ਲੰਬੀ, 24 ਫ਼ਰਵਰੀ (ਮੇਵਾ ਸਿੰਘ)- ਪ੍ਰਧਾਨ ਮੰਤਰੀ ਜੀਵਨ ਸੁਰੱਖਿਆ ਬੀਮਾ ਤਹਿਤ ਸਟੇਟ ਬੈਂਕ ਆਫ਼ ਇੰਡੀਆ ਬਰਾਂਚ ਅਬੁੱਲਖੁਰਾਣਾ ਵਲੋਂ 2 ਲੱਖ ਰੁਪਏ ਦਾ ਚੈੱਕ ਜਗਵੀਰ ਸਿੰਘ ਪੁੱਤਰ ਚੰਦ ਸਿੰਘ ਪਿੰਡ ਅਬੁੱਲਖੁਰਾਣਾ ਨੂੰ ਸੌਂਪਿਆ ਗਿਆ | ਚੰਦ ਸਿੰਘ ਦੀ ਬੀਤੇ ਦਿਨੀਂ ਮੌਤ ਹੋ ਗਈ ਸੀ | ਇਸ ਲਈ ਐੱਸ.ਬੀ.ਆਈ. ਬਰਾਂਚ ਅਬੁੱਲਖੁਰਾਣਾ ਦੇ ਬਰਾਂਚ ਮੈਨੇਜਰ ਸੁਜੀਤ ਕੁਮਾਰ ਵਲੋਂ ਸਵ. ਚੰਦ ਸਿੰਘ ਦੇ ਵਾਰਿਸ ਜਗਵੀਰ ਸਿੰਘ ਨੂੰ ਇਹ ਚੈੱਕ ਦਿੱਤਾ ਗਿਆ | ਬਰਾਂਚ ਮੈਨੇਜਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਸੁਰੱਖਿਆ ਬੀਮਾ 18 ਸਾਲ ਤੋਂ 50 ਸਾਲ ਦੀ ਉਮਰ ਦੇ ਉਸ ਵਿਅਕਤੀ ਨੂੰ ਦਿੱਤਾ ਜਾਂਦਾ, ਜਿਸ ਦਾ ਬੈਂਕ 'ਚ ਖਾਤਾ ਹੋਵੇ | ਇਸ ਬੀਮੇ ਦਾ ਇਕ ਸਾਲ ਦਾ ਪ੍ਰੀਮੀਅਮ 436 ਰੁਪਏ ਹੈ | ਇਸ ਨਾਲ ਲਾਭਪਾਤਰੀ ਨੂੰ ਕੁਦਰਤੀ ਜਾਂ ਐਕਸੀਡੈਂਟ ਮੌਤ ਹੋਣ 'ਤੇ 2 ਲੱਖ ਰੁਪਏ ਦੇ ਬੀਮੇ ਦਾ ਚੈੱਕ ਉਸ ਦੇ ਵਾਰਿਸ ਨੂੰ ਦਿੱਤਾ ਜਾਂਦਾ ਹੈ | ਇਸ ਮੌਕੇ ਡਾ. ਇਕਬਾਲ ਸਿੰਘ ਖਿਉਵਾਲੀ ਮੌਜੂਦ ਸਨ |
