ਯੂਨਾਈਟਿਡ ਪੰਜਾਬੀਜ਼ ਫਾਊਂਡੇਸ਼ਨ ਨੇ ਦਿੱਤੀ ਵਿਦਿਆਰਥਣ ਦੀ ਕਾਲਜ ਦੀ ਫੀਸ
ਜਲੰਧਰ, 13 ਨਵੰਬਰ (ਜਸਪਾਲ ਸਿੰਘ)-ਯੁਨਾਈਟਿਡ ਪੰਜਾਬੀਜ਼ ਫਾਊਂਡੇਸ਼ਨ ਨੇ ਆਪਣੀ ਪ੍ਰਥਾ ਨੂੰ ਅੱਗੇ ਵਧਾਉਂਦੇ ਹੋਏ ਇੱਕ ਹੋਰ ਬੱਚੀ ਦੀ ਕਾਲਜ ਦੀ ਫੀਸ ਦਿੱਤੀ । ਇਹ ਹੋਣਹਾਰ ਅਤੇ ਲੋੜਵੰਦ ਵਿਦਿਆਰਥਣ ਲਾਇਲਪੁਰ ਖ਼ਾਲਸਾ ਕਾਲਜ ’ਚ ਜਰਨਲਿਜ਼ਮ ਦੀ ਪੜ੍ਹਾਈ ਕਰ ਰਹੀ ਹੈ ।
ਜਲੰਧਰ, 13 ਨਵੰਬਰ (ਜਸਪਾਲ ਸਿੰਘ)-ਯੁਨਾਈਟਿਡ ਪੰਜਾਬੀਜ਼ ਫਾਊਂਡੇਸ਼ਨ ਨੇ ਆਪਣੀ ਪ੍ਰਥਾ ਨੂੰ ਅੱਗੇ ਵਧਾਉਂਦੇ ਹੋਏ ਇੱਕ ਹੋਰ ਬੱਚੀ ਦੀ ਕਾਲਜ ਦੀ ਫੀਸ ਦਿੱਤੀ । ਇਹ ਹੋਣਹਾਰ ਅਤੇ ਲੋੜਵੰਦ ਵਿਦਿਆਰਥਣ ਲਾਇਲਪੁਰ ਖ਼ਾਲਸਾ ਕਾਲਜ ’ਚ ਜਰਨਲਿਜ਼ਮ ਦੀ ਪੜ੍ਹਾਈ ਕਰ ਰਹੀ ਹੈ । ਇਸ ਵਿਦਿਆਰਥਣ ਦਾ ਨਾਂ ਪਲਕਪ੍ਰੀਤ ਕੌਰ ਬੇਦੀ ਹੈ ਤੇ ਇਹ ਬੀ.ਏ. ਜੇ. ਐਮ. ਸੀ. ਸਮੈਸਟਰ -1 ਦੀ ਵਿਦਿਆਰਥਣ ਹੈ। ਫੀਸ ਦਾ ਚੈੱਕ ਪ੍ਰਧਾਨ ਜਗਦੀਪ ਸਿੰਘ ਸ਼ੇਰਗਿੱਲ, ਫਾਊਂਡਰ ਮੈਂਬਰ ਕਮਲਜੀਤ ਸਿੰਘ ਹੇਅਰ, ਜਰਨਲ ਸਕੱਤਰ ਪਰਮਿੰਦਰ ਸਿੰਘ ਹੇਅਰ, ਸਕੱਤਰ ਕਰਨਲ ਅਜੇ ਸਿੰਘ ਵਿਰਕ, ਫਾਈਨਾਂਸ ਸਕੱਤਰ ਸਰਬਜੋਤ ਸਿੰਘ ਲਾਲੀ, ਫਾਊਂਡਰ ਮੈਂਬਰ ਭਰਤ ਮਰਵਾਹਾ, ਮੈਂਬਰ ਸਹਿਬਾਨ ਨਰਿੰਦਰ ਸਿੰਘ ਕੁਲਾਰ, ਰਕੇਸ਼ ਕੁਮਾਰ, ਡਾਕਟਰ ਪ੍ਰਬਰਾਜ ਸਿੰਘ ਹੇਅਰ, ਐਡਵੋਕੇਟ ਅਧੀਰਾਜ ਸਿੰਘ ਸ਼ੇਰਗਿੱਲ,ਅਤੇ ਸੁਰਜ ਸਭਰਵਾਲ ਨੇ ਪ੍ਰਦਾਨ ਕੀਤਾ। ਸੰਸਥਾ ਦੇ ਪ੍ਰਧਾਨ ਜਗਦੀਪ ਸਿੰਘ ਸ਼ੇਰਗਿੱਲ ਅਤੇ ਹੋਰਨਾਂ ਮੈਂਬਰਾਂ ਨੇ ਬੱਚੀ ਨੂੰ ਅਸ਼ੀਰਵਾਦ ਦਿੰਦਿਆਂ ਕਿਹਾ ਕਿ ਪੜ੍ਹਾਈ ਲਗਨ ਅਤੇ ਮਿਹਨਤ ਨਾਲ ਕਰੋ ਤੇ ਯੂਨੀਵਰਸਟੀ ’ਚ ਮੈਰਿਟ ਹਾਸਲ ਕਰਨ ’ਤੇ ਸਾਡੀ ਫਾਊਂਡੇਸ਼ਨ ਅੱਗੇ ਵੀ ਮਦਦ ਕਰਦੀ ਰਹੇਗੀ। ਪ੍ਰਧਾਨ ਜਗਦੀਪ ਸਿੰਘ ਸ਼ੇਰਗਿਲ ਤੇ ਜਨਰਲ ਸਕੱਤਰ ਪਰਮਿੰਦਰ ਸਿੰਘ ਹੇਅਰ ਨੇ ਕਿਹਾ ਯੂਨਾਇਟਿਡ ਪੰਜਾਬੀਜ਼ ਫਾਊਂਡੇਸ਼ਨ ਦੀ ਸਥਾਪਨਾ ਹੀ ਲੋੜਵੰਦ ਵਿਦਿਆਰਥੀਆਂ ਦੀ ਆਰਥਿਕ ਮਦਦ ਕਰਨ ਲਈ ਕੀਤੀ ਗਈ ਹੈ।
