ਭੀਖੀ, 1 ਫਰਵਰੀ (ਸਹੋਤਾ)- ਡੇਰਾ ਬਾਬਾ ਰੰਬ ਲੋਕ ਵਿਖੇ ਬ੍ਰਹਮੀਨ ਸੰਤ ਓਮ ਪ੍ਰਕਾਸ਼ ਦਾਸ ਦੀ 13ਵੀਂ ਬਰਸੀ ਮੌਕੇ ਸ਼੍ਰੀ ਸਿਧਾਂਤ ਸਾਗਰ ਦੇ ਅਖੰਡ ਪਾਠ ਇਕੋਤਰੀ ਦੇ ਭੋਗ ਉਪਰੰਤ ਜਿੱਥੇ ਸੰਗਤਾਂ ਲਈ ਅਟੁੱਟ ਲੰਗਰ ਵਰਤਾਏ ਗਏ ਉੱਥੇ ਵੱਖ-ਵੱਖ ਸੰਪਰਦਾਇਆਂ ਦੇ ਸੰਤਾਂ ਨੂੰ ਸਤਿਕਾਰ ਸਹਿਤ ਦਕਸ਼ਨਾ ਭੇਂਟ ਕੀਤੀ ਗਈ | ਡੇਰਾ ਮੁਖੀ ਬਾਬਾ ਸੁਖਰਾਜ ਦਾਸ ਨੇ ਦੱਸਿਆ ਕਿ ਡੇਰਾ ਬਾਬਾ ਰੰਬ ਲੋਕ ਵਲੋਂ ਹਰ ਸਾਲ ਬਾਬਾ ਓਮ ਪ੍ਰਕਾਸ਼ ਦਾਸ , ਬਾਬਾ ਸੰਤ ਰਾਮ , ਸਿੱਧ ਬਾਬਾ ਮਧੂਲੀਆਂ ਅਤੇ ਸੰਤ ਬਾਬਾ ਭਜਨ ਦਾਸ ਦੀ ਯਾਦ 'ਚ ਵਿਸ਼ੇਸ਼ ਸਮਾਗਮਾਂ ਦਾ ਆਯੋਜਨ ਕੀਤਾ ਜਾਂਦਾ ਹੈ | ਇਸ ਦਰਮਿਆਨ ਸਮੁੱਚਾ ਮਾਲਵਾ ਅਤੇ ਹਰਿਆਣਾ ਤੋਂ ਵੱਡੀ ਗਿਣਤੀ 'ਚ ਸੰਗਤਾਂ ਨਤਮਸਤਕ ਹੁੰਦੀਆਂ ਹਨ | ਇਸ ਮੌਕੇ ਅੰਮਿ੍ਤਪਾਲ ਬਾਵਾ, ਵੀਰਮ ਬਾਵਾ, ਬੰਸ਼ਪ੍ਰਤਾਪ ਬਾਵਾ ਆਦਿ ਹਾਜ਼ਰ ਸਨ |
