ਨਕੋਦਰ, 15 ਮਈ (ਤਿਲਕ ਰਾਜ ਸ਼ਰਮਾ, ਗੁਰਵਿੰਦਰ ਸਿੰਘ)-ਨਗਰ ਕੌਂਸਲ ਨਕੋਦਰ ਦੀਆਂ ਚੋਣਾਂ ਲਈ ਨਾਮਜ਼ਦਗੀ ਫਾਰਮ ਭਰਨ ਦੇ ਦੂਜੇ ਦਿਨ ਸ਼ਹਿਰ ਦੇ ਵੱਖ-ਵੱਖ ਵਾਰਡਾਂ 'ਚੋਂ ਆਮ ਆਦਮੀ ਪਾਰਟੀ, ਭਾਜਪਾ, ਕਾਂਗਰਸ ਅਤੇ ਆਜ਼ਾਦ ਉਮੀਦਵਾਰਾਂ ਵਲੋਂ ਨਾਮਜ਼ਦਗੀ ਫਾਰਮ ਭਰਨ 'ਚ ਤੇਜ਼ੀ ਵਿਖਾਈ ਦਿੱਤੀ | 14 ਮਈ ਦੂਜੇ ਦਿਨ ਭਾਵੇਂ 4 ਹੀ ਉਮੀਦਵਾਰਾਂ ਨੇ ਆਪਣੇ ਨਾਮਜ਼ਦਗੀ ਫਾਰਮ ਭਰੇ ਸਨ ਪਰ 15 ਮਈ ਤੀਜੇ ਦਿਨ 51 ਉਮੀਦਵਾਰਾਂ ਨੇ ਆਪਣੇ ਨਾਮਜ਼ਦਗੀ ਦੇ ਫਾਰਮ ਭਰੇ, ਜਿਨ੍ਹਾਂ ਦੀ ਅੱਜ ਤੱਕ ਕੁੱਲ ਗਿਣਤੀ 55 ਹੋ ਗਈ ਹੈ | ਆਮ ਆਦਮੀ ਪਾਰਟੀ ਵਲੋਂ ਵਾਰਡ ਨੰਬਰ 2 'ਚ ਪ੍ਰਦੀਪ ਸ਼ੇਰਪੁਰ, ਵਾਰਡ ਨੰਬਰ 1 'ਚ ਕੁਲਵਿੰਦਰ ਕੌਰ, ਵਾਰਡ ਨੰਬਰ 16 'ਚ ਰਮੇਸ਼ ਸੌਂਧੀ ਸਾਬਕਾ ਐਮ.ਸੀ., ਵਾਰਡ ਨੰਬਰ 5 'ਚ ਸਿਮਰਨਜੀਤ ਕੌਰ ਸਰੀਂਹ, ਵਾਰਡ ਨੰਬਰ 10 'ਚ ਅਮਰੀਕ ਥਿੰਦ, ਵਾਰਡ ਨੰਬਰ 7 'ਚ ਗੀਤਾ ਬਸਰਾ, ਵਾਰਡ ਨੰਬਰ 11 'ਚ ਰਾਜਰਾਣੀ, ਵਾਰਡ ਨੰਬਰ 9 'ਚ ਸਰਬਜੀਤ ਕੌਰ ਤੇ ਵਾਰਡ ਨੰਬਰ 13 'ਚ ਪੂਨਮ ਸ਼ਰਮਾ ਨੇ ਆਪਣੇ ਨਾਮਜ਼ਦਗੀ ਫਾਰਮ ਦਾਖਲ ਕਰਵਾਏ | ਕਾਂਗਰਸ ਪਾਰਟੀ ਵਲੋਂ ਅੱਜ ਵਾਰਡ ਨੰ. 15 'ਚ ਏਕਤਾ ਜੈਨ ਅਤੇ ਵਾਰਡ ਨੰਬਰ 14 'ਚ ਨਿਸ਼ਾ ਨੇ ਨਾਮਜ਼ਦਗੀ ਫਾਰਮ ਭਰੇ | ਬਸਪਾ ਸਮਰਥਕ ਆਜ਼ਾਦ ਉਮੀਦਵਾਰਾਂ 'ਚ ਵਾਰਡ ਨੰਬਰ 8 'ਚ ਜਸਵਿੰਦਰ ਕੁਮਾਰ, ਵਾਰਡ ਨੰਬਰ 9 'ਚ ਸੁਖਵਿੰਦਰ ਕੌਰ, ਵਾਰਡ ਨੰਬਰ 10 'ਚ ਸਰਬਜੀਤ ਕੌਰ ਅਤੇ ਵਾਰਡ ਨੰਬਰ 1 'ਚ ਰਜਨੀ ਨੇ ਫਾਰਮ ਭਰੇ | ਭਾਰਤੀਯ ਜਨਤਾ ਪਾਰਟੀ ਨੇ ਅੱਜ 9 ਉਮੀਦਵਾਰ ਮੈਦਾਨ 'ਚ ਉਤਾਰੇ, ਜਿਨ੍ਹਾਂ ਨੇ ਆਪਣੇ ਨਾਮਜ਼ਦਗੀ ਫਾਰਮ ਦਾਖਲ ਕੀਤੇ | ਇਨ੍ਹਾਂ 'ਚ ਵਾਰਡ ਨੰਬਰ 6 'ਚ ਅਦਿਤਯ ਭਟਾਰਾ ਸਾਬਕਾ ਪ੍ਰਧਾਨ ਨਗਰ ਕੌਂਸਲ, ਮਹਿਲਾ ਉਮੀਦਵਾਰ ਸੋਨਲ ਬਾਂਸਲ ਨੇ ਵਾਰਡ ਨੰਬਰ 5 'ਚ, ਰੋਹਿਤ ਜੈਨ ਨੇ ਵਾਰਡ ਨੰਬਰ 15 'ਚ ਤੇ ਨਰਿੰਦਰ ਕੁਮਾਰ ਨੇ ਵਾਰਡ ਨੰਬਰ 16 'ਚ ਨਾਮਜ਼ਦਗੀ ਫਾਰਮ ਭਰੇ |
