ਲੰਬੀ, 22 ਮਈ (ਮੇਵਾ ਸਿੰਘ)-ਸਟੇਟ ਇੰਸਟੀਚਿਊਟ ਆਫ਼ ਆਟੋਮੋਟਿਵ ਐਂਡ ਡਰਾਈਵਿੰਗ ਸਕਿੱਲਜ਼ ਮਾਹੂਆਣਾ ਵਿਖੇ ਨਵੀਸ ਐੱਚ.ਆਰ. ਕੰਪਨੀ ਬੈਂਗਲੌਰ ਵਲੋਂ ਜਾਪਾਨ ਲਈ 50 ਬੱਸ ਅਤੇ ਟਰੱਕ ਡਰਾਈਵਰਾਂ ਦੀ ਲੋੜ ਨੂੰ ਪੂਰਾ ਕਰਨ ਲਈ ਰੁਜ਼ਗਾਰ ਮੇਲਾ ਲਗਾਇਆ ਗਿਆ, ਜਿਸ ਵਿਚ ਕੁੱਲ 85 ਉਮੀਦਵਾਰਾਂ ਨੇ ਹਿੱਸਾ ਲਿਆ, ਜਿਨ੍ਹਾਂ ਵਿਚੋਂ 24 ਉਮੀਦਵਾਰਾਂ ਨੂੰ ਸ਼ਾਰਟ ਲਿਸਟ ਕਰਕੇ ਨਵੀਸ ਐੱਚ.ਆਰ. ਦੇ ਸ੍ਰੀਮਤੀ ਮਨਾਸਾ ਕੇ.ਪੀ. ਜਨਰਲ ਮੈਨੇਜਰ ਵਲੋਂ ਸਕਰੀਨ ਟੈੱਸਟ ਜਿਸ ਵਿਚ ਜਪਾਨੀ ਭਾਸ਼ਾ ਦੇ ਮੁੱਢਲੇ ਗਿਆਨ ਤੇ ਉਮੀਦਵਾਰਾਂ ਦੀ ਗੱਲਬਾਤ ਕਰਨ ਦੀ ਕਲਾ ਅਤੇ ਹੁਨਰ ਸੰਬੰਧੀ ਲਿਖ਼ਤੀ ਟੈੱਸਟ ਅਤੇ ਇੰਟਰਵਿਊ ਦੀ ਪ੍ਰਕਿਰਿਆ ਪੂਰਨ ਕਰਵਾਈ ਗਈ, ਜਿਸ ਦਾ ਅੰਤਿਮ ਨਤੀਜਾ ਬਾਕੀ ਹੈ | ਇਸ ਮੌਕੇ ਨਵੀਸ ਐੱਚ.ਆਰ. ਕੰਪਨੀ ਦੀ ਜਾਪਾਨੀ ਸੀ.ਈ.ਓ. ਟਕਾਕੋ ਓਸ਼ੀਬੁਚੀ ਸੈਨ ਵਲੋਂ ਉਮੀਦਵਾਰਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਜਾਪਾਨ ਵਿਚ ਅਨੁਸ਼ਾਸਨ ਤੇ ਮਹਿਮਾਨ ਨਵਾਜੀ ਨੂੰ ਵਿਸ਼ੇਸ਼ ਮਹੱਤਵ ਦਿੱਤਾ ਜਾਂਦਾ ਹੈ | ਜਾਪਾਨ ਤੇ ਭਾਰਤ ਦੇ ਮੌਸਮ ਵਿਚ ਵੀ ਕੋਈ ਜ਼ਿਆਦਾ ਫ਼ਰਕ ਨਹੀਂ ਹੈ ਅਤੇ ਜਾਪਾਨ ਦੀਆਂ ਸੜਕਾਂ ਜ਼ਿਆਦਾ ਵਧੀਆ ਹੋਣ ਕਾਰਨ ਉਨ੍ਹਾਂ 'ਤੇ ਡਰਾਈਵਿੰਗ ਕਰਨਾ ਬਹੁਤ ਸੌਖਾ ਹੈ | ਇਸ ਮੌਕੇ ਸੰਸਥਾ ਦੇ ਪਿ੍ੰਸੀਪਲ ਗੁਰਦੀਪ ਸਿੰਘ ਸੇਖੋਂ ਵਲੋਂ ਆਏ ਹੋਏ ਮਹਿਮਾਨਾਂ ਦਾ ਸੰਸਥਾ ਵਿਖੇ ਪਹੁੰਚਣ 'ਤੇ ਨਿੱਘਾ ਸਵਾਗਤ ਕੀਤਾ ਤੇ ਯਾਦਗਾਰੀ ਚਿੰਨ੍ਹ ਭੇਂਟ ਕੀਤੇ ਗਏ | ਇਸ ਮੌਕੇ ਸੰਸਥਾ ਦੇ ਹਰਿੰਦਰ ਸਿੰਘ ਗਰੁੱਪ ਇੰਸਟਰੱਕਟਰ, ਰੁਪਿੰਦਰਜੀਤ ਸਿੰਘ ਬਰਾੜ ਸੁਪਰਡੈਂਟ, ਜਗਮੋਹਣ ਸਿੰਘ ਪਲੇਸਮੈਂਟ ਅਫ਼ਸਰ, ਐੱਨ.ਸੀ.ਸੀ. ਇੰਚਾਰਜ ਸਬ ਲੈਫ਼ਟੀਨੈਂਟ ਪ੍ਰਵੀਨ ਕੁਮਾਰ, ਜਸਵੀਰ ਸਿੰਘ, ਮਨੋਜ ਕੁਮਾਰ, ਹਰਤੀਸ਼ ਕੁਮਾਰ, ਪ੍ਰੀਤਇੰਦਰ ਸਿੰਘ, ਪਰਮਿੰਦਰਜੀਤ ਸਿੰਘ ਹਾਜ਼ਰ ਸਨ |
