ਜਲੰਧਰ, 15 ਮਈ (ਪਵਨ ਖਰਬੰਦਾ)-ਜ਼ਿਲ੍ਹਾ ਕਾਂਗਰਸ ਕਮੇਟੀ ਸ਼ਹਿਰੀ ਦੇ ਪ੍ਰਧਾਨ ਅਤੇ ਸਾਬਕਾ ਵਿਧਾਇਕ ਰਜਿੰਦਰ ਬੇਰੀ ਵਲੋਂ ਏ ਡੀ ਸੀ ਪੀ ਟਰੈਫ਼ਿਕ ਗੁਰਬਾਜ਼ ਸਿੰਘ ਨਾਲ ਮੁਲਾਕਾਤ ਕੀਤੀ | ਇਸ ਦੌਰਾਨ ਉਨ੍ਹਾਂ ਨੇ ਚੁੰਨ ਮੁੰਨ ਚੌਂਕ ਵਿਖੇ ਰੋਜ਼ਾਨਾ ਹੋ ਰਹੇ ਭਿਆਨਕ ਹਾਦਸਿਆਂ ਦਾ ਮੁੱਦਾ ਚੁੱਕਿਆ | ਉਨ੍ਹਾਂ ਮੰਗ ਕੀਤੀ ਕਿ ਕਿ ਚੁੰਨ ਮੁੰਨ ਚੌਂਕ ਵਿਖੇ ਜਾਂ ਤਾਂ ਸਪੀਡ ਬ੍ਰੇਕਰ ਲਗਵਾਏ ਜਾਣ ਜਾਂ ਟਰੈਫਿਕ ਮੁਲਾਜਮਾਂ ਦੀ ਡਿਊਟੀ ਲਗਾਈ ਜਾਵੇ | ਹਾਦਸਿਆਂ ਕਾਰਨ ਕਈ ਜਾਨੀ ਨੁਕਸਾਨ ਹੋ ਚੁੱਕੇ ਹਨ | ਬੱਸ ਸਟੈਂਡ ਵਲੋਂ ਆਉਣ ਵਾਲੀਆਂ ਬੱਸਾਂ ਇਸ ਚੌਂਕ ਵਿੱਚੋ ਬਹੁਤ ਹੀ ਸਪੀਡ ਨਾਲ ਨਿਕਲਦੀਆਂ ਹਨ | ਉਨ੍ਹਾਂ ਕਿਹਾ ਕਿ ਬੀਤੇ ਕੁਝ ਸਮੇਂ ਇਸ ਚੌਂਕ 'ਚ ਲਗਾਤਾਰ ਭਿਆਨਕ ਹਾਦਸੇ ਹੋ ਰਹੇ ਹਨ | ਉਨ੍ਹਾਂ ਮੰਗ ਕੀਤੀ ਕਿ ਲੋਕਾਂ ਨੂੰ ਆ ਰਹੀ ਇਸ ਸਮੱਸਿਆ ਦਾ ਪਹਿਲ ਦੇ ਆਧਾਰ 'ਤੇ ਹੱਲ੍ਹ ਕੀਤਾ ਜਾਵੇ | ਇਸ ਮੌਕੇ ਉਨਾਂ ਨਾਲ ਅਰੁਣ ਸਹਿਗਲ, ਮਨਮੋਹਨ ਸਿੰਘ ਬਿੱਲਾ , ਸਤਪਾਲ ਮਿੱਕਾ, ਪ੍ਰਸ਼ਾਂਤ ਕੋਹਲੀ, ਗੁਲਸ਼ਨ ਮਿੱਡਾ, ਮਨੀਸ਼ ਪਾਹਵਾ, ਮੁਖਤਿਆਰ ਅਹਿਮਦ ਅੰਸਾਰੀ, ਸਮੀਰ ਚਿਸ਼ਤੀ, ਨਿਤਿਨ ਅਰੋੜਾ, ਕਰਨ ਅਰੋੜਾ ਅਤੇ ਮਨਦੀਪ ਕੁਮਾਰ ਮੌਜੂਦ ਸਨ |
