ਲੋਕ ਮੋਰਚਾ ਪੰਜਾਬ ਇਕਾਈ ਸ੍ਰੀ ਮੁਕਤਸਰ ਸਾਹਿਬ ਦੀ ਮੀਟਿੰਗ
ਅਜੀਤ ਡੈਸਕ
09-04-2026
ਆਗੂਆਂ ਨੇ ਕਿਹਾ ਕਿ ਇੱਥੇ ਕਾਨੂੰਨ ਦੇ ਰਾਜ, ਕਾਨੂੰਨ ਦੀ ਨਿਰਪੱਖਤਾ ਤੇ ਨਿਰਲੇਪਤਾ ਦੇ ਐਲਾਨ ਲੋਕਾਂ ਨਾਲ ਖੇਡੇ ਜਾ ਰਹੇ ਇਕ ਫਰੇਬ ਤੋਂ ਸਵਾਏ ਕੁਝ ਨਹੀਂ | ਬੁਲਾਰਿਆਂ ਨੇ ਕਿਹਾ ਕਿ ਅਸਲ 'ਚ ਸਮੁੱਚੀ ਕਾਨੂੰਨ ਪ੍ਰਣਾਲੀ ਦਾ ਸੁਭਾਅ ਤੇ ਖਾਸਾ ਹੀ ਲੋਕ ਵਿਰੋਧੀ ਹੈ | ਪੈਟਰੋਲੀਅਮ ਪਦਾਰਥਾਂ ਤੇ ਐੱਲ.ਪੀ.ਜੀ. ਗੈਸ ਬਾਰੇ ਚਰਚਾ ਕਰਦੇ ਹੋਏ ਆਗੂਆਂ ਨੇ ਕਿਹਾ ਕਿ ਭਾਰਤ ਕੋਲ ਐੱਲ.ਪੀ.ਜੀ. ਗੈਸ ਦੀ ਸੰਭਾਲ ਲਈ 2 ਵੱਡੇ ਅੰਡਰਗਰਾਊਾਡ ਸਟੋਰ ਬੰਗਲੌਰ ਤੇ ਵਿਸ਼ਾਖਾਪਟਨਮ ਵਿਚ ਹਨ ਤੇ ਇਨ੍ਹਾਂ ਦੀ ਸਮਰੱਥਾ 1.4 ਲੱਖ ਟਨ ਹੈ, ਜਦਕਿ ਰੋਜ਼ਾਨਾ ਖ਼ਪਤ 80 ਹਜਾਰ ਟਨ ਹੈ, ਜਿਸ 'ਚੋਂ 85 ਫ਼ੀਸਦੀ ਵਰਤੋਂ ਘਰਾਂ 'ਚ ਹੁੰਦੀ ਹੈ | ਆਗੂਆਂ ਨੇ ਕਿਹਾ ਕਿ ਮੁਲਕ 'ਚ 33 ਕਰੋੜ ਘਰੇਲੂ ਗੈਸ ਕੁਨੈਕਸ਼ਨ ਹਨ ਤੇ ਸਰਕਾਰ ਦੀ ਸਟੋਰੇਜ ਸਮਰੱਥਾ ਵਧਾਉਣ ਦੀ ਕੋਈ ਤਜਵੀਜ਼ ਨਹੀਂ ਹੈ | ਲੋਕ ਮੋਰਚਾ ਨੇ ਇਕ ਮਤੇ ਰਾਹੀਂ ਕਿਸਾਨਾਂ ਦੀਆਂ ਫ਼ਸਲਾਂ ਦੀ ਗੜੇ੍ਹਮਾਰੀ ਕਰਕੇ ਹੋਈ ਤਬਾਹੀ ਲਈ ਕੇਂਦਰ ਤੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਕਿਸਾਨਾਂ ਨੂੰ ਖ਼ਰਾਬ ਹੋਈਆਂ ਫ਼ਸਲਾਂ ਦਾ ਢੁਕਵਾਂ ਮੁਆਵਜ਼ਾ ਜਲਦੀ ਦਿੱਤਾ ਜਾਵੇ |
