ਜਲੰਧਰ

ਦਿਵਿਆ ਜੋਤੀ ਜਾਗਿ੍ਤੀ ਸੰਸਥਾਨ ਨੂਰਮਹਿਲ ਪਹੁੰਚੇ ਮਨੀਸ਼ ਸਿਸੋਦੀਆ ਤੇ ਦੀਪਕ ਬਾਲੀ <br/>

ਦਿਵਿਆ ਜੋਤੀ ਜਾਗਿ੍ਤੀ ਸੰਸਥਾਨ ਪਹੁੰਚੇ ਮਨੀਸ਼ ਸਿਸੋਦੀਆ, ਦੀਪਕ ਬਾਲੀ ਨਾਲ ਸਵਾਮੀ ਸਜਨਾਨੰਦ, ਸਵਾਮੀ ਪਰਮਾਨੰਦ, ਸਵਾਮੀ ਗਿਰਿਧਰਾਨੰਦ, ਡੀ. ਐਸ. ਪੀ. ਓਾਕਾਰ ਸਿੰਘ ਬਰਾੜ ਤੇ ਹੋਰ | ਅਜੀਤ ਤਸਵੀਰ <br/> 08-04-2026

ਜਲੰਧਰ, 7 ਅਪ੍ਰੈਲ (ਸ਼ੈਲੀ)-ਦਿੱਲੀ ਦੇ ਸਾਬਕਾ ਉਪ ਮੁੱਖ ਮੰਤਰੀ ਤੇ ਆਮ ਆਦਮੀ ਪਾਰਟੀ ਦੇ ਪੰਜਾਬ ਪ੍ਰਭਾਰੀ ਮਨੀਸ਼ ਸਿਸੋਦੀਆ ਅਤੇ ਪੰਜਾਬ ਟੂਰਿਜ਼ਮ ਬੋਰਡ ਦੇ ਸਲਾਹਕਾਰ ਦੀਪਕ ਬਾਲੀ ਦਿਵਿਆ ਜੋਤੀ ਜਾਗਿ੍ਤੀ ਸੰਸਥਾਨ ਨੂਰਮਹਿਲ ਵਿਖੇ ਪਹੁੰਚੇ | ਇਸ ਮੌਕੇ ਉਨ੍ਹਾਂ ਨੇ ਸੰਸਥਾਨ ਦੇ ਪਰਿਸਰ ਦਾ ਦੌਰਾ ਕਰਦਿਆਂ ਉਥੇ ਚੱਲ ਰਹੀਆਂ ਵੱਖ-ਵੱਖ ਆਧਿਆਤਮਿਕ, ਸਮਾਜਿਕ ਤੇ ਸੇਵਾ-ਆਧਾਰਿਤ ਗਤੀਵਿਧੀਆਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਪ੍ਰਾਪਤ ਕੀਤੀ | ਦੌਰੇ ਦੌਰਾਨ ਉਨ੍ਹਾਂ ਨੇ ਕਾਮਧੇਨੁ ਗੌਸ਼ਾਲਾ, ਜੈਵਿਕ ਖੇਤੀ, ਦਿਵਿਆ ਸਰੋਵਰ ਤੇ ਦਿਵਿਆ ਦਰਸ਼ਨ ਭਵਨ ਦਾ ਵੀ ਦੌਰਾ ਕੀਤਾ | ਇਸ ਤੋਂ ਇਲਾਵਾ ਸੰਸਥਾਨ ਵਲੋਂ ਸਮਾਜ ਹਿਤ ਵਿਚ ਚਲਾਏ ਜਾ ਰਹੇ ਕਈ ਪ੍ਰੇਰਣਾਦਾਇਕ ਪ੍ਰਾਜੈਕਟਾਂ ਬਾਰੇ ਵੀ ਜਾਣਕਾਰੀ ਲਈ | ਖਾਸ ਤੌਰ 'ਤੇ ਉਨ੍ਹਾਂ ਨੇ 'ਅੰਤਰ ਕ੍ਰਾਂਤੀ' ਪਹਿਲ ਤਹਿਤ ਤਿਹਾੜ ਜੇਲ੍ਹ ਦੇ ਕੈਦੀਆਂ ਵਲੋਂ ਫੁੱਲਾਂ ਤੋਂ ਤਿਆਰ ਕੀਤੇ ਜਾ ਰਹੇ ਰੰਗਾਂ ਤੇ ਨੇਤਰਹੀਣਾਂ ਵਲੋਂ ਬਣਾਈਆਂ ਮੋਮਬੱਤੀਆਂ ਤੇ ਸਾਬਣਾਂ ਨੂੰ ਦੇਖਿਆ ਅਤੇ ਇਨ੍ਹਾਂ ਉਪਰਾਲਿਆਂ ਦੀ ਖੂਬ ਸਰਾਹਨਾ ਕੀਤੀ | ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਦਿਵਿਆ ਜੋਤੀ ਜਾਗਿ੍ਤੀ ਸੰਸਥਾਨ ਆਧਿਆਤਮਿਕ ਜਾਗਰੂਕਤਾ ਦੇ ਨਾਲ-ਨਾਲ ਸਮਾਜਿਕ ਉਤਥਾਨ, ਸਿੱਖਿਆ, ਸਵਾਲੰਬਨ ਤੇ ਪਰਿਆਵਰਣ ਸੰਰੱਖਣ ਦੇ ਖੇਤਰ ਵਿਚ ਬੇਹੱਦ ਸਰਾਹਣਯੋਗ ਕੰਮ ਕਰ ਰਿਹਾ ਹੈ | ਇਸ ਦੌਰਾਨ ਉਨ੍ਹਾਂ ਨੇ ਸਵਾਮੀ ਪਰਮਾਨੰਦ, ਸਵਾਮੀ ਗਿਰਿਧਰਾਨੰਦ ਤੇ ਸਵਾਮੀ ਸੱਜਨਾਨੰਦ ਨਾਲ ਵਿਚਾਰ-ਵਟਾਂਦਰਾ ਕੀਤਾ | ਇਸ ਮੌਕੇ ਉਨ੍ਹਾਂ ਨੇ ਸੰਸਥਾਨ ਵਲੋਂ ਮਨੁੱਖਤਾ, ਸੇਵਾ ਤੇ ਰਾਸ਼ਟਰ ਨਿਰਮਾਣ ਲਈ ਕੀਤੇ ਜਾ ਰਹੇ ਕੰਮਾਂ ਦੀ ਪ੍ਰਸ਼ੰਸਾ ਕੀਤੀ |

ਪਿਛਲੀ ਖ਼ਬਰ ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਮਾਡਲ ਟਾਊਨ ਜਲੰਧਰ ਵਿਖੇ ਗੁਰੂ ਤੇਗ਼ ਬਹਾਦਰ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਕਰਵਾਇਆ ਕਵੀ... ਅਗਲੀ ਖ਼ਬਰ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਅਮੀਰੀ ਖੇੜਾ 'ਚ ਸਮਾਗਮ

ਦਿਵਿਆ ਜੋਤੀ ਜਾਗਿ੍ਤੀ ਸੰਸਥਾਨ ਨੂਰਮਹਿਲ ਪਹੁੰਚੇ ਮਨੀਸ਼ ਸਿਸੋਦੀਆ ਤੇ ਦੀਪਕ ਬਾਲੀ <br/>

ਸੰਬੰਧਿਤ ਖ਼ਬਰਾਂ