ਸ਼ਾਹਕੋਟ, 8 ਅਪ੍ਰੈਲ (ਸੁਖਦੀਪ ਸਿੰਘ)-ਭਗਵਾਨ ਵਾਲਮੀਕਿ ਮੰਦਰ ਕਮੇਟੀ ਮੁਹੱਲਾ ਬਾਗਵਾਲਾ ਸ਼ਾਹਕੋਟ ਵਲੋਂ ਸੰਗਤਾਂ ਦੇ ਸਹਿਯੋਗ ਨਾਲ ਡਾ. ਭੀਮ ਰਾਓ ਅੰਬੇਡਕਰ ਦੇ 135ਵੇਂ ਜਨਮ ਦਿਨ ਨੂੰ ਸਮਰਪਿਤ 24ਵਾਂ ਮਹਾਨ ਕੀਰਤਨ ਦਰਬਾਰ 14 ਅਪ੍ਰੈਲ ਨੂੰ ਭਗਵਾਨ ਵਾਲਮੀਕਿ ਜੀ ਮੰਦਰ ਮੁਹੱਲਾ ਬਾਗਵਾਲਾ ਸ਼ਾਹਕੋਟ ਵਿਖੇ ਕਰਵਾਇਆ ਜਾ ਰਿਹਾ ਹੈ | ਤਿਆਰੀਆਂ ਸੰਬੰਧੀ ਮੀਟਿੰਗ ਦੌਰਾਨ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਦਿਆਲਾ ਗਿੱਲ, ਸਕੱਤਰ ਸੰਨੀ ਥਾਪਰ ਤੇ ਖਜ਼ਾਨਚੀ ਸੋਮ ਨਾਥ ਨੇ ਦੱਸਿਆ ਕਿ 14 ਅਪ੍ਰੈਲ ਨੂੰ ਡਾ. ਅੰਬੇਡਕਰ ਦੇ ਜਨਮ ਦਿਨ ਮੌਕੇ ਸ਼ਾਮ 6 ਵਜੇ ਤੋਂ ਅਤੁੱਟ ਲੰਗਰ ਵਰਤੇਗਾ ਅਤੇ ਰਾਤ 9 ਵਜੇ ਕੀਰਤਨ ਦਰਬਾਰ ਹੋਵੇਗਾ, ਜਿਸ ਵਿਚ ਵੀਰ ਗੌਰਵ ਮੀਤ (ਪਰਜੀਆਂ ਵਾਲੇ) ਕੀਰਤਨ ਰਾਹੀਂ ਸੰਗਤਾਂ ਨੂੰ ਨਿਹਾਲ ਕਰਨਗੇ | ਇਸ ਮੌਕੇ ਕਈ ਪ੍ਰਮੁੱਖ ਸ਼ਖ਼ਸੀਅਤਾਂ ਵੀ ਹਾਜ਼ਰੀ ਲਗਵਾਉਣਗੀਆਂ | ਇਸ ਮੌਕੇ ਰੌਮੀ ਗਿੱਲ ਸਾਬਕਾ ਐਮ. ਸੀ., ਹੰਸ ਰਾਜ ਨੰਬਰਦਾਰ, ਰਵੀ ਸਹੋਤਾ, ਅਜੈ ਨਾਹਰ, ਹਰਸ਼ ਮੱਟੂ, ਕੁਮਾਰ ਨਾਹਰ, ਨਵੀਨ ਸਿੱਧੂ, ਗੌਰੀ ਮੱਟੂ, ਸੁਖਦੇਵ ਥਾਪਰ, ਗੌਰਾ ਗਿੱਲ, ਮਾਂਡੀ ਯੂ. ਕੇ., ਸੰਦੀਪ ਥਾਪਰ ਆਦਿ ਹਾਜ਼ਰ ਸਨ |
