ਜਲੰਧਰ

ਮਲਸੀਆਂ ਬਾਈਪਾਸ ਦੇ ਭਾਰੀ ਵਾਹਨਾਂ ਲਈ ਅਸੁਰੱਖਿਅਤ ਐਲਾਨੇ ਪੁਲ 'ਤੋਂ ਲੰਘ ਰਹੇ ਨੇ ਭਾਰੀ ਵਾਹਨ <br/>

ਮਲਸੀਆਂ ਬਾਈਪਾਸ ਨੈਸ਼ਨਲ ਹਾਈਵੇ ਦੇ ਪੁਲ ਤੋਂ ਪਹਿਲਾਂ ਭਾਰੀ ਵਾਹਨਾਂ ਲਈ ਅਸੁਰੱਖਿਅਤ ਪੁਲ ਹੋਣ ਦੀ ਚੇਤਾਵਨੀ ਦਿੰਦਾ ਲਗਾਇਆ ਗਿਆ ਬੋਰਡ ਅਤੇ ਪੁਲ ਉੱਪਰੋਂ ਦੀ ਲੰਘਦੇ ਭਾਰੀ ਵਾਹਨ¢ ਤਸਵੀਰਾਂ: ਬਾਂਸਲ <br/> 20-05-2026

ਸ਼ਾਹਕੋਟ, 19 ਮਈ (ਬਾਂਸਲ)- ਜਲੰਧਰ-ਬਰਨਾਲਾ ਰਾਸ਼ਟਰੀ ਮਾਰਗ ਦੇ ਮਲਸੀਆਂ ਨੇੜੇ ਬਣੇ ਬਾਈਪਾਸ ਦੇ ਪੁਲ ਨੂੰ ਚੇਤਾਵਨੀ ਬੋਰਡ ਲਗਾ ਕੇ ਭਾਰੀ ਵਾਹਨਾਂ ਲਈ ਅਸੁਰੱਖਿਅਤ ਐਲਾਨਿਆ ਗਿਆ ਹੈ ਤੇ ਭਾਰੀ ਵਾਹਨ ਚਾਲਕਾਂ ਨੂੰ ਆਪਣੇ ਵਾਹਨ ਸਰਵਿਸ ਲੇਨ ਰਾਹੀਂ ਲੰਘਾਉਣ ਦੀ ਸਲਾਹ ਦਿੱਤੀ ਗਈ ਹੈ, ਪਰ ਲਗਾਇਆ ਗਿਆ ਇਹ ਚੇਤਾਵਨੀ ਬੋਰਡ ਉਚਿਤ ਥਾਂ 'ਤੇ ਨਾ ਲੱਗਾ ਹੋਣ ਕਾਰਨ ਵਾਹਨ ਚਾਲਕਾਂ ਦੀ ਨਜ਼ਰ ਨਹੀਂ ਪੈਂਦੀ ਤੇ ਉਹ ਆਪਣੇ ਵਾਹਨ ਪੁਲ ਦੇ ਉੱਤੋਂ ਦੀ ਹੀ ਲੰਘਾ ਰਹੇ ਹਨ¢ ਭਾਰੀ ਵਾਹਨਾਂ ਲਈ ਅਸੁਰੱਖਿਅਤ ਐਲਾਨੇ ਇਸ ਪੁਲ ਸਬੰਧੀ ਜਾਣਕਾਰੀ ਪੁਲ ਤੋਂ ਘੱਟੋ ਘੱਟ ਇੱਕ-ਦੋ ਕਿਲੋਮੀਟਰ ਪਹਿਲਾਂ ਦਿੱਤੀ ਜਾਣੀ ਬਣਦੀ ਹੈ ਤਾਂ ਕਿ ਵਾਹਨ ਚਾਲਕ ਇਸ ਚੇਤਾਵਨੀ ਦਾ ਪਾਲਣ ਕਰ ਸਕਣ¢ ਪਰ ਹਾਈਵੇਅ ਅਥਾਰਟੀ ਵੱਲੋਂ ਇਹ ਚੇਤਾਵਨੀ ਬੋਰਡ ਪੁਲ ਤੋਂ ਸਿਰਫ਼ 