ਜਲੰਧਰ

ਉਦਯੋਗਪਤੀਆਂ ਨੇ ਮਹੀਨਾਵਾਰੀ ਮੀਟਿੰਗਾਂ ਦੌਰਾਨ ਉਦਯੋਗਾਂ ਨਾਲ ਜੁੜੇ ਮਸਲਿਆਂ 'ਤੇ ਕੀਤੀ ਚਰਚਾ <br/>

ਅ

ਅਜੀਤ ਡੈਸਕ 26-04-2026

ਜਲੰਧਰ, 25 ਅਪ੍ਰੈਲ (ਜਤਿੰਦਰ ਪੰਮੀ)-ਜਲੰਧਰ ਇੰਡਸਟਰੀਅਲ ਐਂਡ ਟਰੇਡਰਜ਼ ਜੁਆਇੰਟ ਐਕਸ਼ਨ ਕਮੇਟੀ ਦੀ ਮਾਸਿਕ ਮੀਟਿੰਗ ਕੀਤੀ | ਮੀਟਿੰਗ ਦੀ ਪ੍ਰਧਾਨਗੀ ਗੁਰਸਰਨ ਸਿੰਘ, ਗੁਰਬਖਸ਼ ਸਿੰਘ ਜੁਨੇਜਾ, ਮਨੀਸ਼ ਕਵਾਤੜਾ, ਜਸਵਿੰਦਰ ਸਿੰਘ ਤੇ ਅਸ਼ੋਕ ਮਾਗੋ ਨੇ ਕੀਤੀ ਜਦ ਕਿ ਸੰਚਾਲਨ ਰਾਜੂ ਵੀਰਕ ਵਲੋਂ ਕੀਤਾ | ਪ੍ਰਧਾਨ ਗੁਰਸ਼ਰਨ ਸਿੰਘ ਨੇ ਐਸੋਸੀਏਸ਼ਨ ਦੀਆਂ ਮਾਸਿਕ ਗਤੀਵਿਧੀਆਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ | ਉਨ੍ਹਾਂ ਨੇ ਹਾਲ ਹੀ ਵਿਚ ਕੈਬਨਿਟ ਮੰਤਰੀ ਸੰਜੀਵ ਅਰੋੜਾ ਨਾਲ ਹੋਈ ਮਹੱਤਵਪੂਰਨ ਮੀਟਿੰਗ ਬਾਰੇ ਵੀ ਜਾਣਕਾਰੀ ਸਾਂਝੀ ਕੀਤੀ | ਉਕਤ ਮੀਟਿੰਗ 'ਚ ਕੈਬਨਿਟ ਮੰਤਰੀ ਨਾਲ ਉਦਯੋਗ ਨਾਲ ਸੰਬੰਧਤ ਵੱਖ-ਵੱਖ ਮਸਲਿਆਂ 'ਤੇ ਵਿਚਾਰ-ਵਟਾਂਦਰਾ ਕੀਤਾ | ਇਸ ਤੋਂ ਇਲਾਵਾ ਮੈਂਬਰਾਂ ਵਲੋਂ ਯੂਨੀਕ ਹੋਮ ਵਿਚ ਕੀਤੇ ਗਏ ਦੌਰੇ ਦਾ ਵੀ ਜ਼ਿਕਰ ਕੀਤਾ, ਜਿਸ ਨਾਲ ਆਪਸੀ ਭਾਈਚਾਰੇ ਤੇ ਸਮਾਜਿਕ ਸਰੋਕਾਰਾਂ ਨੂੰ ਹੋਰ ਮਜ਼ਬੂਤੀ ਮਿਲੀ | ਚੰਡੀਗੜ੍ਹ ਵਿਚ ਬਿਜਲੀ ਦਰਾਂ (ਟੈਰਿਫ) ਦੀ ਆਡਿਟ ਰਿਪੋਰਟ 'ਤੇ ਚਰਚਾ ਲਈ ਹੋਈ ਮੀਟਿੰਗ ਬਾਰੇ ਵੀ ਦੱਸਿਆ, ਜਿਸ ਵਿਚ ਉਦਯੋਗਾਂ 'ਤੇ ਪੈਣ ਵਾਲੇ ਪ੍ਰਭਾਵਾਂ ਉਪਰ ਵੀ ਵਿਚਾਰ ਕੀਤਾ | ਮੀਟਿੰਗ ਵਿਚ ਹੋਰ ਮਹੱਤਵਪੂਰਨ ਮਸਲਿਆਂ 'ਤੇ ਵੀ ਚਰਚਾ ਕੀਤੀ ਗਈ, ਜਿਨ੍ਹਾਂ ਦੇ ਹੱਲ ਲਈ ਸਾਂਝੇ ਉਪਰਾਲਿਆਂ 'ਤੇ ਜ਼ੋਰ ਦਿੱਤਾ | ਇਸ ਮੌਕੇ ਰਾਕੇਸ਼ ਬਹਿਲ, ਸੰਜੀਵ ਢੀਂਗਰਾ, ਸੁਰਜੀਤ ਚੋਪੜਾ, ਨਵੀਨ ਜੈਨ, ਹਰਦੀਪ, ਹਰਭਜਨ ਸੈਣੀ, ਏ. ਐਸ. ਰਾਜਪਾਲ, ਅਮਰਜੀਤ ਚੱਢਾ ਤੇ ਹੋਰ ਕਈ ਮੈਂਬਰ ਹਾਜ਼ਰ ਸਨ |

ਪਿਛਲੀ ਖ਼ਬਰ ਗੁਰਦੁਆਰਾ ਗੁਰਦੇਵ ਨਗਰ ਤੋਂ ਸਜਾਈ ਸਬਦ ਚੌਂਕੀ ਦੌਰਾਨ ਸੰਗਤ ਨੇ ਗੁਰੂ ਅਮਰਦਾਸ ਜੀ ਦੀ ਉਸਤਤਿ ਵਿਚ ਗਾਇਨ ਕੀਤੇ ਸ਼ਬਦ... ਅਗਲੀ ਖ਼ਬਰ ਐਲ. ਕੇ. ਸੀ. ਟੀ. ਸੀ. ਦੇ ਸਕੂਲ ਆਫ ਮੈਨੇਜਮੈਂਟ ਵਲੋਂ ਵਿਦਾਇਗੀ ਸਮਾਰੋਹ <br/>

ਉਦਯੋਗਪਤੀਆਂ ਨੇ ਮਹੀਨਾਵਾਰੀ ਮੀਟਿੰਗਾਂ ਦੌਰਾਨ ਉਦਯੋਗਾਂ ਨਾਲ ਜੁੜੇ ਮਸਲਿਆਂ 'ਤੇ ਕੀਤੀ ਚਰਚਾ <br/>

ਸੰਬੰਧਿਤ ਖ਼ਬਰਾਂ