ਮਾਨਸਾ, 23 ਮਈ (ਬਲਵਿੰਦਰ ਸਿੰਘ ਧਾਲੀਵਾਲ)- ਸਥਾਨਕ ਨਗਰ ਕੌਂਸਲ ਦੇ ਅਨੁਸੂਚਿਤ ਜਾਤੀ ਲਈ ਰਾਖਵੇਂ ਵਾਰਡ ਨੰਬਰ 16 'ਚ ਚੋਣ ਮੁਹਿੰਮ ਪੂਰੀ ਭਖੀ ਹੋਈ ਹੈ | ਵਾਰਡ ਦੀਆਂ ਕੁੱਲ 1769 ਵੋਟਾਂ ਹਨ, ਜਿਨ੍ਹਾਂ 'ਚ 941 ਮਰਦ ਅਤੇ 828 ਅÏਰਤ ਵੋਟਰ ਹਨ | ਵੋਟਾਂ ਦੇ ਭੁਗਤਾਨ ਲਈ 2 ਬੂਥ ਕਾਇਮ ਕੀਤੇ ਗਏ ਹਨ | ਕੁੱਲ ਚਾਰ ਉਮੀਦਵਾਰ ਚੋਣ ਮੈਦਾਨ 'ਚ ਹਨ | ਕਾਂਗਰਸ ਦੀ ਉਮੀਦਵਾਰ ਸਾਬਕਾ ਕੌਂਸਲਰ ਸੁਰੇਸ਼ ਰਾਣੀ ਦੀ ਮੁਹਿੰਮ ਸਿਖਰ 'ਤੇ ਹੈ | ਉਨ੍ਹਾਂ ਦੇ ਪਤੀ ਸਵ. ਸੀਤਾ ਰਾਮ ਚੂਨੀਆ ਵੀ ਕਈ ਦਫ਼ਾ ਇੱਥੋਂ ਕੌਂਸਲਰ ਰਹੇ ਹਨ | ਆਮ ਆਦਮੀ ਪਾਰਟੀ ਨੇ ਬਾਦਲ ਨੂੰ ਮੈਦਾਨ 'ਚ ਉਤਾਰਿਆ ਹੈ | ਸ਼ੋ੍ਰਮਣੀ ਅਕਾਲੀ ਦਲ ਵਲੋਂ ਹਰਪ੍ਰੀਤ ਸਿੰਘ ਚੋਣ ਲੜ ਰਹੇ ਹਨ ਜਦਕਿ ਭਾਜਪਾ ਵਲੋਂ ਅਸ਼ੋਕ ਕੁਮਾਰ ਦੀਆਂ ਸਰਗਰਮੀਆਂ ਵੀ ਤੇਜ਼ ਹਨ | ਉਮੀਦਵਾਰ ਲੋਕ ਸਮੱਸਿਆਵਾਂ ਪਹਿਲ ਦੇ ਆਧਾਰ 'ਤੇ ਹੱਲ ਕਰਨ ਦੇ ਵਾਅਦੇ ਕਰ ਰਹੇ ਹਨ | ਜਿੱਥੇ ਉਮੀਦਵਾਰ ਤੇ ਉਨ੍ਹਾਂ ਦੇ ਸਮਰਥਕ ਦਿਨ-ਰਾਤ ਮਿਹਨਤ ਕਰ ਰਹੇ ਹਨ ਉੱਥੇ ਚਾਰੇ ਰਾਜਸੀ ਪਾਰਟੀਆਂ ਦੇ ਆਗੂ ਵੀ ਆਪੋ-ਆਪਣੇ ਉਮੀਦਵਾਰਾਂ ਨੂੰ ਜਿਤਾਉਣ ਲਈ ਪੱਬਾਂ ਭਾਰ ਹਨ |