50-60 ਮੀਟਰ ਪਹਿਲਾਂ ਹੀ ਸੜਕ ਦੇ ਕਿਨਾਰੇ 'ਤੇ ਲਗਾਇਆ ਗਿਆ ਹੈ ਜਦਕਿ ਸਰਵਿਸ ਲੇਨ ਵੀ ਇਸ ਚੇਤਾਵਨੀ ਬੋਰਡ ਤੋਂ ਪਹਿਲਾਂ ਹੀ ਸ਼ੁਰੂ ਹੋ ਜਾਂਦੀ ਹੈ¢ ਅਜਿਹੇ ਵਿਚ ਭਾਰੀ ਵਾਹਨ ਚਾਲਕਾਂ ਦੀ ਨਜ਼ਰ ਚੇਤਾਵਨੀ ਬੋਰਡ 'ਤੇ ਨਾ ਪੈਣ ਕਰਕੇ ਉਹ ਅਣਜਾਣੇ ਵਿਚ ਅਸੁਰੱਖਿਅਤ ਪੁਲ ਦੇ ਉੱਪਰੋਂ ਹੀ ਆਪਣੇ ਵਾਹਨ ਲਿਜਾ ਰਹੇ ਹਨ¢ ਇੱਥੇ ਦੱਸਣਯੋਗ ਹੈ ਕਿ ਕਈ ਮਹੀਨੇ ਪਹਿਲਾਂ ਇਸ ਪੁਲ ਨੂੰ ਵਾਹਨਾਂ ਲਈ ਬੰਦ ਕਰ ਦਿੱਤਾ ਗਿਆ ਸੀ ਅਤੇ ਇਸ ਉੱਪਰ ਮੁਰੰਮਤ ਦਾ ਕੰਮ ਕੀਤਾ ਗਿਆ ਸੀ¢ ਬਾਅਦ ਵਿਚ ਇਸਨੂੰ ਖੋਲ੍ਹ ਦਿੱਤਾ ਗਿਆ ਜਦਕਿ ਭਾਰੀ ਵਾਹਨਾਂ ਲਈ ਇਸਨੂੰ ਅਸੁਰੱਖਿਅਤ ਐਲਾਨਣ ਵਾਲਾ ਚੇਤਾਵਨੀ ਬੋਰਡ ਅਜੇ ਵੀ ਲੱਗਾ ਹੋਇਆ ਹੈ ਜਿਸਤੋਂ ਇਸ ਪੁਲ ਦੇ ਭਾਰੀ ਵਾਹਨਾਂ ਲਈ ਅਸੁਰੱਖਿਅਤ ਹੋਣ ਬਾਰੇ ਪਤਾ ਲੱਗਦਾ ਹੈ¢ ਇਸ ਸਬੰਧੀ ਵੱਖ-ਵੱਖ ਸਮਾਜ ਸੇਵੀ ਸੰਸਥਾਵਾਂ ਦੇ ਆਗੂਆਂ ਦਾ ਕਹਿਣਾ ਹੈ ਕਿ ਅਗਰ ਇਹ ਪੁਲ ਅਸੁਰੱਖਿਅਤ ਹੈ ਤਾਂ ਇਸਨੂੰ ਆਵਾਜਾਈ ਲਈ ਖੋਹਲਣ ਤੋਂ ਪਹਿਲਾਂ ਹਰ ਤਰ੍ਹਾਂ ਦੇ ਵਾਹਨਾਂ ਲਈ ਪੂਰੀ ਤਰ੍ਹਾਂ ਸੁਰੱਖਿਅਤ ਬਣਾਇਆ ਜਾਣਾ ਚਾਹੀਦਾ ਸੀ¢ ਦੂਜਾ ਇਸ ਸਬੰਧੀ ਵਾਹਨ ਚਾਲਕਾਂ ਨੂੰ ਚੇਤਾਵਨੀ ਦੇਣ ਵਾਲਾ ਬੋਰਡ ਘੱਟੋ ਘੱਟ ਇੱਕ ਦੋ ਕਿੱਲੋਮੀਟਰ ਪਹਿਲਾਂ ਤੋਂ ਸ਼ੁਰੂ ਕਰਕੇ ਪੁਲ ਤੋਂ ਪਹਿਲਾਂ ਦੋ ਤਿੰਨ ਥਾਵਾਂ 'ਤੇ ਲਗਾਇਆ ਜਾਣਾ ਚਾਹੀਦਾ ਹੈ ਤਾਂ ਕਿ ਵਾਹਨ ਚਾਲਕਾਂ ਨੂੰ ਸਮਾਂ ਤੇ ਦੂਰੀ ਰਹਿੰਦੇ ਇਸ ਚੇਤਾਵਨੀ ਬਾਰੇ ਪਤਾ ਲੱਗ ਸਕੇ¢ ਇਸ ਸਬੰਧੀ ਨੈਸ਼ਨਲ ਹਾਈਵੇ ਅਥਾਰਟੀ ਜਲੰਧਰ ਦੇ ਸਾਈਟ ਇੰਜੀਨੀਅਰ ਸ਼੍ਰੀ ਵਿਨਾਇਕ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਕੁੱਝ ਮਹੀਨੇ ਪਹਿਲਾਂ ਇਸ ਪੁਲ 'ਤੇ ਮੁਰੰਮਤ ਦਾ ਕੰਮ ਚੱਲ ਰਿਹਾ ਸੀ, ਜਿਸ ਕਾਰਨ ਇਹ ਚੇਤਾਵਨੀ ਬੋਰਡ ਲਗਾਇਆ ਗਿਆ ਸੀ¢ ਉਨ੍ਹਾਂ ਕਿਹਾ ਕਿ ਮੁਰੰਮਤ ਹੋਣ ਉਪਰੰਤ ਹੁਣ ਪੁਲ ਸੁਰੱਖਿਅਤ ਹੈ ਤੇ ਆਮ ਆਵਾਜਾਈ ਲਈ ਖੋਲ੍ਹ ਦਿੱਤਾ ਗਿਆ ਸੀ ਪਰ ਇਹ ਚੇਤਾਵਨੀ ਬੋਰਡ ਨਹੀਂ ਹਟਾਇਆ ਜਾ ਸਕਿਆ¢ ਉਨ੍ਹਾਂ ਕਿਹਾ ਕਿ ਇਸ ਚੇਤਾਵਨੀ ਬੋਰਡ ਨੂੰ ਜਲਦੀ ਹੀ ਹਟਾ ਦਿੱਤਾ ਜਾਵੇਗਾ¢ ਅਥਾਰਟੀ ਦੀ ਇਸ ਅਣਗਹਿਲੀ ਕਾਰਨ ਵਾਹਨ ਚਾਲਕਾਂ ਲਈ ਭੰਬਲਭੂਸੇ ਵਾਲੀ ਸਥਿਤੀ ਬਣ ਜਾਂਦੀ ਹੈ¢

ਪਿਛਲੀ ਖ਼ਬਰ ਆਦਮਪੁਰ ਸਬਜ਼ੀ ਮੰਡੀ ਦੇ ਆੜ੍ਹਤੀਆਂ ਦੀ ਧੱਕੇਸ਼ਾਹੀ ਅਗਲੀ ਖ਼ਬਰ ਡੀ.ਏ.ਵੀ. ਕਾਲਜ ਨਕੋਦਰ ਵਿਖੇ 10ਵੀਂ ਤੇ 12ਵੀਂ ਜਮਾਤਾਂ ਦੇ ਟਾਪਰ ਵਿਦਿਆਰਥੀਆਂ ਲਈ 'ਆਸ਼ੀਰਵਾਦ ਸਮਾਰੋਹ' <br/>

ਮਲਸੀਆਂ ਬਾਈਪਾਸ ਦੇ ਭਾਰੀ ਵਾਹਨਾਂ ਲਈ ਅਸੁਰੱਖਿਅਤ ਐਲਾਨੇ ਪੁਲ 'ਤੋਂ ਲੰਘ ਰਹੇ ਨੇ ਭਾਰੀ ਵਾਹਨ <br/>

ਸੰਬੰਧਿਤ ਖ਼ਬਰਾਂ