ਨਿਤਿਨ ਕਪੂਰ ਸ੍ਰੀ ਰਾਮ ਸੈਨਾ ਸੰਗਠਨ ਦੇ ਪ੍ਰਧਾਨ ਅਤੇ ਆਰਤੀ ਅਗਰਵਾਲ ਮਹਿਲਾ ਵਿੰਗ ਦੀ ਪ੍ਰਧਾਨ ਨਿਯੁਕਤ
ਜਲੰਧਰ, 11 ਅਕਤੂਬਰ (ਸ਼ਿਵ)-ਸਨਾਤਨ ਧਰਮ ਦੇ ਪ੍ਰਚਾਰ ਲਈ ਸਮਰਪਿਤ ਸ੍ਰੀ ਰਾਮ ਸੈਨਾ ਸੰਗਠਨ (ਰਜਿ.) ਵਲੋਂ ਸਨਅਤਕਾਰ ਤੇ ਸਮਾਜ ਸੇਵਕ ਨਿਤਿਨ ਕਪੂਰ ਨੂੰ ਸੰਗਠਨ ਦਾ ਪ੍ਰਧਾਨ ਅਤੇ ਸਮਾਜ ਸੇਵਿਕਾ ਆਰਤੀ ਅਗਰਵਾਲ ਨੂੰ ਮਹਿਲਾ ਵਿੰਗ ਦੀ ਪ੍ਰਧਾਨ ਨਿਯੁਕਤ ਕੀਤਾ ਗਿਆ।
ਜਲੰਧਰ, 11 ਅਕਤੂਬਰ (ਸ਼ਿਵ)-ਸਨਾਤਨ ਧਰਮ ਦੇ ਪ੍ਰਚਾਰ ਲਈ ਸਮਰਪਿਤ ਸ੍ਰੀ ਰਾਮ ਸੈਨਾ ਸੰਗਠਨ (ਰਜਿ.) ਵਲੋਂ ਸਨਅਤਕਾਰ ਤੇ ਸਮਾਜ ਸੇਵਕ ਨਿਤਿਨ ਕਪੂਰ ਨੂੰ ਸੰਗਠਨ ਦਾ ਪ੍ਰਧਾਨ ਅਤੇ ਸਮਾਜ ਸੇਵਿਕਾ ਆਰਤੀ ਅਗਰਵਾਲ ਨੂੰ ਮਹਿਲਾ ਵਿੰਗ ਦੀ ਪ੍ਰਧਾਨ ਨਿਯੁਕਤ ਕੀਤਾ ਗਿਆ। ਇਸ ਸਬੰਧੀ ਸ਼ਕਤੀਪੀਠ ਸ੍ਰੀ ਦੇਵੀ ਤਲਾਬ ਮੰਦਰ ਵਿਖੇ ਹੋਈ ਮੀਟਿੰਗ ਦੌਰਾਨ ਨਵੀਂ ਟੀਮ ਦਾ ਐਲਾਨ ਕੀਤਾ ਗਿਆ। ਇਸ ਮੌਕੇ ਮੰਦਰ ਪ੍ਰਬੰਧਕ ਕਮੇਟੀ ਦੇ ਖ਼ਜ਼ਾਨਚੀ ਅਤੇ ਸਮਾਜ ਸੇਵਕ ਪਵਿੰਦਰ ਬਹਿਲ ਨੇ ਸਮੂਹ ਅਹੁਦੇਦਾਰਾਂ ਨੂੰ ਮਾਤਾ ਰਾਣੀ ਦੀ ਚੁੰਨੀ ਭੇਟ ਕਰਕੇ ਸਨਮਾਨਿਤ ਕੀਤਾ ਅਤੇ ਸ੍ਰੀ ਦੁਰਗਾ ਅਸ਼ਟਮੀ ਮੌਕੇ ਕਰਵਾਏ ਜਾਣ ਵਾਲੇ ਚੌਥੇ ਵਿਸ਼ਾਲ ਕੰਨਿਆ ਪੂਜਨ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ। ਸਮਾਗਮ ਦੀਆਂ ਤਿਆਰੀਆਂ ਸਬੰਧੀ ਵੱਖ-ਵੱਖ ਅਹੁਦੇਦਾਰਾਂ ਦੀਆਂ ਡਿਊਟੀਆਂ ਵੀ ਲਗਾਈਆਂ ਗਈਆਂ। ਇਸ ਮੌਕੇ ਚੇਅਰਮੈਨ ਮੁਨੀਸ਼ ਸਹਿਗਲ, ਉਪ-ਚੇਅਰਮੈਨ ਗੁਰਪ੍ਰੀਤ ਵਧਾਵਨ, ਜਨਰਲ ਸਕੱਤਰ ਅਰਵਿੰਦ ਅਗਰਵਾਲ, ਸੀਨੀਅਰ ਉਪ-ਪ੍ਰਧਾਨ ਨਵਜੀਤ ਕਾਲੀਆ, ਮਹਿਲਾ ਵਿੰਗ ਦੀ ਚੇਅਰਪਰਸਨ ਰਚਨਾ ਪਸਰੀਚਾ, ਉਪ-ਚੇਅਰਪਰਸਨ ਦੀਪਾਲੀ ਬਾਗੜੀਆ, ਅਜੈ ਲਾਲੀ, ਯਸ਼ ਚੱਢਾ, ਹਰੀਸ਼ ਸਹਿਗਲ, ਹਿਮਾਂਸ਼ੂ ਮਹਿਤਾ, ਅੰਬਿਕਾ ਜੋਸ਼ੀ ਸਮੇਤ ਹੋਰ ਅਹੁਦੇਦਾਰ ਹਾਜ਼ਰ ਸਨ।
