੋਂ ਆਗੂ ਜਾਣਬੁੱਝ ਕੇ ਗ਼ਲਤ ਦੋਸ਼ ਲਗਾ ਰਹੇ ਹਨ | ਮੰਤਰੀ ਨੇ ਹੀ ਉਨ੍ਹਾਂ ਨੂੰ ਪੱਥਰ ਲੈ ਜਾਣ ਲਈ ਕਿਹਾ ਸੀ | ਜਦੋਂ ਕਿਹਾ ਜਾਵੇਗਾ ਉਹ ਨੀਂਹ ਪੱਥਰ ਮੋੜ ਦੇਣਗੇ | ਜਦਕਿ ਮੰਤਰੀ ਦਾ ਕਹਿਣਾ ਸੀ ਕਿ ਸਾਰੇ ਮਿਲ ਕੇ ਵਿਕਾਸ ਦੇ ਕੰਮ ਕਰਵਾਉਣ | ਦੂਜੇ ਪਾਸੇ ਵਾਰਡ ਨੰਬਰ-49 ਤੋਂ ਕਾਂਗਰਸ ਕÏਾਸਲਰ ਨੇਹਾ ਮਿੰਟੂ ਨੇ ਸੀਨੀਅਰ ਕਾਂਗਰਸੀ ਆਗੂ ਅਤੇ ਹਲਕਾ ਇੰਚਾਰਜ ਸੁਰਿੰਦਰ ਕÏਰ ਨਾਲ ਮਿਲ ਕੇ ਵਿਕਾਸ ਕਾਰਜਾਂ ਦਾ ਉਦਘਾਟਨ ਕੀਤਾ, ਇਸ ਤੋਂ ਪਹਿਲਾਂ ਕੈਬਨਿਟ ਮੰਤਰੀ ਮਹਿੰਦਰ ਭਗਤ ਅਤੇ ਮੇਅਰ ਵਿਨੀਤ ਧੀਰ ਇਨ੍ਹਾਂ ਦਾ ਉਦਘਾਟਨ ਕਰਨਾ ਸੀ | ਇਸ ਦÏਰਾਨ, ਇਲਾਕਾ ਕÏਾਸਲਰ ਨੇਹਾ ਮਿੰਟੂ ਨੇ ਵੀ ਉਦਘਾਟਨ ਪੱਥਰ 'ਤੇ ਆਪਣਾ ਨਾਂਅ ਗ਼ਲਤ ਲਿਖਣ 'ਤੇ ਇਤਰਾਜ਼ ਜਤਾਇਆ¢ਕÏਾਸਲਰ ਨੇਹਾ ਤੇ ਉਨ੍ਹਾਂ ਦੇ ਪਤੀ ਯੂਥ ਕਾਂਗਰਸ ਆਗੂ ਸ਼ਾਲੂ ਜਰੇਵਾਲ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਦੀ ਸਰਕਾਰ ਜਾਣਬੁੱਝ ਕੇ ਵਿਰੋਧੀ ਪਾਰਟੀਆਂ ਦੇ ਕÏਾਸਲਰਾਂ ਨਾਲ ਧੱਕੇਸ਼ਾਹੀ ਕਰ ਰਹੀ ਹੈ¢ | ਉਨ੍ਹਾਂ ਕਿਹਾ ਕਿ ਪਹਿਲਾਂ ਇੱਕ ਉਦਘਾਟਨ ਹੋਇਆ ਸੀ, ਪਰ ਹਾਰੇ ਹੋਏ ਉਮੀਦਵਾਰ ਦਾ ਨਾਮ ਸ਼ਾਮਲ ਕੀਤਾ ਗਿਆ ਸੀ¢ ਇਸ ਲਈ ਜਦੋਂ ਉਨ੍ਹਾਂ ਨੂੰ ਸੋਮਵਾਰ ਨੂੰ ਪਤਾ ਲੱਗਾ ਕਿ ਉਨ੍ਹਾਂ ਦੇ ਇਲਾਕੇ ਵਿਚ ਇੱਕ ਉਦਘਾਟਨ ਹੋਣ ਜਾ ਰਿਹਾ ਹੈ, ਤਾਂ ਉਨ੍ਹਾਂ ਨੇ ਕੱਲ੍ਹ ਇਲਾਕਾ ਨਿਵਾਸੀਆਂ ਨਾਲ ਇਕ ਮੀਟਿੰਗ ਕੀਤੀ ਅਤੇ ਫ਼ੈਸਲਾ ਕੀਤਾ ਕਿ ਉਹ ਖ਼ੁਦ ਇਸ ਦਾ ਉਦਘਾਟਨ ਕਰਨਗੇ | ਇਲਾਕਾ ਇੰਚਾਰਜ ਸੁਰਿੰਦਰ ਕÏਰ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਇੱਕ ਗ਼ਲਤ ਪ੍ਰਥਾ ਸ਼ੁਰੂ ਕੀਤੀ ਹੈ | ਹਾਰੇ ਹੋਏ ਉਮੀਦਵਾਰਾਂ ਦੇ ਨਾਂਅ ਉਦਘਾਟਨ ਪੱਥਰ 'ਤੇ ਲਿਖੇ ਜਾ ਰਹੇ ਹਨ, ਜਿਹੜਾ ਸਹੀ ਨਹੀਂ ਹੈ | ਕਾਂਗਰਸ ਨੇ ਕਦੇ ਵੀ ਇਸ ਤਰ੍ਹਾਂ ਦੀ ਸਿਆਸਤ ਨਹੀਂ ਕੀਤੀ |