ਬੁਢਲਾਡਾ, 16 ਮਈ (ਰਾਹੀ)- ਸਥਾਨਕ ਸ਼ਹਿਰ ਅਤੇ ਇਲਾਕੇ ਦੇ ਮਸਲਿਆਂ ਸਬੰਧੀ ਸੋਸ਼ਲਿਸਟ ਯੂਨਿਟੀ ਸੈਂਟਰ ਆਫ਼ ਇੰਡੀਆ (ਕਮਿਊਨਿਸਟ) ਤਹਿਸੀਲ ਬੁਢਲਾਡਾ ਦੇ ਡੈਪੂਟੇਸ਼ਨ ਵਲੋਂ ਗਗਨਦੀਪ ਸਿੰਘ ਐਸ.ਡੀ.ਐਮ. ਬੁਢਲਾਡਾ ਨੂੰ ਮੰਗ ਪੱਤਰ ਦਿੱਤਾ ਗਿਆ | ਜਥੇਬੰਦੀ ਦੇ ਸੂਬਾ ਕਨਵੀਨਰ ਪ੍ਰੋਫੈਸਰ ਅਮਿੰਦਰਪਾਲ ਸਿੰਘ ਗਰੇਵਾਲ ਦੀ ਅਗਵਾਈ ਵਾਲੇ ਇਸ ਡੈਪੂਟੇਸ਼ਨ ਜਿਸ ਵਿਚ ਤਹਿਸੀਲ ਪ੍ਰਧਾਨ ਸਵਰਨ ਸਿੰਘ ਮੱਲ ਸਿੰਘ ਵਾਲਾ, ਜੀਵਨ ਸ਼ਰਮਾ ਅਤੇ ਹੋਰ ਆਗੂ ਸ਼ਾਮਿਲ ਸਨ, ਨੇ ਇਲਾਕੇ ਅੰਦਰ ਸੜਕਾਂ, ਪੀਣ ਵਾਲੇ ਪਾਣੀ, ਗੈਸ ਸਪਲਾਈ, ਪੇਂਡੂ ਬੱਸ ਸਰਵਿਸ, ਸਿੱਖਿਆ, ਸਿਹਤ ਅਤੇ ਖੇਤਰ ਦੀਆਂ ਦਿੱਕਤਾਂ ਨੂੰ ਦੂਰ ਕਰਨ ਦੀ ਮੰਗ ਕੀਤੀ ਗਈ | ਇਸ ਬਾਰੇ ਅਧਿਕਾਰੀ ਨੇ ਵਿਸ਼ਵਾਸ ਦਿਵਾਇਆ ਕਿ ਉਕਤ ਮਸਲਿਆਂ ਨੂੰ ਜਲਦ ਹੱਲ ਕਰਵਾਇਆ ਜਾਵੇਗਾ |
