ਦੁਸਾਂਝ ਕਲਾਂ, 10 ਅਪ੍ਰੈਲ (ਰਾਮ ਪ੍ਰਕਾਸ਼ ਟੋਨੀ)-ਕਰੀਬੀ ਪਿੰਡ ਸਰਹਾਲ ਮੁੰਡੀ ਕੋਲ ਇਕ ਛੋਟਾ ਹਾਥੀ ਨੰਬਰ ਪੀ. ਬੀ. 0 8 ਈ ਐਨ 087 ਪਲਟਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਮੌਕੇ 'ਤੇ ਹਾਜ਼ਰ ਰਾਹਗੀਰਾਂ ਨੇ ਦੱਸਿਆ ਕਿ ਦੁਸਾਂਝ ਕਲਾਂ ਵਲੋਂ ਇਕ ਛੋਟਾ ਹਾਥੀ ਮੁਕੰਦਪੁਰ ਸਾਈਡ ਨੂੰ ਜਾ ਰਿਹਾ ਸੀ | ਸਰਹਾਲ ਮੁੰਡੀ ਕੋਲ ਜਾ ਕੇ ਛੋਟਾ ਹਾਥੀ ਸੜਕ ਤੋਂ ਹੇਠਾਂ ਉਤਰ ਗਿਆ | ਜਦੋਂ ਡਰਾਇਵਰ ਸੜਕ 'ਤੇ ਚੜਾਉਣ ਲੱਗਾ ਤਾਂ ਸੜਕ ਉੱਚੀ ਹੋਣ ਕਰਕੇ ਛੋਟੇ ਹਾਥੀ ਖੱਬੇ ਪਾਸੇ ਨੂੰ ਪਲਟ ਗਿਆ | ਰਾਹਗੀਰਾਂ ਨੇ ਦੱਸਿਆ ਕਿ ਜਾਨੀ ਮਾਲੀ ਨੁਕਸਾਨ ਤੋਂ ਬਚਾਅ ਹੋ ਗਿਆ |
