ਫ਼ਾਜ਼ਿਲਕਾ ਤੋਂ ਵਾਇਆ ਮੁਕਤਸਰ ਦਿੱਲੀ ਲਈ ਸੁਪਰ ਫਾਸਟ ਗੱਡੀ ਸ਼ੁਰੂ ਕਰਨ ਦੀ ਮੰਗ
ਅਜੀਤ ਡੈਸਕ
09-04-2026
ਮੁਕਤਸਰ ਵਿਖੇ ਰੇਲ ਰਾਜ ਮੰਤਰੀ ਰਵਨੀਤ ਸਿੰਘ ਬਿੱਟੂ ਵਲੋਂ ਮੌਕਾ ਦੇਖ ਕੇ ਮਨਜ਼ੂਰ ਕੀਤੇ ਬੂੜਾ ਗੁੱਜਰ ਰੋਡ ਫਾਟਕ ਨੰਬਰ 29 ਅਤੇ ਜਲਾਲਾਬਾਦ ਰੋਡ ਫਾਟਕ ਨੰਬਰ 30 ਏ (ਕੋਟਕਪੂਰਾ ਫ਼ਾਜ਼ਿਲਕਾ ਸੈਕਸ਼ਨ) 'ਤੇ ਯੂ ਸ਼ੇਪ ਦੇ ਅੰਡਰਬਿ੍ਜ ਰੇਲਵੇ ਦੀ ਜਗ੍ਹਾ 'ਚ ਉਸਾਰੇ ਜਾਣ, ਜਲਾਲਾਬਾਦ ਰੋਡ 'ਤੇ ਪੈਦਲ ਰਾਸਤਾ ਦਿੱਤਾ ਜਾਵੇ ਅਤੇ ਰੁਕਾਵਟ ਵਾਲੀ ਕੰਧ ਹਟਾਈ ਜਾਵੇ, ਮੁਕਤਸਰ ਰੇਲਵੇ ਸਟੇਸ਼ਨ 'ਤੇ ਟਿਕਟ ਖਿੜਕੀ ਨੰਬਰ 2 'ਤੇ ਸ਼ਹਿਰ ਤੇ ਆਬਾਦੀ ਤੋਂ ਪਹੁੰਚਣ ਲਈ ਕੋਈ ਗੇਟ ਨਹੀਂ ਹੈ | ਮੁੱਖ ਅਬਾਦੀ ਵਲੋਂ ਗੌਡੀਆ ਪ੍ਰੈੱਸ ਤੇ ਗਾਂਧੀ ਨਗਰ ਦੇ ਦੋ ਐਂਟਰੀ ਗੇਟ ਚਾਲੂ ਕੀਤੇ ਜਾਣ, ਪਿੰਡਾਂ ਦੇ ਸਾਰੇ ਸਟੇਸ਼ਨ ਦੇ ਪਲੇਟ ਫਾਰਮ ਉਚੇ ਕੀਤੇ ਜਾਣ ਅਤੇ ਗੱਡੀ ਦਾ ਠਹਿਰਾਓ 2 ਮਿੰਟ ਕੀਤਾ ਜਾਵੇ, ਮੁਕਤਸਰ ਕੋਟਕਪੂਰਾ ਸੈਕਸ਼ਨ 'ਤੇ ਰੇਲਵੇ ਸਟੇਸ਼ਨ ਝਬੇਲਵਾਲੀ ਦਾ ਪਲੇਟਫਾਰਮ ਉਚਾ ਕਰਕੇ ਬਣਾਇਆ ਜਾਵੇ | ਪਿੰਡ ਚੜੇਵਾਨ ਦੇ ਕਿਸਾਨਾਂ ਦੀ ਰਸਤੇ ਦੀ ਸਹੂਲਤ ਬਹਾਲ ਕੀਤੀ ਜਾਵੇ | ਗੌਰਖਪੁਰ ਤੋਂ ਬਠਿੰਡਾ ਟਰੇਨ ਨੰਬਰ 12555 ਅਤੇ ਟਰੇਨ ਨੰਬਰ 15743 ਜੋ ਬਠਿੰਡਾ ਵਿਖੇ 5 ਘੰਟਿਆਂ ਤੋਂ ਵੱਧ ਖੜ੍ਹੀਆਂ ਰਹਿੰਦੀਆਂ ਹਨ, ਨੂੰ ਬਠਿੰਡਾ ਤੋਂ ਮੁਕਤਸਰ ਫ਼ਾਜ਼ਿਲਕਾ ਤੱਕ ਕੀਤਾ ਜਾਵੇ |
