ਝੁਨੀਰ, 5 ਮਾਰਚ (ਸੰਜੀਵ ਸਿੰਗਲਾ)-ਬਲਾਕ ਸੰਮਤੀ ਝੁਨੀਰ ਦੇ ਅਹੁਦੇਦਾਰਾਂ ਦੀ ਹੋਈ ਚੋਣ 'ਚ ਭੋਲਾ ਸਿੰਘ ਭੰਮੇ ਖ਼ੁਰਦ ਨੂੰ ਚੇਅਰਮੈਨ ਅਤੇ ਬਲਜਿੰਦਰ ਕੌਰ ਫ਼ਤਿਹਪੁਰ ਨੂੰ ਉਪ ਚੇਅਰਪਰਸਨ ਚੁਣਿਆ ਗਿਆ ਹੈ | ਇਹ ਚੋਣ ਪ੍ਰਕਿਰਿਆ ਐੱਸ.ਡੀ.ਐੱਮ. ਸਰਦੂਲਗੜ੍ਹ ਹਰਜਿੰਦਰ ਸਿੰਘ ਜੱਸਲ ਦੀ ਦੇਖ-ਰੇਖ ਹੇਠ ਨੇਪਰੇ ਚੜ੍ਹੀ | ਇਸ ਮੌਕੇ ਹਾਜ਼ਰ ਹਲਕਾ ਸਰਦੂਲਗੜ੍ਹ ਦੇ ਵਿਧਾਇਕ ਗੁਰਪ੍ਰੀਤ ਸਿੰਘ ਬਣਾਂਵਾਲੀ ਨੇ ਨਵ-ਨਿਯੁਕਤ ਅਹੁਦੇਦਾਰਾਂ ਨੂੰ ਮੁਬਾਰਕਬਾਦ ਦਿੰਦਿਆਂ ਕਿਹਾ ਕਿ ਉਹ ਇਲਾਕੇ ਦੇ ਵਿਕਾਸ ਲਈ ਪੂਰੀ ਤਨਦੇਹੀ ਅਤੇ ਇਮਾਨਦਾਰੀ ਨਾਲ ਆਪਣੀ ਭੂਮਿਕਾ ਨਿਭਾਉਣ | ਉਨ੍ਹਾਂ ਕਿਹਾ ਕਿ ਪਿੰਡਾਂ ਦੇ ਸਰਵਪੱਖੀ ਵਿਕਾਸ ਅਤੇ ਸਰਕਾਰੀ ਸਕੀਮਾਂ ਨੂੰ ਹੇਠਲੇ ਪੱਧਰ ਤੱਕ ਪਹੁੰਚਾਉਣ ਨੂੰ ਪਹਿਲ ਦਿੱਤੀ ਜਾਵੇ | ਇਸ ਮੌਕੇ ਬੀ.ਡੀ.ਪੀ.ਓ ਝੁਨੀਰ ਪਰਮਜੀਤ ਸਿੰਘ, ਡਾਇਰੈਕਟਰ ਸਹਿਕਾਰੀ ਬੈਂਕ ਗੁਰਸੇਵਕ ਸਿੰਘ ਝੁਨੀਰ, ਸਰਪੰਚ ਰਾਜਿੰਦਰ ਸਿੰਘ ਦਸੋਂਧੀਆ, ਗੁਰਪ੍ਰੀਤ ਸਿੰਘ ਚੈਨੇਵਾਲਾ, ਦਰਸ਼ਨ ਸਿੰਘ ਚੈਨੇਵਾਲਾ ਪ੍ਰਧਾਨ ਟਰੱਕ ਯੂਨੀਅਨ ਸਰਦੂਲਗੜ੍ਹ, ਮੀਡੀਆ ਕੋਆਰਡੀਨੇਟਰ ਗੁਰਮੇਲ ਸਿੰਘ ਭੰਮਾ, ਸਰਪੰਚ ਨਿਰਮਲ ਸਿੰਘ ਘੁਰਕਣੀ, ਸਰਪੰਚ ਅਮਰਜੀਤ ਸਿੰਘ ਚਹਿਲਾਂਵਾਲੀ, ਸਰਪੰਚ ਅਰਸ਼ਦੀਪ ਸਿੰਘ ਕੋਟਧਰਮੂ, ਬਲਵਿੰਦਰ ਸਿੰਘ ਘੁਰਕਣੀ, ਗੁਰਾ ਮਾਨ ਆਦਿ ਹਾਜ਼ਰ ਸਨ |
