ਜਲੰਧਰ, 4 ਫਰਵਰੀ (ਚੰਦੀਪ ਭੱਲਾ)-ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਵਲੋਂ 5 ਫਰਵਰੀ ਤੋਂ 7 ਫਰਵਰੀ ਤੱਕ ਕੰਮਕਾਜ ਠੱਪ ਰੱਖਣ (ਨੋ ਵਰਕ ਡੇਅ) ਦਾ ਐਲਾਨ ਕੀਤਾ ਗਿਆ ਹੈ | ਕਾਰਜਕਾਰੀ ਪ੍ਰਧਾਨ ਰਾਮ ਛਾਬੜਾ ਅਤੇ ਸਕੱਤਰ ਰੋਹਿਤ ਗੰਭੀਰ ਨੇ ਦੱਸਿਆ ਕਿ ਇਸ ਸੰਬੰਧੀ ਅੱਜ ਸ਼ਾਮ ਇੱਕ ਅਹਿਮ ਮੀਟਿੰਗ ਕੀਤੀ ਗਈ ਸੀ ਜਿਸ ਵਿਚ ਅਦਾਲਤਾਂ 'ਚ ਛੋਟੀਆਂ ਤਰੀਕਾਂ ਪੈਣੀਆਂ, ਕਾਨੂੰਨੀ ਸਹਾਇਤਾ ਬਚਾਅ ਸਲਾਕਾਰ (ਐਲ.ਏ.ਡੀ.ਸੀ.) ਰੱਖਣਾ ਤੇ ਗ੍ਰਾਮੀਨ ਨਿਆਲਿਆ ਦੇ ਮੁੱਦੇ ਇੱਕਜੁੱਟ ਹੋ ਕੇ ਚੁੱਕੇ ਗਏ | ਉਨ੍ਹਾਂ ਕਿਹਾ ਕਿ ਗ੍ਰਾਮੀਨ ਨਿਆਲਿਆ ਨਾਲ ਸ਼ਹਿਰ ਦੇ ਵਕੀਲਾਂ ਦਾ ਕੰਮ ਬਿਲਕੁੱਲ ਠੱਪ ਹੋ ਜਾਵੇਗਾ | ਇਸੇ ਤਹਿਤ ਪੰਜਾਬ ਭਰ ਦੀਆਂ ਬਾਰ ਨੇ ਫੈਸਲਾ ਲਿਆ ਕਿ ਇਸ ਦੇ ਵਿਰੋਧ 'ਚ 5 ਫਰਵਰੀ, 6 ਤੇ 7 ਫਰਵਰੀ ਨੂੰ ਕੰਮਕਾਜ ਠੱਪ ਰੱਖਣਗੇ ਤੇ ਰੋਸ ਵਿਖਾਵੇ ਕਰਨਗੇ |