ਇੰਨੋਸੈਂਟ ਹਾਰਟਸ ਸਕੂਲ , ਲੋਹਾਰਾਂ ਵਿਖੇ ਕਲਾਊਡ ਕੰਪਿਊਟਿੰਗ ਅਤੇ ਏਜੈਂਟਿਕ ਏ . ਆਈ . ’ ਤੇ ਵਿਸ਼ੇਸ਼ ਸੈਸ਼ਨ ਕਰਵਾਇਆ
ਜਲੰਧਰ, 27 ਅਗਸਤ (ਪਵਨ ਖਰਬੰਦਾ)-ਇੰਨੋਸੈਂਟ ਹਾਰਟਸ ਸਕੂਲ ਲੋਹਾਰਾਂ ਵੱਲੋਂ ਵਿਦਿਆਰਥੀਆਂ ਲਈ ਉਭਰ ਰਹੀਆਂ ਤਕਨਾਲੋਜੀਆਂ ਖ਼ਾਸ ਤੌਰ ’ਤੇ ਕਲਾਉਡ ਕੰਪਿਊਟਿੰਗ ਅਤੇ ਏਜੈਂਟਿਕ ਏ. ਆਈ.
ਸ
ਸਮਾਗਮ ਦੌਰਾਨ ਹਾਜ਼ਰ ਵਿਦਿਆਰਥੀ। ਤਸਵੀਰ-ਮੁਨੀਸ਼
28-08-2026
ਜਲੰਧਰ, 27 ਅਗਸਤ (ਪਵਨ ਖਰਬੰਦਾ)-ਇੰਨੋਸੈਂਟ ਹਾਰਟਸ ਸਕੂਲ ਲੋਹਾਰਾਂ ਵੱਲੋਂ ਵਿਦਿਆਰਥੀਆਂ ਲਈ ਉਭਰ ਰਹੀਆਂ ਤਕਨਾਲੋਜੀਆਂ ਖ਼ਾਸ ਤੌਰ ’ਤੇ ਕਲਾਉਡ ਕੰਪਿਊਟਿੰਗ ਅਤੇ ਏਜੈਂਟਿਕ ਏ.ਆਈ. ਬਾਰੇ ਇਕ ਗਿਆਨਵਰਧਕ ਅਤੇ ਰੁਚੀਕਰ ਸੈਸ਼ਨ ਕਰਵਾਇਆ ਗਿਆ। ਇਹ ਸੈਸ਼ਨ ਵਿਦਿਆਰਥੀਆਂ ਨੂੰ ਆਧੁਨਿਕ ਵਪਾਰਕ ਅਤੇ ਤਕਨੀਕੀ ਹੁਨਰਾਂ ਨਾਲ ਸਜਜਿਤ ਕਰਨ ਲਈ ਸਕੂਲ ਵਲੋਂ ਕੀਤੇ ਜਾ ਰਹੇ ਨਿਰੰਤਰ ਯਤਨਾਂ ਦਾ ਹਿੱਸਾ ਸੀ | ਸੈਸ਼ਨ ਦਾ ਸੰਚਾਲਨ ਸ੍ਰੀ ਮੁਕੇਸ਼ ਕੁਮਾਰ ਪ੍ਰਿੰਸੀਪਲ (ਸਾਫਟਵੇਅਰ ਇੰਜੀਨੀਅਰਿੰਗ ਗਰੁੱਪ ਦੇ ਮੈਨੇਜਰ, ਮਾਈਕ੍ਰੋਸਾਫਟ ਇੰਡੀਆ ਹੈਦਰਾਬਾਦ) ਵਲੋਂ ਕੀਤਾ ਗਿਆ| ਮੁਕੇਸ਼ ਕੁਮਾਰ ਨੇ ਆਪਣੇ ਪੇਸ਼ੇਵਰ ਤਜਰਬਿਆਂ ਅਤੇ ਸਫ਼ਰ ਬਾਰੇ ਵਿਦਿਆਰਥੀਆਂ ਨਾਲ ਜਾਣਕਾਰੀ ਸਾਂਝੀ ਕੀਤੀ| ਉਨ੍ਹਾਂ ਨੇ ਐਜ਼ੂਰ ਆਬਜ਼ਰਵੇਬਿਲਿਟੀ ਅਤੇ ਏਜੈਂਟਿਕ ਏ.ਆਈ. ਦੇ ਖੇਤਰ ਵਿੱਚ ਨਵੀਨਤਾ ਨੂੰ ਉਤਸ਼ਾਹਿਤ ਕਰਨ ਅਤੇ ਵਿਸ਼ਵ ਪੱਧਰੀ ਟੀਮਾਂ ਦੀ ਅਗਵਾਈ ਕਰਦਿਆਂ ਸਕੇਲੇਬਲ ਅਤੇ ਭਰੋਸੇਯੋਗ ਤਕਨੀਕੀ ਪਲੇਟਫਾਰਮ ਵਿਕਸਿਤ ਕਰਨ ਦੇ ਆਪਣੇ ਤਜਰਬੇ ਸਾਂਝੇ ਕੀਤੇ | ਸੈਸ਼ਨ ਦੀ ਇਕ ਵਿਸ਼ੇਸ਼ ਖਾਸੀਅਤ ਇਨੋਸੈਂਟ ਹਾਰਟਸ ਦੇ ਸਾਰੇ ਕੈਂਪਸਾਂ ਵਿਚਕਾਰ ਇਕੋ ਸਮੇਂ ਹੋਈ ਇਲੈਕਟ੍ਰਾਨਿਕ ਕਨੈਕਟੀਵਿਟੀ ਸੀ| ਡਿਜੀਟਲ ਪਲੇਟਫਾਰਮ ਰਾਹੀਂ ਸਾਰੇ ਕੈਂਪਸਾਂ ਦੇ ਵਿਦਿਆਰਥੀ ਅਤੇ ਅਧਿਆਪਕ ਆਪਸ ਵਿਚ ਜੁੜੇ ਰਹੇ ਅਤੇ ਉਨ੍ਹਾਂ ਨੇ ਪ੍ਰਸਿੱਧ ਬੁਲਾਰਿਆਂ ਅਤੇ ਮਾਹਿਰਾਂ ਦੇ ਗਿਆਨ ਅਤੇ ਤਜਰਬੇ ਦਾ ਲਾਈਵ ਅਤੇ ਸੰਵਾਦਾਤਮਕ ਮਾਹੌਲ ਵਿੱਚ ਇਕੱਠਿਆਂ ਲਾਭ ਪ੍ਰਾਪਤ ਕੀਤਾ| ਵਿਦਿਆਰਥੀਆਂ ਨੇ ਸੈਸ਼ਨ ਵਿਚ ਬਹੁਤ ਉਤਸ਼ਾਹ ਅਤੇ ਜਗਿਆਸਾ ਨਾਲ ਭਾਗ ਲਿਆ| ਕੁਮਾਰੀ ਸ਼ਾਲੂ ਸਹਿਗਲ ਪ੍ਰਿੰਸੀਪਲ, ਇਨੋਸੈਂਟ ਹਾਰਟਸ ਸਕੂਲ ਲੋਹਾਰਾਂ ਨੇ ਦੋਵੇਂ ਬੁਲਾਰਿਆਂ ਦਾ ਉਨ੍ਹਾਂ ਦੇ ਕੀਮਤੀ ਮਾਰਗਦਰਸ਼ਨ ਅਤੇ ਪ੍ਰੇਰਣਾਦਾਇਕ ਵਿਚਾਰਾਂ ਲਈ ਧੰਨਵਾਦ ਕੀਤਾ|
