ਅਗਵਾ ਹੋਇਆ 4 ਸਾਲਾ ਬੱਚਾ ਏ. ਸੀ. ਪੀ. ਵੈਸਟ ਦੀ ਅਗਵਾਈ ’ਚ ਪੁਲਿਸ ਨੇ 12 ਘੰਟਿਆਂ ਅੰਦਰ ਬਰਾਮਦ ਕੀਤਾ, ਮੁਲਜ਼ਮਾਂ ਦੀ ਕੀਤੀ ਜਾ ਰਹੀ ਪਛਾਣ
< ਪੁਲਿਸ ਨੇ ਬੱਚਾ ਦੇਰ ਰਾਤ ਬੱਸ ਸਟੈਂਡ ਤੋਂ ਸੁਰੱਖਿਅਤ ਲੱਭ ਕੇ ਪਰਿਵਾਰ ਹਵਾਲੇ ਕੀਤਾ < ਪਰਿਵਾਰ ਨੇ ਏ. ਸੀ.
< ਪੁਲਿਸ ਨੇ ਬੱਚਾ ਦੇਰ ਰਾਤ ਬੱਸ ਸਟੈਂਡ ਤੋਂ ਸੁਰੱਖਿਅਤ ਲੱਭ ਕੇ ਪਰਿਵਾਰ ਹਵਾਲੇ ਕੀਤਾ < ਪਰਿਵਾਰ ਨੇ ਏ. ਸੀ. ਪੀ. ਭਾਟੀਆ ਤੇ ਪੁਲਿਸ ਟੀਮਾਂ ਦਾ ਧੰਨਵਾਦ ਕਰਦਿਆਂ ਕੀਤੀ ਸ਼ਲਾਘਾ ਜਲੰਧਰ , 18 ਸਤੰਬਰ ( ਜਤਿੰਦਰ ਪੰਮੀ )– ਵੀਰਵਾਰ ਦੁਪਹਿਰ ਨੂੰ ਲੈਦਰ ਕੰਪਲੈਕਸ ਨੇੜਲੇ ਮੁਹੱਲਾ ਅਨੂਪ ਨਗਰ ’ ਚੋਂ ਅਗਵਾ ਕੀਤਾ ਗਿਆ 4 ਸਾਲਾ ਬੱਚਾ ਕੇਸ਼ਵ ਬਸਤੀ ਬਾਵਾ ਖੇਲ ਦੀ ਪੁਲਿਸ ਨੇ ਏ . ਸੀ . ਪੀ . ਵੈਸਟ ਆਤਿਸ਼ ਭਾਟੀਆ ਦੀ ਸੁਚੱਜੀ ਅਗਵਾਈ ਹੇਠ ਦੇਰ ਰਾਤ ਬੱਸ ਸਟੈਂਡ ਤੋਂ ਬਰਾਮਦ ਕਰ ਲਿਆ । ਪੁਲਿਸ ਨੇ ਬੱਚੇ ਦੀ ਲੋੜੀਂਦੀ ਕਾਰਵਾਈ ਉਪਰੰਤ ਉਸ ਨੂੰ ਰਾਤ ਹੀ ਵਾਰਸਾਂ ਦੇ ਹਵਾਲੇ ਕਰ ਦਿੱਤਾ । ਬੱਚੇ ਕੇਸ਼ਵ ਦੇ ਮਾਤਾ - ਪਿਤਾ ਤੇ ਦਾਦੀ ਨੇ ਜਿੱਥੇ ਪੁਲਿਸ ਦਾ ਧੰਨਵਾਦ ਕੀਤਾ , ਉਥੇ ਹੀ ਦਿਖਾਈ ਚੌਕਸੀ ਲਈ ਸ਼ਲਾਘਾ ਵੀ ਕੀਤੀ । ਇਸ ਦੌਰਾਨ ਰਾਤ ਨੂੰ ਭਾਜਪਾ ਆਗੂ ਸ਼ੀਤਲ ਅੰਗੂਰਾਲ ਵੀ ਮੌਕੇ ’ ਤੇ ਹਾਜ਼ਰ ਸਨ , ਜਿਨ੍ਹਾਂ ਨੇ ਏ . ਸੀ . ਪੀ . ਵਲੋਂ ਦਿਖਾਈ ਗਈ ਚੌਕਸੀ ਲਈ ਸ਼ਲਾਘਾ ਕੀਤੀ । ਓਧਰ ਪੁਲਿਸ ਅਗਵਾਕਾਰਾਂ ਦੀ ਸ਼ਨਾਖਤ ਕਰ ਰਹੀ ਹੈ ਤਾਂ ਜੋ ਉਨ੍ਹਾਂ ਨੂੰ ਕਾਬੂ ਕੀਤਾ ਜਾ ਸਕੇ । ਓਧਰ ਸ਼ੁੱਕਰਵਾਰ ਨੂੰ ਏ . ਡੀ . ਸੀ . ਪੀ . ਸਿਟੀ -1 ਮਾਧਵੀ ਸ਼ਰਮਾ ਨੇ ਬੱਚੇ ਦੇ ਪਰਿਵਾਰ ਨਾਲ ਮੁਲਾਕਾਤ ਕੀਤੀ । ਉਨ੍ਹਾਂ ਨੇ ਇਲਾਕਾ ਵਾਸੀਆਂ ਨੂੰ ਸ਼ਹਿਰ ਵਾਸੀਆਂ ਦੀ ਜਾਨ - ਮਾਲ ਦੀ ਸੁਰੱਖਿਆ ਦਾ ਭਰੋਸਾ ਦਿਵਾਇਆ । ਦੱਸਣਯੋਗ ਹੈ ਕਿ ਅਨੂਪ ਨਗਰ ’ ਚੋਂ 4 ਸਾਲਾ ਬੱਚੇ ਨੂੰ ਦੋ ਐਕਟਿਵਾ ਸਵਾਰਾਂ ਵਲੋਂ ਉਸ ਵੇਲੇ ਅਗਵਾ ਕਰ ਲਿਆ ਗਿਆ ਸੀ , ਜਦੋਂ ਉਹ ਇਕ ਹੋਰ 10 ਸਾਲਾ ਬੱਚੇ ਨਾਲ ਗਲੀ ਵਿੱਚ ਖੇਡ ਰਿਹਾ ਸੀ । ਬੱਚੇ ਦੀ ਅਗਵਾ ਦਾ ਰੌਲਾ ਪੈਂਦਿਆਂ ਹੀ ਇਲਾਕੇ ਵਿੱਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ । ਪੀੜਤ ਪਰਿਵਾਰ ਥਾਣੇ ਪੁੱਜਾ ਤਾਂ ਕੇਸ਼ਵ ਦੀ ਮਾਂ ਤੇ ਦਾਦੀ ਦਾ ਰੋ - ਰੋ ਕੇ ਬੁਰਾ ਹਾਲ ਸੀ । ਇਸ ਸੰਬੰਧੀ ਗੱਲਬਾਤ ਕਰਦਿਆਂ ਏ . ਸੀ . ਪੀ . ਵੈਸਟ ਆਤਿਸ਼ ਭਾਟੀਆ ਨੇ ਦੱਸਿਆ ਕਿ ਦੱਸਿਆ ਕਿ ਪੁਲਿਸ ਨੂੰ ਦੁਪਹਿਰ 2 ਵਜੇ 4 ਸਾਲਾ ਬੱਚੇ ਦੇ ਅਗਵਾ ਹੋਣ ਸਬੰਧੀ ਸੂਚਨਾ ਪ੍ਰਾਪਤ ਹੋਈ ਸੀ । ਸੂਚਨਾ ਮਿਲਦੇ ਹੀ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਤੁਰੰਤ ਪੁਲਿਸ ਕਾਰਵਾਈ ਤੇ ਜਾਂਚ ਸ਼ੁਰੂ ਕੀਤੀ ਗਈ । ਉਨ੍ਹਾਂ ਦੱਸਿਆ ਕਿ ਪੁਲਿਸ ਟੀਮਾਂ ਵੱਲੋਂ ਬੱਚੇ ਦੀ ਭਾਲ ਲਈ ਤੁਰੰਤ ਵੱਖ - ਵੱਖ ਪਹਿਲੂਆਂ ’ ਤੇ ਕੰਮ ਕਰਦਿਆਂ ਇਲਾਕੇ ਵਿੱਚ ਲੱਗੇ ਸੀ . ਸੀ . ਟੀ . ਵੀ . ਕੈਮਰਿਆਂ ਦੀ ਫੁਟੇਜ ਨੂੰ ਬਾਰੀਕੀ ਨਾਲ ਚੈੱਕ ਕੀਤਾ ਗਿਆ ਅਤੇ ਉਪਲਬਧ ਜਾਣਕਾਰੀ ਦੇ ਆਧਾਰ ’ ਤੇ ਬੱਚੇ ਦੀ ਭਾਲ ਲਈ ਯਤਨ ਤੇਜ਼ ਕੀਤੇ ਗਏ । ਪੁਲਿਸ ਦੀ ਤੁਰੰਤ ਕਾਰਵਾਈ ਦੇ ਨਾਲ - ਨਾਲ ਆਮ ਲੋਕਾਂ , ਪਰਿਵਾਰਕ ਮੈਂਬਰਾਂ ਅਤੇ ਵੱਖ - ਵੱਖ ਮਾਧਿਅਮਾਂ ਰਾਹੀਂ ਮਿਲੇ ਸਹਿਯੋਗ ਸਦਕਾ ਬੱਚੇ ਨੂੰ ਬੱਸ ਸਟੈਂਡ ਤੋਂ ਸੁਰੱਖਿਅਤ ਲੱਭ ਲਿਆ ਗਿਆ । ਏ . ਸੀ . ਪੀ . ਭਾਟੀਆ ਨੇ ਦੱਸਿਆ ਕਿ ਅਗਵਾਕਾਰਾਂ ਦੀ ਸ਼ਨਾਖਤ ਲਈ ਯਤਨ ਤੇਜ਼ ਕਰ ਦਿੱਤੇ ਗਏ ਹਨ । ਉਨ੍ਹਾਂ ਦੱਸਿਆ ਕਿ ਅਗਵਾਕਾਰਾਂ ਵਿੱਚੋਂ ਪਿੱਛੇ ਬੈਠੇ ਵਿਅਕਤੀ ਦਾ ਮੂੰਹ ਨੰਗਾ ਸੀ ਜਦੋਂਕਿ ਐਕਟਿਵਾ ਚਲਾ ਰਹੇ ਵਿਅਕਤੀ ਨੇ ਕੁਝ ਸੀ . ਸੀ . ਟੀ . ਵੀ . ਕੈਮਰਿਆਂ ਦੀ ਰੇਂਜ ਵਿੱਚੋਂ ਲੰਘਣ ਉਪਰੰਤ ਮੂੰਹ ਤੋਂ ਮਾਸਕ ਲਾਹ ਦਿੱਤਾ ਸੀ । ਇਸ ਲਈ ਪੁਲਿਸ ਨੇ ਦੋਵਾਂ ਦੇ ਚਿਹਰੇ ਦੇਖ ਲਏ ਹਨ ਅਤੇ ਉਨ੍ਹਾਂ ਦੀ ਸ਼ਨਾਖਤ ਕਰਨ ਲਈ ਅਗਲੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ । ਉਨ੍ਹਾਂ ਕਿਹਾ ਕਿ ਮੁਲਜ਼ਮਾਂ ਨੂੰ ਛੇਤੀ ਹੀ ਕਾਬੂ ਕਰ ਲਿਆ ਜਾਵੇਗਾ ।
