ਜਲੰਧਰ, 27 ਮਾਰਚ (ਸ਼ਿਵ)-ਜਾਇਦਾਦ ਕਰ ਦੀ ਅਦਾਇਗੀ ਨਾ ਕਰਨ ਵਾਲੇ ਅਦਾਰਿਆਂ ਦੀ ਸੀਲਿੰਗ ਦਾ ਕੰਮ ਨਿਗਮ ਵਲੋਂ ਜਾਰੀ ਹੈ ਤੇ ਅੱਜ ਨਿਗਮ ਦੀ ਪ੍ਰਾਪਰਟੀ ਟੈਕਸ ਵਿਭਾਗ ਦੀ ਟੀਮ ਵਲੋਂ ਅਰਬਨ ਅਸਟੇਟ 66 ਫੁੱਟੀ ਰੋਡ, ਪ੍ਰੀਤ ਨਗਰ ਲਾਡੋਵਾਲੀ ਰੋਡ 'ਤੇ 4 ਜਾਇਦਾਦਾਂ ਸੀਲ ਕਰਨ ਦੀ ਕਾਰਵਾਈ ਕੀਤੀ | ਸੀਲਿੰਗ ਦੀ ਕਾਰਵਾਈ ਦੌਰਾਨ ਸੁਪਰਡੈਂਟ ਮਹੀਪ ਸਰੀਨ, ਰਾਜੀਵ ਰਿਸ਼ੀ ਤੇ ਭੁਪਿੰਦਰ ਸਿੰਘ ਬੜਿੰਗ ਮੌਜੂਦ ਸਨ | ਟੀਮ ਨੇ ਦੱਸਿਆ ਕਿ ਵਿਭਾਗ ਵਲੋਂ ਡਿਫਾਲਟਰਾਂ ਨੂੰ ਨੋਟਿਸ ਜਾਰੀ ਕੀਤੇ ਗਏ ਸਨ | ਮੇਅਰ ਤੇ ਕਮਿਸ਼ਨਰ ਦੀਆਂ ਹਦਾਇਤਾਂ 'ਤੇ ਸ਼ਨਿਚਰਵਾਰ ਅਤੇ ਐਤਵਾਰ ਨੂੰ ਵੀ ਲੋਕਾਂ ਦੀ ਸਹੂਲਤ ਲਈ ਪ੍ਰਾਪਰਟੀ ਟੈਕਸ ਵਿਭਾਗ ਦੇ ਦਫਤਰ ਖੁੱਲੇ੍ਹ ਰਹਿਣਗੇ | ਉਨਾਂ ਕਿਹਾ ਕਿ 20 ਫੀਸਦੀ ਜੁਰਮਾਨਾ ਤੇ 18 ਫੀਸਦੀ ਵਿਆਜ ਤੋਂ ਬਚਣ ਲਈ ਲੋਕਾਂ ਨੂੰ ਆਪਣਾ ਰਹਿੰਦਾ ਕਰ ਜਮਾਂ ਕਰਵਾਉਣ ਚਾਹੀਦਾ ਹੈ |
